NEHEMIA 7:1 - BAIBEL (BSI)

¹ Itehi Jerusalem kupuwuqo mlakitheluve, khaghoqo kumtsu thosu alo mlasuluve, eno achineki khemi, akimthe lekiphemiqo eno Levimi kutami kumtsu pututa kumlalo suve.

Sumi Naga CL (Re-edited) Bible (BSI)

¹ Kughou Jerusalem kupuwu shikithe luve no I no ahukikhaqo mlasüve, khagho khemi ngo alephemi eno Levimi süsüve keno,

NEHEMIA 7:1 ပူးပေါင်းရင်းမြစ်များ

KUKAMI AKINIU 7:10

Tileno panonguye Siriyami ghazu qhiveno Samaria lo idewono khagho kheu kupheno pi: “Ninguye Siriyami aghazulo wukemu kumu ithumla momu chimlae; khurshiqo ngo gadahaqo lakhimu tsughape qhipuamoe eno aphikiqo ghi Siriyamino qhiveno wuvekeu atholo ani.”

YEKIKITHI AKINIU 31:2

Akukau Hezekiya no achinemi ngo Levimi muqo akikithi shi qhiwo eno tishi keu lono pututa shelo akumla shikepu ake. Akumla tipaqoye akipti kumllagho eno kuposhukulu kumllagho pesu mlla keu, achinekilo akumlla hoholo akumlapu saje shikeu eno Achineki lo pututa muzulo akishe eno shikimthi tsukeu.

EZRA 3:8

Panonguno Jerusalem lo ighi keu mpe akiniu aqhi akiniu lono achineki phu-alo ighi puzu akumla huthu. Akumlaye ideighi kemiqono shi eno Sheltial nu Zerubabel, Jehozadak nu Joshua eno panongu kusami, achinemi eno Levi laghaqo kuqhano akumla shilu.

NEHEMIA 10:39

Israilmi ngo Levimino athi, aji eno oliv teli qhalukeu pesu Achinekilo khilehi ali nhemgha qhicheni eno khilehi achinemi akumla kishimi acheni, Achineki khemi acheni eno Achinekilo alekiphemi chebo shicheni keno tipa-alo anhemghabolo pewuni. Ninguye ni Lhou ki kughuchovemo nani.

NEHEMIA 11:3

Taun kutaulo eno aphughi kutaulo, Israilmi, achinemi, Levimi, Achinekilo mlachekemi eno Solomon qemi polo kughukomiye pututa shelo pututa phughilo amheghi akeulo kughuna cheuve. Juda yeghi bocholo sakiphemi akhotomi Jerusalem lo kughunani kemi shilukeqo jeye hipaqo ke:

NEHEMIA 12:24

Hashabia, Sherebai, Jeshua, Binui eno Kadmiel no mijetsukeu qholono Levimiye amqoshi kithikithewo. Amqo kinino kivetsughu ghi Alhou sheqhe eno pa shikimthi cheke, tiye akukau David Alhou wu timino kichepiye keu kiqi lono shike.

NEHEMIA 6:1

Ninguye khagho laghilo khaghoqo mlalu mphiamu Sanbalat, Tobia, Geshem eno nighumi kutamiqono ninguye akupuwu hu mlaqhive pi chiluve eno mlamokeu do kuhave api chiluve aghi.

NEHEMIA 6:15

Atsala lhopungu kini mlave kethiu akupuwu kumla kumtsu Elul qhi atsala muku apungunino mlaqhive.

NEHEMIA 6:19

Timiqono igizulo Tobia kumla kivi kutomo piche eno ino pikeu tsa kumtsu pa vilo piveche. Pano ishi kumsaniye tamono ilau yekili yeche.