MICAH 7:2 - BAIBEL (BSI)

² Aghakhulo timi lakhimu achipiu shikemi aghimoveke, milakhi nomu Alhou qhoqhukeu kuhae. Kumtsuno timi heqhipithi nikeu dokivi khe akhani. Kumtsuno akusami meluniaye hake.

Sumi Naga CL (Re-edited) Bible (BSI)

² Alhou pape chekemi ye ayeghi lono kühavae, eno timi gholo akümzümi ye khumu kühavae; panongu kümtsü no aji peleni ye ngokhe ani eno akhame pesü lakhino lakhi hakuqo ani.

MICAH 7:2 ပူးပေါင်းရင်းမြစ်များ

LESHELE 10:9

Paye abongushu toi pa kughutshu alo acheni, paye kumlhomi kughaluniye khe acheni, panoqo ye pa lichhe lono meluve eno sunhe sawuve cheni.

LESHELE 12:1

Ni xalulo, AMPEU; kughengu kivimi lakhimu kuhavae, Timi nuliqo gholo amikuchomi havae.

LESHELE 12:2

Panoqo kumtsu lakhino lakhi vilo akimki tsa pie; muqushe eno amlo kikinino lakhino lakhi pishiqhi cheni.

LESHELE 57:6

Ighumino imeluniye inepalo alichhe shipuani, azukuzuno niye ihulo keu shivae. Panonguno ilaghilo aqoh chhupe qhi keulo pano likhi panono tile veqhi ilove.

AHOLE 1:11

Panonguno ovilo, “Nigholo ighilo, ningu khuala heqhi pithinike phuwunie! Kiumu mthano akemi miqeno heqhimughani nolo!

AHOLE 12:6

Kixikilami tsapiye aji pele nikeu tsa likhike ikemu amikuchomi tsano kichikumsa kemi xaphelu cheni.

ISAIAH 3:5

Eno timiqoye lakhino lakhi qodaqhi nani akusamino akusami, akitomino akitomi qodaqhi nani. Lhothemino kichimi phimo nani eno kusakughamino gihu kuzumi phimo gihumo nani.

ISAIAH 57:1

Amikuchomi thive cheni eno khunomu tipau amlolo kumsupu move cheni. Ikemu kughou panono thini keno shiluksa kitikhi kiunomu pano ghuzamlake.

ISAIAH 59:7

Nonguye pulhapuju kiuala alhoksa pughuqhi acheni, eno nonguye tipau shiniaye khekulhoshi acheni. Nonguye pimimo kemi heqhi buqhinike khilemu sukichile kuhae. Nonguno khile khile wuni keno hexapinikeu eno kutsapinikeu qhivetsu cheni,

ISAIAH 9:19

Aqokitikhi shou AMPEU ye aloghuide anike ghenguno pano ghimeqhikeu huno ami kuyiqu toi anike kumtsu timiqo kutsaqhike eno pututa kuxu pukhauveke.

JEREMIYA 16:16

AMPEU no piani, “Ino akha kukhami kutomo puwuno timi hipaqo kughalupe nike ighipe nani. Tithiuno ashihami kutomo puwuno naghuto ngo atoghi kumtsulo panoqo haqhipe nani.

JEREMIYA 5:16

Pano timi asuzu kipemiye ghushimi akughushumi eno kimiyemo mitheno kutami heqhi pithive cheni.

JEREMIYA 5:26

“Timi lhoksami iwu timiqo gholo xuanike; akhame pesu aghau meluveniye sukhope akemiqo toi panonguno timi miqe acheni; panonguno alichhe shipe qhipuzu timi meluve cheni.

JEREMIYA 8:6

Ino tsaqui inijuke, ikemu nonguno kuchou tsa pimoe. Nongu milakhimu pututa lhoksa ghenguno xaideghikeu kuhae, nongu milakhimu ‘Niye kishi akumou shive akela?’ ipi pimoe. Khurshino aghushilo posuwuke toi pututa shelo pututa lalo wuveke.

AKUMLO 4:18

Aghumiye ningu jukuto ake; ninguye alaghila loghi cheiqho iqimlave. Nitsalaye hauve, ashekha tsala ighive.

EZEKEL 22:12

Nowu timi khamiye atha ajume ithuluniye timi ghiqhi cheni; khamiye pano kusami Israilmi lau punakeulo akighishe khulu cheni eno tipaqo shou akumo akukuhau shikeu lono kinikulu shiluve cheni. Panonguye ikumsumaveke.” Akughushu MPEU no piveake.

EZEKEL 24:6

Akughushu MPEU no kiu piani keno tiye hipauke: “Ghiqhikichemi phughiye ahasapuke! Hiye ali tsapuha akeu toi tiye kitilamu kusumono anike. Ashi leqhi lakhikhino ikhipheve eno lakhimu qhimove.

HOSIYA 5:1

“Nongu achinemiqo, hipau inilo! Israil lo akemiqo amlo tsuqhiyi inilo! Nongu kukami bolomiqo, hi inilo! Nonguye achipiu xakutha pesu kughathabe kepuke tighenguno nongu shou kughathabe keu ikughi nani! Nonguno Mizpa lo alichhe lakhi ilhouveke, Tobor toghilo akhame sukhope akeu shiveke,

HOSIYA 6:9

Tilehi achinemiqoye timi chekeu khe aketoike. Shekhem akimthe-a lo kuwulalo ghi panonguno timi ghiqhike. Panonguno puthaputsano alhoksa hipaqo kumtsu shi cheni!

MICAH 2:8

AMPEU no khochile, “Nonguno aghumi toi iwu timi leighike. Timino aghushi lono ideighi eno akiloye iqunei ani kepi kumsu anapiaye nonguno tilauno panoqo mqa lono aphikuzu pukaluveni aye khe aghi cheni.

MICAH 3:10

Nonguye heqhikeu eno amikucho kumo xakutha boqha shou Alhou phughi Jerusalem shipuku ani.

MICAH 3:2

ikelauye nonguno akivi mithie eno alhoksa kimiye kutuke. Nonguno iwu timiqo akuxu aphi lono ayiko khovetsu eno panoqo saghilo ashi akeu sulhavetsuke.

ZEKHARIA 11:6

(AMPEU no pi, “Niye ayeghilo milakhi shoumu imlo ighiqhiyi keu shimoe. Ni ampino timi kumtsu pesu pano shou ayehkipemi ulo suvetsuni. Ayehkipemi tipaqono ayeghi shipsa khave nani eno niye panoqo kuka lono ayeghi xalumo nanike.”)

Apostolmi 24:9

Judamiqo ghi Tertullo gholo kuqhaghi hi ngukukeu tsa pikeu kumtsu kuchou kepi pi.”

SAMUEL ATUGHIU 24:11

Julepi, ipu, ophi kukuzu she iulo hi ghotha pesu pecheni! Niye oheqhi luvekepu shiae, ikemu tishinike zuqhu aphishe likhi ghothaluvetsue. Tighenguno hileno nono ithimasake niye omujochileni keu kukumsu mu kuha momu oghimeveni keu niye khilemu alolo kuhae. Nono iheqhiveniye ihacheni, niye olau kiu lhoksa kumla kumu mla puamoe.

SAMUEL ATUGHIU 26:20

Inami yeghi lono iheqhi pithive kevilo, AMPEU launo kushuwolo wuvepe kevilo. Kushiye Israil lo akukauye ighino axuahi paphishi iheqhinikya? Paye kushiye aghau hachekeshi ihacheni kya?”