NEHEMIA 9:8 - BAIBEL (BSI)

⁸ Paye olau amikucho shikeu nono phuluke, eno nono pa sasu puloshoqhi shike. Nono Kananmi yeghi pa tsunikeu shi tushoqhike, Hatimi yeghi, Amarimi yeghi, Perizimi yeghi, Jebusimi yeghi eno Girgashimi yeghi tsuni keu shi tushoqhi ke, Pa laghami pelo ngo chepe nikeu yeghi shitsu ke. Nono amikucho kehu oshoqhi peluke.

Sumi Naga CL (Re-edited) Bible (BSI)

⁸ Pa mlo no O shou pükhükulupu shikeu Nono ithulu kehu Canaanmi, Hittimi, Amorimi, Perizimi, Jebusimi, eno Girgashimi yeghi pesü pa lagha tsüniye pa sasü puloshoqhi shike. Eno Nono Ow pikiqhitsa papeke, kughengu No ye amikucho ke.

NEHEMIA 9:8 ပူးပေါင်းရင်းမြစ်များ

BOTHUBO 12:7

Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

BOTHUBO 15:6

Abram no AMPEU shou pulubeluve kehu Abram no pa pulubeluve keu tiye amikuchoe pi AMPEU no kihiluvetsue.

BOTHUBO 22:12

Kungumi huno pi, “Onu pithi kevilo momu pa shou kiumu shikevilo, kughengu noye Alhou gholu cheni kepi ino ithivae; Noye anu lakhi likhi akeu ghi pesu itsuveni keu suchilemoe.”

SAMUEL AKINIU 22:31

Alhou hipau pa kumlaqoye kiutoi kupukulu kya! Pa tsaqoye kiutoi pukhube kulu kya! Khunono pa sukusho phucheni keno panongu kumtsu lau paye azuto lakhi toike.

YEKIKITHI ATUGHIU 1:14

Kanan ye Jebusimi, Amarimi, Girgashimi,

YEKIKITHI ATUGHIU 16:16

Pano Puloshoqhi Abraham sasushie eno Isak sasu tushoqhie.

EZRA 9:15

O AMPEU Israil Lhou: Nono kuchou Lhou ke, ninguye ishi tsala hipaulo achili shi pojo ighi kulumiqoke. Nino nixine pesu ozulo puthugho anie. Ninguye ozulo ighi kuzu kumoe.”

NEHEMIA 9:33

Noye nighimeqhi keu achipike, ninguno axine shivekemu noye pukhukulushike.

LESHELE 116:5

AMPEU ye kimiyekini eno aloke; ni Lhou ye qhuivulayikeu.

IPEKULU 3:17

Ijip lo ayikushushi panoqo peitha akeu lono saipeghini keu ino xathavae, eno kinikulu aghuma yeghilo panoqo sawu nani, tiye Kananmi, Hatimi, Amarimi, Perizimi, Havimi eno Jebusimino achekeu yeghike.

IPEKULU 3:8

eno niye Ijipmi launo panoqo xaphelunike iqighivae eno panoqo sasu Ijip lono aghakhu aqha kivilo saipeghini cheni, tiye kinikulu eno aghuma kua yeghike, Kananmi, Hatimi, Amarimi, Perizimi, Havimi eno Jebusimi no kughuna achenike.

EZEKEL 33:24

“Thinikuau timio, Israil lo aphughi ixapinyive keulo timi akeqoye ishi piani: ‘Abraham ye timi lakhi likhike, eno ayeghiqha kumtsu pa tsupuanike. Ninguye timi kutomo anike, itehi ayeghiye ningu wu ake.’

AKIKIHI 13:29

Amalekmi ayeghi apeu qhalo kughuna ani eno Hatimi ngo Jebusimi eno Amarimi no ato ghakhulo anie; eno Kananmino Mediteriya Zughi phivilo ngo Jordan ghoki muku kuxalo kughuna anie.”

