NEHEMIA 9:20 - BAIBEL (BSI)

²⁰ Nono akivi ke ghenguno panonguye kiu shikepu keno panongu vilo pitsuke; Nono mana pe panongu loji eno panongu pelo azu yelu peke.

Sumi Naga CL (Re-edited) Bible (BSI)

²⁰ O Ghungu kivi Nono panongu tsü, pano launo Ow manna süchileve moe eno pano tüghü ghenguno azü tsüke.

NEHEMIA 9:20 ပူးပေါင်းရင်းမြစ်များ

NEHEMIA 9:30

Ampe atsutsulo nono kheakulu shi panongu kutughu cheke. Nono owu tungkupmi lolo muzusutsuno pipecheke, ikemu owu timiqoye akini ipoke, tighenguno nono kutami shiyeh pelo panoqo leluve peke.

LESHELE 105:41

Pano atuqu lhaphe kelo azuno qoipeghi eno aghoki toi asaye qhalo qowuke.

LESHELE 143:10

Noye iLhou ke, opulou shipe nike ishikapiyelo. Ilau akivi shitsulo eno ala kumzulo isachelo!

IPEKULU 16:15

Israilmino kughou tipau ithulu keno panongu ye tiye kiu kela muthano lakhino lakhi vilo,Hiye Mana ipi inijukileke. Muse no panoqo vilo pi, “Hiye AMPEU no nongu pelo chupenike tsuakeu chuqupuke.

IPEKULU 16:35

Israilmiye tipathiu Kanan yeghi wo tomoke kutolo ampe lhobidi Mana chuche. Athiuye panonguno tipa alo wo ngoluveke.

IPEKULU 16:4

Tileno AMPEU no Muse vilo pi, “Jualo, ino nongu kumtsu ghenguno kunguuno achuqupu ghuqhi tsuni chenike. Timiqoye ghulo atsu tsu khalau ipeghi puzu tipa tsalani ghenguno lukumukhashi pekutsulu masae. Hitoi shikeu lono panonguye ino shilo pikeu papenikemo keno ino panoqo ghukejuni cheni.

IPEKULU 17:3

Ikemu timiqoye ighono tughuthive eno Muse vilo tamono muchho auve. Panonguno ishi pi, “Noye kushiye Ijip lono ningu saipeghi kya? Atughu lono ningu eno ni tianuliqo pithive niye kesha?”

IPEKULU 17:6

Ino Sinai Toghilo ogizulo atu lakhi shou puthugho nani. Atuqu shou hepukulo eno tipau lono azu ipeghi nani,tiye timiqo pelo yelupe nike.” Muse no Israilmi sakiphemi gizulo titoi shike.

ISAIAH 48:21

Kughou AMPEU no pawu timiqo sasu shukuthuyi eno qhayikeu sayeqha vechesu wukeno, panonguye tughuthikeu lono imevemoke. Pano atuqu lono panoqo ghenguno azu ipeghipe; pano atuqu suphono lhaphe eno azuno qoipeghike.

ISAIAH 49:10

Panonguye khilemu muzuthi tughuthimo nani. Tsukinhe ngo asayeqha kushuno panoqo shipusamo nani, kughengu panoqo kimiye kicheuno pano ngu tughushi sawu nanike. Pano panoqo azupukilo sawu nani.”

HAGAYI 2:5

Nonguno Ijip lono ipeghikelo niye pulhapuju nongu sasu anani kepi tushoqhike. Niye nongu sasu aphike ghenguno musa kevilo.

AKIKIHI 11:17

Ino tilehi iqighi no osasu kuptsani eno ino anguagha pe otsuveke toikeu sughino panongu tsuni. Tithiuno panonguno timiqo ghenguno amakho pukelo okuphulu peni eno noye olikhino amakho tipau pupemove nike.

John 4:10

Jisu no khochile, “Alhou no agho tsukeu nono ithi aghike aye eno ovilo azu piyelopi khuakeu ithiaghike aye, noye pa vilo akuxupu zu khunicheke eno pano tipau otsunicheke.”

John 4:14

ikemu khunono ino tsukeu zu shoni keno paye khilemu tughuthi kithemo nani. Ino azu pa tsukeu huno pa lolo lhokta kuxu zupuki lakhi shi qoipeghi ache nani.”

Rommi 15:30

Athikuzumiqo! ningu Mpeu Jisu Khristo ngo Aghungu no kimiye tsukeu lono ino hi nongu qhuiniju ani: Igholo kutupo ghi ighenguno Alhou lau akighini shitsu alo.

1 Kor. 10:3

panongu kumtsuno angu-agha kuxupu sho chuke,

Ephesiami 5:9

Kughengu akuvulo chechekeu lono akivipu, achipiu eno kuchou ipeghilupe cheni.

JOSHUA 5:12

Tithiuno Mana hu ikiqighi move eno Israilmino Kanan lono ipekighiqo chuveno tipathiuye mana ye qimove.

2 Peter 1:21

kughengu tungkuputsaye timi gho apulou lono ighipe puamoe, ikemu Aghungu Kimthe no peitha keu lono timino Alhou launo ighikeu tsape pichenike.