NEHEMIA 9:30 - BAIBEL (BSI)

³⁰ Ampe atsutsulo nono kheakulu shi panongu kutughu cheke. Nono owu tungkupmi lolo muzusutsuno pipecheke, ikemu owu timiqoye akini ipoke, tighenguno nono kutami shiyeh pelo panoqo leluve peke.

Sumi Naga CL (Re-edited) Bible (BSI)

³⁰ Ampe kutomo Nono panongu lau kheakulu shino tungkupmi vecheo O Ghungu no panongu kütüghü ke. Ikeghi panongu no initsü moe, tighenguno Nono ashiayeqo pelo pano leluve peke.

NEHEMIA 9:30 ပူးပေါင်းရင်းမြစ်များ

KUKAMI AKINIU 18:11

Asiriyami kukau no Israilmi kugha sasu Asiriya yeghilo akughushi sawuve eno panongu khamiye Gozan distrik lo Habor ghoki mukulo Hala phughilo ngovepe eno khamino Mediya phughilo ngovepe.

KUKAMI AKINIU 21:10

AMPEU no pa qemi tungkupumi vechewo pi,

YEKIKITHI AKINIU 24:19

AMPEU no tungkupumi puwu puzu pa lau ideighi penike kutughuu pe ikemu timiqono initsumoe.

EZRA 9:10

“Itehi O Alhou, ninguye tinguno alau kiu piluni kya? kughengu ninguno itaghi ozahqo hebidevae eno oqhivae

NEHEMIA 9:20

Nono akivi ke ghenguno panonguye kiu shikepu keno panongu vilo pitsuke; Nono mana pe panongu loji eno panongu pelo azu yelu peke.

NEHEMIA 9:26

“Ikemu owu timiqoye ohebide eno ogholumove; panonguye oyezah pe pano thikhau qhive. Panongu vilo olau ideghilo pike ghenguno panongu kutughutsukemi tungkupmi pithivetsu. Panonguno anguno anguno othaighake,

NEHEMIA 9:29

Okukutsu tsa gholupe niye nono panoqo kutughuke, ikemu panonguno aqhekuza shi ozahqo milivetsu ke, tishi pinamu oyezah pelukeulo akuxupu la anike. Panonguno kuthovi puzu agholumo kepi milive ke.

LESHELE 86:15

Ikemu O AMPEU, noye kupukini eno kimiyekini Lhou ke; alhokupujulo kutuukulu, kimiyekeu eno pukhukulupu.

LESHELE 95:10

Ampe lhobidi niye timi tipaqo jupe imlo putaveke. Ino pi, ‘Panonguye aghekulukumomi ke! Panonguye izah kutsu penikeu hebideke.’

ISAIAH 28:10

Paye lakhi khi, ajo lakhi khi eno akiphi do lakhikhino ningu shikaniye pukaputsaju anike.”

ISAIAH 42:24

Khuno xulepuwu kemi ulo Israil suve kya? Tiye AMPEU ampinoke, ninguno pa shou axine shiveke! Pano ningu pelo xupenishi ake toi ninguno xumoveke, eno pano akukutsu ningu tsupua keu agholumoveke.

ISAIAH 48:9

“Timiqo pelo ije sheqhepe nike ghenguno, niye ixu kighide suchile pesu ani; niye tipau qhipe puani eno nongu kutsale vemo nanike.

ISAIAH 63:10

ikemu panonguno pa hebideke eno pa pelo amlo kusapu shivepeke. Ikehu AMPEU ye panoqo ghumi shive eno panoqo sasu aghushiwuveke.

JEREMIYA 25:4

AMPEU ye pa qemi tungkupmi nongu lau puwutsu acheni kemu nonguno initsumo momu amlo tsuqhiyimoe.

