NEHEMIA 1:7 - BAIBEL (BSI)

⁷ Ninguno ozulo kixikila shivae eno nono ahza tsukeu shimovae. Ninguno ayezahqo khikhi oqeu Muse vechewo ningu tsukeno tipau pemoveke.

Sumi Naga CL (Re-edited) Bible (BSI)

⁷ Ningu no O zülo kixikila shivae eno Nono Ayezah ngo akhuaye khikhi O qeu Moses vecheo ni tsü keno tipaqo pemove ke.

NEHEMIA 1:7 ပူးပေါင်းရင်းမြစ်များ

KUKAMI ATUGHIU 2:3

AMPEU oLhou no kiu shilopi ahza tsunikeno tipau mlalo, Muse yezahlo yepuakeutoi pa yezahqo eno ahza kumtsu gholulo, tishiaye nono khilekhile wumu, nono mlakeu thime kumtsulo kupukuno shilu nani.

YEKIKITHI AKINIU 25:4

Paye tishiepimu tipaqo tianuli ye pithitsu moe ikemu Muse Yezah lo AMPEU no ahza tsupua keu papelu ghi shike: “Atianuli no heqhibuqhi keu shipuaghike ghenguno tipaqo puaza pithive moni eno apuaza no heqhi buqhi keu shi puaghi ke ghenguno tipaqo tianuli pithivemoni; timi lakhi ye pano heqhi buqhi keu shipuaghi ke ghengu likhi lono pithi kepu shilo.”

YEKIKITHI AKINIU 27:2

Papuno shikeu toi pano AMPEU mlo kiqipu shicheke; ikemu Achineki lo tsungqui ta piti puzu axine shive keulo ye papu toi shimo ke. Tishiepimu timiqoye axine shi acheuve.

EZRA 7:6

Hi Ezra ye Babilon lono wuke; paye Judami sakiphemi lakhi eno paye AMPEU Israil Lhou no tsukeu Muse Yezah akiyemi lakhi shia eno pano Jerusalem lo idewoni keu iniju eno akukauno pa kukhu initsu.

LESHELE 106:6

Ni puasuqo toi ningu ghi axine shiveake; ninguye kixikila eno alhoksake.

LESHELE 89:31

Panonguno ino kutsukeu tsa phimoaye eno iwu ahzaqo pelumo aye,

LESHELE 89:32

Tileno panongu xine ghenguno ino panoqo ghimeqhini. panonguno pimivekeu ghenguno aghime sholupe nani.

ISAIAH 1:4

Nonguye axine shichekemi shiayeh, lhoksakugha eno shikupsapu ahakusa timiqoke! Nongu xineno nongu sunheqhike. Nonguno Israilmi Lhou AMPEU akimtheu miliveno nongu zupo pa tsuveke.

DANIEL 9:11

Israilmi kumtsu oyezah hephoveno nono kiu pikeno inimono tuchileve tsuke. Nino ozulo kuquvae, tighenguno oqeu Muse vechewo sughikeu yezah kiqi lono angsu nishou ighi ani.

DANIEL 9:13

Muse yezah lo kiu ghime ithulu nanipi yepuani keno tipau lakhimu qhimono ni ghimeke, ikemu itehi kutolo, O AMPEU niLhou, ninguye nixine lono idesu olau ighino opulou shinikeu momu owu kuchou pape nikeu pukaputsa mono aphie.

HOSIYA 9:9

Panonguye kutho kuzushi kusakugha shiukhavae, tiye panonguno Gibea lo shicheke toike. Alhou no panoqo xine kumsupuluveno tipau ghenguno panoqo ghimeqhi nani.

ACHINE 27:34

Ahza hipaqoye Israilmi ghenguno AMPEU no Sinai Toghi lono Muse tsukeuke.

ZEFANIA 3:7

Ino kumsukeuye iwu timiqoye tileno isumsa nani eno ino shikithe keu ikhilu nani eno panonguye ino shikapiye keu khilemu kumsumamo nani kepi kumsuke. Ikemu paikhavino panonguye puzuu toi alomokeu shiuve anike.”

MALAKI 4:4

“Iqeu Muse no kutsupiyekeu kumsululo, Sinai Toghi lono ino Ayezah ngo Ahza jeli pesu Israil lo timi kumtsu pelo agholupe nike ino pa tsuke.”

ZAKINIU 4:1

Tile Muse no timiqo vilo pike, “Ino nongu shikapiye akeu yezah kumtsu papelo tishiaye AMPEU nongu puasuqo Lhou no nongu tsukeu yeghilo xulu eno ngolu nanike.

ZAKINIU 4:5

AMPEU iLhou no ivilo shilo pike toi ino ayezah kumtsu nongu shikapiyevae. Nonguno le-ilono ngoluniye akeu ghakhulo tipaqo pelulo .

ZAKINIU 5:1

Muse no Israilmi kumtsu kukumqono panoqo vilo pike, “Israilmiqo, ino ishi tsalalo ayezah nongu tsukeu kumtsu inilo. Tipaqo kumtsu ithitoi shilo eno nonguye tipau pelulo.

ZAKINIU 6:1

“Ayezah hipaqo kumtsu AMPEU Alhou no nongu shikapiye penike ahza itsuke. Nonguno ilono ngoluniye akeu ghakhulo tipaqo pelulo.

Piyeküsü 19:2

Pawu kughakuthaye kuchou eno achipike. Kughengu pano ngosukumla ashupuu shou aghime tsuke, lino li salha pesu ayeghi shipusa cheke. Alhou no li shou aghime tsukeuye lino pa qemiqo pithive kehue.”