NEHEMIA 2:13 - BAIBEL (BSI)

¹³ Ino aphughi qhiveno kulolau Akhila Khagho vechesu apeu Dragon Zupuki hechesu Akutsukumna Khagholo wuke eno tishi ake kutolo putho shi ae. Ino wuche kelo aphughi kupuwu ipopiniyive keqo eno amino pitivekeu khaghoqo xujusu wu.

Sumi Naga CL (Re-edited) Bible (BSI)

¹³ I no aphughi qhive no Akhila Khagho vechesü Dragon Züpuki lono Xine-xigha Khagho lo wuno aphughi kupuwu ipopinyive keqo eno ami no pitive keu khaghoqo xujue.

NEHEMIA 2:13 ပူးပေါင်းရင်းမြစ်များ

YEKIKITHI AKINIU 26:9

Uzia no Jerusalem liwo kupuwu shikumto keu shi Acheku Khagho lo ngo Akhila Khagho lo akupuwu veho tsughu keqo-alo aghukheki shipe qhike.

NEHEMIA 1:3

Panonguno ivilo pi, “Akuxu achilishi aghi puzu aghakhulo ideighi kulumiqo hu ighono aghime shi anie eno inaghami pano cheaxulo kuamiqono tha igha achenie eno Jerusalem kupuwu hu hexavae eno tile khaghoqo hu pitiveke lono ishi kutolo tishi aphie.”

NEHEMIA 12:31

Ino Juda lo sakiphemi sawo akupuwu kutsuqalo kumqolupe eno panongu pelo Alhou shikimthi ghi aphughi homxani kemi amqo kijeje kini shou ampemi shipe. Atughiu muqono akupuwu kunguuno ajeu kudau chesu Xinexugha Khagho kudau wupe.

NEHEMIA 2:12

Alhou no Jerusalem ghenguno kiu mla kepu ilolo hakite sutsu keno niye khuvilomu pimono ae. Tishieno zubumta lono ithu puzu igholo timi khami sasu khalau ipeke. Ino gadaha shou ikuno cheke.

NEHEMIA 2:15

Tighenguno niye Kidron khilalo iqive eno akupuwu ju ghi chesu wu. Tithiu ino ighi keu lalo xaidesu wo eno Akhila Khagho lono aphughilo idewove.

NEHEMIA 2:17

Tileno ino panoqo vilo pi, “Ninguye kiu vekusapulo ani keno julo kughengu Jerusalem ye ixapiniyi ani eno tipaulo khaghoqoye ixapiniyi anie! Ninguno aphughi kupuwuqo mlanie eno ningu kukujopu tavepe nie.”

NEHEMIA 2:3

khochile pi, “Akukau pelo axu shupeniu! Niye kishi puzu ipuasuqo kumo qhope puakeu phughi ixapiniyi anike amlo samono aluni kya? Tipau khaghoqoye amino pitileveno anike!”

JEREMIYA 5:10

Iwu timiqo tsayilu kutsavetsu penike ino aghumi puwu nani, ikemu tipaqo qhoyi kutsavepe monani. Alokaqo likhi xidive penike ino panoqo vilo pinani, kughengu aloka tipaqoye iwu kumoke.