NEHEMIA 6:6 - BAIBEL (BSI)

⁶ Hitoi yeke: “Geshem no ivilo pike akisughumi timiqo dolo uyeu tsa lakhi pi akeuno no eno Judamiqono kupuna niye ani eno tighenguno noye Jerusalem kupuwu mlakithe anie pi anie. Pano highi pike noye oku toshino kaniye akupughu shi anie pike

Sumi Naga CL (Re-edited) Bible (BSI)

⁶ Yesü hitoi yepüaghi: “Shiyeqo dolo kügha ani, eno Geshem ghi pi anike no eno Jewmi ye hebide nike kughu ani; tighenguno nongu ye akupuwu shiqhe ani. Eno atsa chikulu kiqilo nono panongu kükau shiniye ani.

NEHEMIA 6:6 ပူးပေါင်းရင်းမြစ်များ

EZRA 4:12

‘Ninguno akukau pelo ithi penishi akeuno aghakhu kutau qha lono ighikemi Judamino Jerusalem lo ngoluvae, alhoksau eno hekibide phughi hu shikithe ani. Panonguye aphughi kupuwu shikithe thuvae eno kushuwo kumolo tipau shiqhiveni cheni.

EZRA 4:15

opuasu yekikithi kaku lhekide kudayi penike ahza tsupe nishi ani. Nono lhejupe aye aphughi hipauye pulhapujulo hebide che keu eno khaghi nomu aghakhu bocholo kukami ngo ayehpemi akupuna tsu ighikeu lhelu nani. Tighenguno aphughi huye kutsa leveke.

NEHEMIA 2:19

Kughou Sanbalat ngo Tabia eno Arabmi Geshem pano kuthuno ni kukughuqo ithive keno panonguno ni junuqhi eno ishi pi, “Nonguye kiu mla anipi kumsu ania? Nonguye akukatou hebideniye ani keshea?”

NEHEMIA 6:13

Pamano pa piqepe ishi kumsa eno ipelo axine shive peniye shike. Tishieno ije shipsave tsuniye eno ishiputha niye shike.

NEHEMIA 6:5

Tithiu Sanbalat no paqeu hape ilau asutsa apunguu peighi, tiye mekhamokeu yekili lakhike.

NEHEMIA 6:7

eno nono tungkupmi khami pelo noye Juda lo akukau kepi asheshu peniye kishekulu shiva pike. Akiqheu kukauno tipau sutsa tsaqui chilunishi anie, tighenguno ikujo kushono tipa ghili kuptsani kepi ikukumsu tsuju anie.”

JEREMIYA 20:10

Timi kumtsu ghano, “Aqha kumtsulo Akuighupu shivae! Ayehkipemi vilo pano ishi anikepi piveni nolo!” ipi chhu chhushi pikeu ino chilue. Ikusami kuchou ghi ino ikiqivekeu kheauvae. Panonguno pike, “Ishiake pa muquqhive luvike, tishianguno ninguno pa kughalu puzu amukhu lunike.”

MATTHEW 5:11

“Ighenguno timino nongu thaigha eno nongu shikimighi eno akimiki lono alhoksa jeli kumtsu pesu nongu shou pini shini keno, nonguye akumgha pue.

Luke 23:2

pa nguku thu: “Timi hipauno ni-timiqo sakughuzu cheghike tsuqulue, ike ni-timiqo vilo Rom kukau Kaiser lau asuqha tsukevilopi piaghi eno pa likhi pano Alhou no Kishephe puwukeu Mesiya akukau lakhi kepi aghie.”

John 19:13

Pilat no atsa hipaqo chilu kelo, pano Jisu sasu khalau ipeghi eno kughakutha lakhu “Atuqhu khache” ipichekeulo iqae; Ibrimi tsalo tipa-a pesu “Gabatha” ipi cheni.

Rommi 3:8

Tishiaye kushiye “Akivi ipeghi penike ningu alhoksa shinie” ipimo kya? Timi khamino ni-tha-ghi hikithipu ino picheniepi inguku acheni! Timi hitoi keqoye kileqhi vekeuno achipie.

2 Kor. 6:8

Ningu sunheqhe cheni eno haqhi cheni; ningu thaigha cheni eno sheqhe cheni; kimkimi toi ningu peitha cheni, ikeghi ninguye kuchou picheni;

1 Peter 3:16

Nongu wu kiviksa lokutsu hu mutsumisheyi shipe pualo tishianguno kutamino nongu ghusho keulo, nonguno Khristo papemike ghenguno khunono nowu ghushoghili kivi hu pipusa nikeno pano tsapino panoqo shikukujove nani.