Piyeküsü 1:3 - BAIBEL (BSI)

³ Khunono kaku hipau phini keno tipaqo kumghae eno khunono tungkupu tsape hipaqo chiluni eno tipaulo yepuakeu pelu nikeno tipaqo kumghae; kughengu adoye kupunuvae.

Sümi Tiqhelimi Bible

³ Khuu no ighamuku tungkuptsa hipau phisüni keno tipano kümghae, eno khunoqo no hi chilu püzü kiu yèpüani keno tipau papeni keno tipaqo kümghae, kughengu ado ye kupunúvae.

Sumi Naga CL (Re-edited) Bible (BSI)

³ Khuu no asütsa süqhe ghi tungkuptsa hipau phisüni keno akümghapu, khunono chiluni keno akümghapu, eno khunono tipau lo yepüakeu peluni keno akümghapue, kughengu ado ye kupunuvae.

Piyeküsü 1:3 ပူးပေါင်းရင်းမြစ်များ

AHOLE 8:34

Khunono itsa inini keno, iwu khagholo tsalakipetsu khekutoni keno ikikha phivilo ngokheni keno, paye alovilu nani.

JEREMIYA 51:61

Ino Seraiya vilo pike, “Nono kughou Babilon toluni keno timiqo lau asutsa qhemghai shino hilehi yesupe puakeqo kumtsu phipiye masa ke.

MATTHEW 24:15

“Akuighupu kutsakungo keu khikhi Danel tungkupuno pipuani keno tipauno akimthe-alo puthugho aghikeu nonguno ithulu aye, (phi akeuno hipau kiqiye kiu keno ithi kututa shilulo),

Luke 11:28

Ikemu pano pi, “Khunoqono Alhou tsa chilu eno ti qhiluni keno tipaqono alau akumghapue.”

Rommi 13:11

Nonguno hi shilo, kughengu itodolo kiu tuqhudo shiani keno nonguno ithi ani: Nonguye zuakeu lono idaithughi kepu do ighivae. Kughengu ningu xakulupu tuqhudoye ninguno atughulo pululukeu nguno kupunukhoi kithevae.

Rommi 13:12

Putho wokhaveni cheae, atsala ipe cheae. Akuzulo mla ithachekeu ninguno qhiveni nolo eno akuvulo aghu shikepu nanu pepuni nolo.

1 Peter 4:7

Ikemu thwokha kishekha nikeu kupunuvae; tighenguno nonguye akukhu kighini shilukepushi alikhi ampi ghasulu eno tsukhuyi shilo.

2 Peter 3:8

Ikemu mutsuqheyi keu vehu hipau kumsuma kevilo, ino kimiyechekemiqo! Ampeu zuloye atsala lakhiye ampe 1000 paphike eno ampe 1000 ye atsala lakhi paphike.

Piyeküsü 22:10

Pano ivilo highi pi, “Kaku hipaulo tungkupu tsa pipuakeu kusupe qhi kevilo, kughengu hipaqo kumtsu shikupuni keu ghulokiye kupunuvae.

Piyeküsü 22:12

Jisu no piani, “Niye itheno cheae! Pututano kiu mlape puani keno tipau qhemi asaxu tsunike ghenguno ino isaxu pesu cheni.

Piyeküsü 22:20

Hipau kumtsulo khuno pa shepe tsuani keno pano piani “Mutsuqheyino tishike! Niye itheno cheni!” Tishilo,Ighilo, Ampeu Jisu!

Piyeküsü 3:11

Niye keyi ighini cheni; nono peakeu mutotoi tsuqupe alo, tishianguno khuu pelomu owu tokulu saxu suxalu vepemonike.