AKIKIHI 23:19

Alhou ye timi kumo keke paye mikini chemoe; Paye timi lakhi kenomu pa kukumsu kiliveni chemoe; Pano kiu kiumu piqhivekeu pano shicheni; Pano pikelo tiye shive aghi cheni.

Apostolmi 13:22

Alhou no pa ikhive kethiu, David xaqhe pesu panongu kukau shipe. Alhou no David ghili ishi ashepe shi, ‘Ino Jese nu David phuluvae, paye imlo kuchumi eno pano igho ipulou kumtsu shi nani.’

ZAKINIU 26:3

Tipa ghulokilo achineu ampi shi aghi keu lau wulo eno pa vilo pilo, ‘Ino itehino AMPEU iLhou gihu ikhilu anike pano nipuasu tsunikeu shi tushoqhive keu yeghilo niye iloghiluvae.’

ZAKINIU 32:4

‘AMPEU ye nongu sushokuluu akughushuu, pano shike kumtsulo kupukulu eno kuchou; Nongu Lhou ye amikucho eno kuchoue; achipiu eno akivipu pano shi cheni.

ZAKINIU 7:1

“Nonguno ngoluniye akeu ghakhulo AMPEU nongu Lhou no nongu saighi nanike eno pano tipa yeghi lono ashiayeh kutomo hapuwuvetsu nanike. Nonguno azuu haighi kelo pano ashiayeh tsuni nongu nguno akichiu eno akuka kuami haphevetsu nanike: Hatimi, Girgashimi, Amarimi, Kananmi, Perizimi, Havimi eno Jebusimi.

ZAKINIU 9:5

Nonguno akivi ke ghenguno AMPEU ye nongu pelo panoqo yeghi lupeniyeke kumoe. Pano panoqo halevetsuniye akeuye panonguno lhoksa kughami eno pano nongu puasu Abraham, Isak eno Jakob lau tushoqhi puakeu kumsupu achenike hue.

Titus 1:2

Alhou ye mikichemoke, hiye aghuloki huthumphi lono pano piqhivae,

IBRIMI 11:17

Alhou no Abraham pejukelo, pano akupulu lono panu Isak pesu Alhou mllae.

IBRIMI 6:18

Tishiaye thime hikumaye kilivemlake eno hipaulo Alhou ye khilemu akimiki shiaghivemla nanike. Ikehu ningu khunoqono susholu peniye poluve akeno ninguye nizulo lajupu qhitsu keu mutotoi tsuqulu peniye shishe shikumtovae.

JOSHUA 11:23

Joshua no ayeghi kumtsu leluve. AMPEU no Muse ahza tsuketoi Joshua no ayeghi tipaqo pe Israilmi dolo panongu wu ashiayeh kiqi lono kijevetsu. Titoi shiveno timi qoye ashi-aghu shimono ililai ngove.

JOSHUA 11:3

Pano Jordan hokumxalo Kananmi lau Amarimi lau, Hatimi, Perizimi eno Jebusimi atolo kuami eno Mizpa yeghiqhalo Hermon naghuto pukhu kuxalo kuami kumtsu lau yepuwu.

JOSHUA 23:14

“Itehiye niye thikepu do ighivae. Timi kumtsuno pututa mlono eno nongu ngulhono ithi ani. AMPEU nongu Lhou no tushoqhike toi thwokha jeli kivi pe nongu tsuvae. Piqhikeu kumtsu pano shikupuno lakhimu vezuvemoe.

JOSHUA 9:1

Israilmino toluakeu Jordan kulolau kukami kumtsuno ithive, naghuto ngo naghuto pukhulo kuami, azughi mukuqalo kuami Libanon kutolo ithive, tipaqoye Hatimi kukami, Perizimi, Havimi, Amarimi, Kananmi eno Jebushimi kukamiqo ke.

1 John 1:9

Ikemu ninguno nixineqo Alhou vilo pipheluaye, paye pukhukulupu eno achipiu shi cheni, pano nixineqo pevetsu nani eno alhoksa kumla kumtsu launo nishikimthe nani.