NEHEMIA 9:32 - BAIBEL (BSI)

³² “O Alhou, noye kiu toi kije kela! Kishi akuighupu eno akuka kughushu kela! Noye akikhishi owu puloshoqhi shikeulo piqhive keu pelu achenike. Asiriya kukamino nedaqoda cheke ghuloki lono ishi kutolo ninguye shishe imeve ake! Niwu kukami, sakiphemi, achinemi eno tungkupmi, nipuasuqo eno niwu timi kumtsu aghime shivae. Ninguye kishi aghime shive akeno kumsulu tsulo!

Sumi Naga CL (Re-edited) Bible (BSI)

³² “Tighenguno itehi, ni Lhou, akijeu, akumtou, eno akichiqhipu Lhou, puloshoqhi eno iqemokeu kikimiye pekupu chekeu, Assyria kükami ghuloki lono ishi kutolo aghime ni shou ikughi keu eno niw kükami, sakiphemi, achinemi, tungkupmi, apuasü, eno timi kümtsü shou ikughi keu jukuloti tsü kevilo.

NEHEMIA 9:32 ပူးပေါင်းရင်းမြစ်များ

KUKAMI ATUGHIU 8:23

hitoi inikhu, “Israil Lhou AMPEU, tsutsu qholo eno yeghi shou khumu otoikeu Lhou kuhae! Nono owu timiqono amlo kuchopu ikhiphe pesu aghokulu shi ake thaqhulo owu timiqo sasu puloshoqhi shino okikimiye panongu lau pephe piye.

KUKAMI AKINIU 15:19

Tiglat Pilaser Siriyami kukau no Israil le iloghi ke ghulokilo pa saphu pa kukaqha shikumtotsu apenike ghenguno Menahem no tsandiyi kilogram 34,000 pa tsuve.

KUKAMI AKINIU 15:29

Peka no ka ake ghuloki lono Asiriya lo akukau Tiglat Pilaser no aphughi hipaqo leluvetsu, tiye Ijon, Abel Beth Maaka, Janoa, Kedes, Hazor, Gilead, Galil eno Naftali ghakhulo akeqo ghi leluvetsu puzu timiqo kugha sasu Asiriya lo akughushi sawuve.

KUKAMI AKINIU 17:23

ikehu ashekhaloye AMPEU no pa nhekithe lono panongu hapheve, pano paqemi tungkupumi vechewo panongu ghutu keu lono pano shinipi ketoi shive. Tighenguno Israilmiye Asiriya yeghilo kughasasu akughu shiukhave, panonguye ishikutolo tile xu achephike.

KUKAMI AKINIU 17:3

Asiriya kukau Shalmaneser no pa sasu aghu shithuve; Hosheya ye Shalmaneser zulo ipeghive eno ampelo zahme pa tsu anikeu shive.

KUKAMI AKINIU 17:6

Hosheya no kakeu mpe atokuu shi akeno, Asiriyami kukau no ighino Samaria leluve eno Israilmi kughasusu Asiriya lo akughumi shi sasuwuve eno panongu khami kughapesu Hala phughilo ngovepe eno khamino sawo Gozan distrik lo Habor ghoki phivilo qhive eno khamino Mediya phughilo ngovepe.

KUKAMI AKINIU 23:29

Kughou Josia no akukau shi akeno tipa ghuloki lono Ijipmi kukau Neko no ghushimi sasu Eufrati kutolo Asiriya lo kukau kuphu tsunike ghenguno le iloghi. Akukau Josia no Megido lono Ijipmi ghushimi lakha chilelu eno paye ghushiqa lono pa pithive.

KUKAMI AKINIU 25:7

Zedekia nhekithe lono pa nuliqo kumtsu pithi khavetsu; tishino Nebukadnezar no Zedekia nhethi chixejovetsuno ayikichheno pa phiau pheveno sasu Babilon lo wuve.

EZRA 4:10

akijeu eno akumtou Ashurbanipal no hakiqe sasu Samaria phughilo Eufrati kulola kudau aghakhulo akeulo sawo qhivekemiqo launo yekili ani.”

EZRA 4:2

aghumino Zerubabel eno pa gholo sakiphemiqo lau ighi puzu pi. “Nighi nongu gholo Achineki shikuqhanie kughengu nighi nonguno kiutoi noLhou mlla acheni keno titoi Asiriya lo akukau Esarhadon no nisasu hile ighi ke lono ishi kutolo pa mlla achenie.”