JEREMIYA 44:22

Ishi tsalalo ghi noyeghiye ixapinyi ani eno khuu nomu tipaulo achemoke. Tiye timino juighukeu-a shi ani eno timino musuini keulo tipau je peitha anike, kughengu AMPEU ye nongu kixikila lhoksa pepimhe ache keu xapuqhe khamlaveke.

JEREMIYA 44:4

Ino nongu lau iqemi tungkupmi puwu acheke eno panoqo no nongu vilo ino jumithi chekeu thime kusakugha hipau shikevilo pi picheke.

JEREMIYA 44:5

Ikemu nonguno initsumoe momu amlo tsuqhiyikeu kuhae. Nonguye nonguno kutau lhouqo lau aghashi keu yeh lhoksa hu phevemoke.

JEREMIYA 7:25

Nopuasuno Ijip lono ipeghikeu tsala lono hipa tsala kutolo ino iqemi tungkupumi nongu lau puwu acheni.

AKUMLO 2:17

AMPEU no pano shini cheni kepi kichichekeu ashekha shivae: Pano ado kushuwa lono kutughu cheke toi kimiyemo mithe puzu ningu kutsavae. Pano nighumi pelo tokulu shipe eno nino veqhive keulo panoqo pelo alovivepe.

DANIEL 9:6

Nino oqemi tungkupmino pikeu inimoe, khunoqono oje kughape nipu nisuqo nikukauqo eno nishiayeh kumtsu vilo pikeno.

ZEKHARIA 7:12

Panonguno amlo hekighike pesu auvekeuye Aqokitikhi MPEU no pa ghungu pelo puzuumi tungkupmiqo vechewo ayezah eno akukutsu tsa tsupuwukeu chilumoniyeke. Tighenguno niye ighono aloghu ideveke.

ZEKHARIA 7:13

Ino pikeu panonguno inimoke ghenguno kughou panonguno inikhu keno ino khochilemoveke.

AKIKIHI 11:26

Lhotsuni gholo mikini ti Eldad ngo Medad pamaye aghazulo ngo auveno Aphikilo ipeghimove. Aghazu tilau ghi aghunguno pama shou ikughi eno pama ghi tungukupmi toi ighono asheshu atsa pilue.

Apostolmi 13:18

eno asayeqhalo ampe lhobidi kutolo panongu tucho-mujoe.

Apostolmi 28:25

Ikehu, panongu dolo kuqhamlano auve kehu, Paul no atsa nhekha lakhi pive kethiuye panonguye ixawove. Paul no hi pike, “Aghungu Kimthe no Isaya tungkupu vechewo nongu puasu vilo pikeu huye kiutoi kuchou kela!

Apostolmi 7:51

“Nongu aghekulukumomi, amlolo kusakugha eno Alhou sutsa chikumlamiqo. Nonguye nongu puasuqo toi kena, nongu ghi pulhapuju Aghungu Kimthe mujochile cheni.

Rommi 2:4

Momu noye Alhou no ivuilayi keu kije, kutu-ukulu eno kheakulu shikeu jukunathani kesha? Alhou no ivuilayi keu huye opelo pa lau xaideghilupeni yekepi noye mtha kesha?

1 Peter 1:11

Khristo Ghungu panoqo lolo akeuno Khristo no aghimeshi ime nikeu eno tipa shelo akimthejukuvupu shinikeu puzuuno asheazushi pikeu huye kiutoi kemi eno kiu tuqhu dolo kichesutsu ani keno panonguno pukaputsa phuphejuke.

2 Peter 1:21

kughengu tungkuputsaye timi gho apulou lono ighipe puamoe, ikemu Aghungu Kimthe no peitha keu lono timino Alhou launo ighikeu tsape pichenike.

2 Peter 3:9

Timi khamino kumsukeuno Ampeu ye pano piqhive keulo asheshi auve cheni kughashi kemu paye tishimo nani. Ikemu paye nongu lau kheakulu shi anike, kughengu paye timi khuu pelomu puhavepe nishimoe, ikemu kumtsu pelo axine lono xakide ighivepe nishi ani.