MICAH 7:3 - BAIBEL (BSI)

³ Panongu kumtsu alhoksa shinikeulo shitsake. Kijemi ngo kughakuthamino kulugho khu cheni. Kijemiqono panoqo vilo pano mlolo shinishi akeu picheni ikehu panongu kumtsano akukughu shi cheni.

Sumi Naga CL (Re-edited) Bible (BSI)

³ Panoqo u ye tsaqüi alhoksa shiniye tipau shou bepe ani; yepemi ngo xaküthami no külügho khu, eno kijemi no pa lolo küsakügha shinishi keu picheni; ikehu panoqo no kuchughu küqha cheni.

MICAH 7:3 ပူးပေါင်းရင်းမြစ်များ

AHOLE 16:30

Khunono numigheyi shi anhekutsu otsuni keno timi tipaqo jukutolo; panonguye kiukela alhoksa kumsupu anike.

AHOLE 17:23

Kusakugha kughakuthami qono tuqho tughouno kulugho tsukeu luveno kuchou xakutha shitsu chemoe.

ISAIAH 1:23

Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.

ISAIAH 26:21

AMPEU ye ayeghilo akemiqo shou pano xine ghenguno ghimeqhinike pano ngochekeu kungugha lono cheni. Ayeghilo kusuuno timi ghiqhikeqo hu ashou pephe nani, eno khunoqo ghiqhi puani keno ayeghino kusupuamlove nani.”

ISAIAH 3:5

Eno timiqoye lakhino lakhi qodaqhi nani akusamino akusami, akitomino akitomi qodaqhi nani. Lhothemino kichimi phimo nani eno kusakughamino gihu kuzumi phimo gihumo nani.

ISAIAH 32:7

Nikhanighamiye alhoksake eno alhoksa shicheni; pano akimiki lono kumlhomi shipusanike kumqu cheni eno panoqo chipiu ithulupenikeu pano lakha cheni.

ISAIAH 5:23

Ikemu kulugho luveno nonguno pimivekemi phepuwuve cheni eno pimipuamo kemiye achipiu xakutha ithumlave cheni.

JEREMIYA 3:5

Noye alhokuthu lo amlo idemo nanike; noye ashekha kutolo aloghu idemo nanike.’ Israil, nonguno tishi pike ikemu nonguno toluke thaqhulo alhoksa kumtsu shicheni.”

JEREMIYA 4:22

AMPEU no pike, “Iwu timiqoye mbomzuke; panonguye imthake. Panonguye itimi kughuzumi toike; panonguye ithikututa shikeu kuhae. Panonguye alhoksa shinikeulo shitsake, ikemu akivi shinikeu loye tomove cheni.”

JEREMIYA 8:10

Tighenguno ino panoqo ki alu pesu apighimi akithemi tsuve nani eno panoqo nipu kutami tsuve nani. Kijemi kitilami kumtsuno amikucho kumo lono pisa kuphumi shi achenike. Tungkupmi ngo achinemi ghi timi pishiqhike.

EZEKEL 22:12

Nowu timi khamiye atha ajume ithuluniye timi ghiqhi cheni; khamiye pano kusami Israilmi lau punakeulo akighishe khulu cheni eno tipaqo shou akumo akukuhau shikeu lono kinikulu shiluve cheni. Panonguye ikumsumaveke.” Akughushu MPEU no piveake.

EZEKEL 22:27

Yehpeka yehkipelo kijemiqoye atine lojino lhoxu heqhi puzu suthapinyi kishi akeu toike. Panonguno kinikulu shiluniaye ghiqhi heqhi cheni.

EZEKEL 22:6

Israil lo sakiphemi kumtsuno pano likhi pano kuka kumto shou pukhubeke eno timi ghiqhi cheni.

EZEKEL 34:21

Nonguno bheri kusukini shiakeqoye aqo gholono kodapheve eno shoda puwuve chenike.

EZEKEL 9:9

Alhou no ishi khochile, “Israil ngo Juda lo akemiqoye axine kuthoshi kuquvae. Panonguno aghakhu kumtsulo timi ghiqhi puakhani eno ghiqhi heqhi keuno Jerusalem chhitoivae. Panonguno pikeuno ni, AMPEU no pano ghakhu qhive eno niye panoqo jumovae pike.

HOSIYA 4:18

Atsayiji shishe shove kethiu panonguye kutuqhakeulo azukuvu shi cheni; agigihupu nguno kujomzakeu pavi cheni.

HOSIYA 7:3

AMPEU no pi, “Timiqono pano lhoksa kukughu pesu akukau ngo pawu kijemiqo pishiqhike.

AMUS 5:12

Nongu xineye kiutoi akumsapu eno nonguno heqhi buqhi pithikeu khijejehi shipuani keno ino ithi ani. Nonguno timi kivimi shikimighi cheni, kulugho lu cheni, eno kughakutha-alo kumlhomino amikucho xakutha ithulu kepushi akeu nonguno lakha cheni.

MICAH 2:8

AMPEU no khochile, “Nonguno aghumi toi iwu timi leighike. Timino aghushi lono ideighi eno akiloye iqunei ani kepi kumsu anapiaye nonguno tilauno panoqo mqa lono aphikuzu pukaluveni aye khe aghi cheni.

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

MICAH 3:2

ikelauye nonguno akivi mithie eno alhoksa kimiye kutuke. Nonguno iwu timiqo akuxu aphi lono ayiko khovetsu eno panoqo saghilo ashi akeu sulhavetsuke.

MATTHEW 26:15

eno ishipi, “Ino Jisu kichephepe nongu tsu aye nonguye kiu itsuni kya?” Ikelo panonguno tsandiyi shighi kihi pesu pa tsu.

1 Kor. 4:5

Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.