EZRA 9:13

Ningu kipimi ghenguno aghime ithuluno haphevepe namu ni ghime kuzupu nguno akimkheu nighime tsuke eno tishimu ningu khami ghupuaghi tsuke.

NEHEMIA 1:5

“O AMPEU, Kungugha Lhou; Noye kijeke eno nino ozulo msa khokhoshi puthugho anie. Noye khunono oqhuivu eno oyezahqo pecheni keno panoqo lau amikucho lono oshoqhi pua chenie.

LESHELE 47:2

AMPEU, Shishe Akiqheu ye sumsa kepuke; paye akukau kije lakhi, ayeghiqha kumtsulo ayehpe acheni.

LESHELE 66:3

Alhou vilo ishipilo “Nono mlaqhi keuye kiutoi akumzapu kela! Okukaye shishe kije kehu oghumiye akumsa launo ozulo pishiqho ke.

LESHELE 66:5

Ighieno Alhou no kiu mlavetsukeno julo, timi gholo pano mlaqhikeu akumzapuke.

IPEKULU 18:8

Muse no Jethro vilo AMPEU no Israilmi xapheluniye Ijip lo akukau ngo timiqo shou kiu shivekeno thwokha kumtsu pitsu. Pano panongu vilo timiqoye alalo chekelo akijiksa kiu sholukeno eno AMPEU no kishi panoqo xalukeno tipau pesu pitsuke.

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

DANIEL 9:4

Ino iwu timiqo kipimi pipheghi AMPEU iLhou vilo inikhua. Ino pi, “AMPEU Alhou, noye ighono kije tighenguno ino ogihu cheni. Noye owu puloshoqhi atho shi pecheni eno khunoqomino okimiye cheni eno ozah kutsu shikupu cheni keno tipaqo lau iqemokeu kikimiye piye achenike.

DANIEL 9:6

Nino oqemi tungkupmino pikeu inimoe, khunoqono oje kughape nipu nisuqo nikukauqo eno nishiayeh kumtsu vilo pikeno.

DANIEL 9:8

Niwu kukamiqo, ayehkipemi nipu nisuqono akukujopushi ozulo axine shiveke, AMPEU.

ACHINE 26:18

“Hipaqo kumtsu shive kethiu ghi nonguno igholumo aye ino nongu ghimeqhi keu ghuthu tsuni kighishe vetsu nani.

ACHINE 26:21

“Nonguno imujochile auve eno igholuni keu mili auve aye ino nongu ghime ghuthu tsuni kighishevetsu nani.

ACHINE 26:24

tile ino nongu shou akumou shi nani eno puzuu nguno ighono aghime kusa ghuthu tsuni kighishe pesu nongu ghime nani.

ACHINE 26:28

tileno iloghu lono ino nongu shou akumou shinani eno itaghi nongu ghimepuye puzuu nguno alhoksa kutuu shi ghuthu tsuni kighishetsu nani.

ZAKINIU 7:12

“Nonguno ahza kutsu hipaqo tsaqui inino amikucho shi agholu aye, tileno AMPEU nongu Lhou no nongu lau pawu puloshoqhi shikeu peche nani eno pawu iqemokeu kikimiye piye nanike, tiye nopuasu vilo tushoqhive ketoi.

ZAKINIU 7:13

Pano nongu kimiye eno kumghatsu nani, tishianguno nonguye timi kutomo shiluve nani eno atianuli kutomo shilu nani; pano nongu luza kumghatsu nani tishikeulo nonguye athi, atsayi-ji eno oliv teli alu nani. Pano nopuasuqo vilo ayeghi hipau nongu tsunikeu shi tushoqhive keulo kukumgha hipaqo kumtsu nongu tsu nanike.

ZAKINIU 7:21

Tighenguno timi hipaqo musa kevilo; AMPEU nongu Lhou no nongu gholo anike, paye Alhou kijeke eno pa sumsa kepu ke.

ZAKINIU 7:9

AMPEU nongu Lhou likhino Alhou kepi kumsululo eno paye amikuchoke. Paye puloshoqhi phevemo nanike eno pa qhuivu eno Pano ahza tsukeu papelu kemiqo lau tiqheli 1000 kutolo pawu iqemokeu kikimiye piye chenike.