NEHEMIA 11:1 - BAIBEL (BSI)

¹ Sakiphemi Jerusalem lo ngoluvekemi eno timi kutamino asaqhiju puzu akibo chighilo lakhi kishe pesu Jerusalem akimthe phughilo kughuna wupenikeu shi eno kutamiye aphughi kutau eno taun kutaulo kughunanikeu shie.

Sumi Naga CL (Re-edited) Bible (BSI)

¹ Sakiphemi ye Jerusalem lo ache. Kütami ye asaqhi no kikije chighi lo lakhi kishepe akimthe phughi Jerusalem lo küghüna peni keu shi, eno kütami toku ye mishiphu kütauqo lo ngoni keu shie.

NEHEMIA 11:1 ပူးပေါင်းရင်းမြစ်များ

YEKIKITHI ATUGHIU 26:13

Akibo lakhi khilo kije kitila kihimono, khunoqono ahukikha khikudau khe maye sakeno asaqhiju.

YEKIKITHI ATUGHIU 8:28

Timi hipaqono apuasu lono pututa laghalo eno inahuu Jerusalem lo ngokibe ighikeu kughukoke.

YEKIKITHI ATUGHIU 9:1

Israilmi kumtsu akibo kiqi lono akikithi shi yepuani eno tiye Israilmi kukami kaku lono hipau pithi tsupuani. Judamiye Babilon lo kughasasu wu, tiye panongu xine ghenguno aghime tsukeu shie.

YEKIKITHI ATUGHIU 9:2

Ike ighi kelo akumla atughiuye panongu kuakini aphughiqolo akeqo Israilmi layemi, achinemi, Levimi eno achinekilo akumlami tsuchileve nikeu shike.

YEKIKITHI ATUGHIU 9:3

Alagha hipaqono Jerusalem lo ngonike kutove Juda, Benjamin, Efraim eno Manasse.

NEHEMIA 10:34

Ningu timiqo, achinemi eno Levimino ampe ampelo khuno laghano Ayezahlo shilo pipuakeu kiqi lono AMPEU niLhou lau aghashini ke pitikepu sutsuni keno ampe ampelo asa qhibe nani.

NEHEMIA 11:18

Kumtsu kelo Levimi 284 no Jerusalem akimthe phughilo kughuna che.

NEHEMIA 4:22

Tipado loye panongu eno panongu kukuphumi kumtsu puthoye Jerusalem phughilo ngove eno putho pucho mla akelo kheluve kepu shilepi timi atomiqo vilo pive.

LESHELE 122:5

Hileno Israil kukamiqono iqano pano timi shou kughatha cheke.

LESHELE 122:6

Jerusalem lokughunopu ghenguno inikhulo: “Khunono okimiye chenikeno tipaqo pelo kinikulu shipelo.

AHOLE 16:33

Timino Alhou pulou ithinishi kelauno asaqhi cheni ikemu Alhou no khokichile kihithape pua cheni.

ISAIAH 48:2

Tishikeghi nonguye aqhekuzashi akimtheu phughilo kihikusumi kepi picheni, eno nonguye Israil Lhou, pa jeye Aqokitikhi MPEU shou bepe acheni kepi picheni.

ISAIAH 52:1

Jerusalem mutolulo eno itaghi kije shiluvelo! Alhou phughi akimtheu, jukighilepu jukivi pepuluvelo! Mithekumomiye khilemu ohuki khalo itaghi ilomo nani.

MATTHEW 27:53

Panonguno akumoki lono ipeghive; eno Jisu no akithi lono xuchilethughive kethiu, panonguno Akimthe Phughilo ilo eno timi kutomono panongu sholu.

MATTHEW 4:5

Tithiu Ghukujuu no Akimthe phughilo Jisu sawuno achineki kutsuqalo ngope,

Apostolmi 1:24

Tile panonguno inikhughi pi, “O Ampeu, nono timi kumtsu mulo ithi ani. Ike hi pama gholo nono khuu kishe pesu

Apostolmi 1:26

Tishieno panonguno pama dolo asaqhiju ike Mathia shou asaqhibeluve eno paye apostolmi chighi qhaqhi gholo kihikuqha luve.

JOSHUA 18:10

Joshua no panongu ghenguno asaqhi pheno AMPEU vehu inijuno Israil shiyeh achili aghikeqo lakhi khi lau ayeghi kijevetsu.