NEHEMIA 13:5 - BAIBEL (BSI)

⁵ Pano Tobia pelo achinekilo abo kije tuxatini gho tsukeu, axokutsungu puachekeu bo, achinekilo tinhemgha peitha chekeu, achinemi ghenguno agho tsukeqo, chighi saje tuxatini, aji eno oliv teli Levimi, achinekilo ale kiphemi eno achineki khemi pelo peitha peniye puakeqo Tobia pelo peitha penikeu shive.

Sumi Naga CL (Re-edited) Bible (BSI)

⁵ Tobiah ghenguno achebo lakhi achineki lo kutotsü. Ti ye inahuu athi kümllagho, müsüghüta, abohuqo, athi, atsaizü, eno thazü chighi saje sükeqo pekütsü pesü azakütsü lono Levimi, alephemi, khagho khemi, eno achinemi ghenguno qhiche keu chebo ke.

NEHEMIA 13:5 ပူးပေါင်းရင်းမြစ်များ

YEKIKITHI AKINIU 31:11

Akukau zah kutsu lono panonguno Achineki bocho lo pekutsu kepu chebo kuto

YEKIKITHI AKINIU 34:11

asu ngo atu mulakemiqo pelo atu ngo tokta qhu puzu Juda lo kukamiqono aki pumavetsu keu pukho penikeu shike.

NEHEMIA 10:36

Ninguno anu anoghiu sasu Achinekilo achineu lau sawuni eno tilauno Ayezahlo shilo pipuakeu toi Alhou lau ikhiphepe akimtheshi tsuni. Ninguno nimishino ati piti tughiu eno niwu bheri momu ane piti tughiu ghi pesu akimtheshi ikhiphetsuveni.

NEHEMIA 10:37

Ninguno ampe ampelo ghile hupughi keu athi atughiu lono asho kunu keu pesu Achinekilo achineu lau pewuni eno niwu kutau kumllagho, aji, oliv eno axathi jeli kumtsu ghi pewuni. Ningu alu chichekemi phulono chighi saje qhalu chekemi Levimi lau nilu lono tuxatini ipeghi keu chighi saje pesu panoqo lau wuni.

NEHEMIA 10:38

Kughou chighi saje qhani keno Aron kughukomi achinemino Levimi gholo ngoni eno Achineki lo peitha nike ghenguno panonguno qhalu keu lono saje chighilo lakhi pesu achinekilo anhemghabolo pewuni.

NEHEMIA 12:44

Tipa ghulokilo achineki ghenguno tuqhatuzu qhiche keu anhemgha kiqhia jukutsuni kemi timi ache, tile chighi saje eno ampelo amsu-u tuxatini eno axathi nivekeu xotughiu pe sucheke. Timi tipaqono achinemi ngo Levimi ghenguno tuqhatuzu tsukeu aphughi kupunulo alu kichimi launo qhanikeu makho puche, tiye Ayezah lono tipau avehupu shi akeu pipuake. Judami kumtsuno achinemi ngo Levimi shou amloqi ache,

NEHEMIA 13:7

niye Jerusalem lo ideighi. Tilehi Eliashib no Tobia pelo Achinekilo abo lakhi peitha penike ahza tsuve aghikeu chiluno ikichiqhive.

EZEKEL 40:38

Akikhala khalaulo khagho laghi alou sasu kime ghi abo lakhi ahuu kudau ae. Tipauye akikhala kudau sholukeu chebolo ipeghi ake eno tilehino panonguno lhoxu akuchopu pitinikeu kumo qhucheke.