NEHEMIA 2:8 - BAIBEL (BSI)

⁸ Asap lau ghi yekili lakhi yetsu lepi qhuiniju, pano kukami ghasu kheu kehu pa pelo toktasu itsu kulupu shipe nike, tiye achineki hukikha wu khagho ngo aphughi kupuwu ghengu eno ino ngokepu ki ghenguno ke. Akukatou no ino khukeqo kumtsu itsuve kughengu Alhou no igholo ake.

Sumi Naga CL (Re-edited) Bible (BSI)

⁸ eno akükau ghasü kheu Asaph lau ghi yetsülo, tishianguno pa no achineki hukikha khagho, aphughi kupuwu, eno I no ngokepu ki ghenguno akika shikulupu sü I tsüpenie.” Akükau no I no khukeqo pulove tsü, kughengu Alhou u no I shou ake.

NEHEMIA 2:8 ပူးပေါင်းရင်းမြစ်များ

BOTHUBO 32:28

Timi huno pi, “Hinguno hilauye oje Jakob ipi moni, ikemu Israil ipini. Kughengu nono Alhou sasu eno timi sasu kukhakulue eno okhaqhilu pemoe.”

EZRA 5:5

Ikemu Alhou no Judami sakiphemi shou jupukupe akehu Persia kijemiye Darus lau hipatsa yepuwu puzu khokichile ighimoke kutolo kiumu lakukha kugha shitsumoe.

EZRA 6:22

Atsala tsuni kutolo panonguno Kholaqhi sumokeu sho Pinye ikhilu. Panonguye alokivino chhitoive kughengu AMPEU no Asiriya Kukatou pelo panoqo shou amlo kiqi shi aghipe ikehu pa pelono Israil Lhou Achine ki shikithe keulo panongu kumlalo kuphulu peke.

EZRA 6:8

Tinguno alauno nonguno panongu kuphu mayesa keu yezah ino tsu ani. Alhou ki shinike ghenguno kumunu mono Eufrati kulolau akukau suqha qhalukeu jeli kumtsu pe aki kishilo tsuni, tishianguno akumla shipishe pemonike.

EZRA 7:6

Hi Ezra ye Babilon lono wuke; paye Judami sakiphemi lakhi eno paye AMPEU Israil Lhou no tsukeu Muse Yezah akiyemi lakhi shia eno pano Jerusalem lo idewoni keu iniju eno akukauno pa kukhu initsu.

EZRA 7:9

Alhou kukuphu vechewo panonguno aqhi atughiulo atsala atughunino Babilon lono chesu wuveno aqhi apunguulo atsala atughuniye Jerusalem toluve.

NEHEMIA 7:2

Ino ithikuzumi Hanani ngo Hanania akuka kilo ayehpeu Jerusalem phughilo ayehpe penike qhitsu. Kughengu paye kutami nguno Alhou sukumsamike.

AHOLE 21:1

AMPEU no mlalei aghoki qowukeula wulupe ketoi akukau kukumsu ghi ghakutsupe ani.

YETSAPIU 2:5

Ino aghutu ngo axathili shino tipaqolo thwokha xathibo shosue;

YETSAPIU 2:6

ino tipaqolo azu sukepushi ayizu chhupe qhi.

ISAIAH 66:14

Hipau shikeu nonguno ithulu keulo alovilo; tiye nongu pelo mutotoi eno ashi aji kivi shipeniyeke. Tileno ni AMPEU no igholukemiqo kuphu cheni eno ighumi shou iloghu ide cheni kepi nonguno ithi nani.”

DANIEL 1:9

Alhou no Ashpenaz pelo Danel kimiye luvepe.

Apostolmi 26:22

Niye ishi tsala kutolo Alhou launo ighikeu kukuphu lono hile puthughono kijemi vilo eno kitilami kumtsu lau ishepe tsulu ani. Ino pi akeuye tungkupmi eno Muse no shini pi piqhipuakeu shikupu anike.

Apostolmi 7:10

eno pa kuxu-kusa kumtsu lono pa xaphelu. Alhou no alokutsu eno timi lopu pesu Josef tsukeu lono pano Ijip lo akukau Farao zulo wukelo, Farao no pa pelo Ijip yeghilo Ahng shipe eno akukau kibo shou peithakutsu-u shivepe.

2 Kor. 8:16

Ninguno nongu hejunishiqhiyi akeu Alhou no Tito mlolo ghi tipau supuaghi tsukehu ninguno shishe Alhou shikimthi ani.