MICAH 6:9 - BAIBEL (BSI)

⁹ AMPEU sumsakeuye alokutsu achipiuke. Pano aphughi vilo picheni, “Nongu aphughilo kuhokumqo akeqo, hi inilo!

Sumi Naga CL (Re-edited) Bible (BSI)

⁹ Ampeu sütsa no mishighüna lau ighamku—O je sümsani keu no kuchou lokütsüe: “Khuu no aküsü kutope qhikeno Pa huqhelo

MICAH 6:9 ပူးပေါင်းရင်းမြစ်များ

Piyeküsü 3:19

Ino kimiye chekemiye sakiyi eno aghime tsu cheni. Tishiaye amlo tsuqhiyi shilo eno oxine launo xaideghivelo.

ZEFANIA 3:2

Hiye AMPEU tsa ini tsumoe momu shikithe tsukeu ikhilutsumoe. Hiye AMPEU shou pukhukeu kuhae momu pa kukuphu mu khumoe.

HOSIYA 14:9

Khunoqono alokutsumi keno tipaqo pelo hile kiu yepuani keno vethalulo eno amlolo supululo. AMPEU laghiye achipike eno achipi lono xuchekemiye tipau papeghi xucheni ikemu axinemiye kupuxa pesu veqhi cheni kughengu panoqono tipau phimo gihumoke.

ISAIAH 30:27

AMPEU kuka ngo akimthe jukuvuye putouno ithuluve nani. Ami ngo amichhino pa loghu piye cheni. Pano pikeulo pa tsano ami toi iquke.

MICAH 3:12

Tishiaye nongu ghenguno Zion ye aluqa toi hokideve nani, Jerusalem ye ixapinyi pesu kumqove nani eno Achineki toghiye aghasu ilhove nani.

AMUS 6:1

Khunoqono Zion lo akuchhoma shi xuakhani eno Samaria tokujolo ililayi akhani keno tipaqo ghenguno ahasapuke, nongu, Israil shiayeh kije hipaulo kijemiqo; timiqono nongu kukuphu phuighi chekemiqo!

AMUS 2:5

Tighenguno Juda shou ino ami suvetsu nani eno Jerusalem lo aliwo qogheqo pitilevetsu nani.”

HOSIYA 13:16

Samaria no ishou hebideke ghenguno aghime tsumasae. Tilehi timi akeqoye aghukishi lono thi nani; anga kughunuqoye ayeghilo vedaqhi pithi nani eno mishipu aghikemi po ghilevetsu nani.”

JEREMIYA 26:18

“Hezekiya no Juda lo akukau shi ake ghulokilo Moreshet ghami tungkupu Mika no timi kumtsu vilo Aqokitikhi MPEU no ishi pikeu pesu pike, ‘Zion ye aluqa lakhi toi hokideve nani, Jerusalem ye ixalepinyiveno kiche kumqo pe puaketoive nani, Achineki toghiye aghasa lakhi shive nani!’ ”

JEREMIYA 26:6

Nonguno hebide auve aye ino Shilo lau kiu shikeno Achineki hipau shou shipuku nanike, ayeghiqhalo ashiayeh kumtsuno hipau phughi pesu musuinikeu lakhi shi-ghi peitha nanike.”

ISAIAH 66:6

Hi inilo! Aphughilo eno Achineki lo asutsa kuloghi huye, AMPEU no pa ghumi ghimeqhi keu sutsa ke!

ISAIAH 27:10

Aliwo shipepuakeu phughiye ixapiniyi ani. Hiye timi kughunamove keu-a toi qhivae. Hiye amshino akulhoqhi puzu achukumza qha shiauvae.

ISAIAH 26:11

Noye panongu ghimeqhi nani kepi aghumiqoye mthake. AMPEU, panoqo shikukujolo eno panoqo pelo aghime sholu pelo; nono aghimepu kutopuakeu panoqo pelo iniju pelo. Noye kiutoi owu timiqo kimiye cheni keno panoqo piyejulo.

ISAIAH 9:13

Israil lo akemiye, AMPEU no panoqo ghimeqhive kethiu pinamu xaideghimoke, panonguye pa lau ideighimoke.

AHOLE 22:3

Alokutsumiye akupuna chekeu ithuluno tsughuve cheni ikemu kuthathayi kemiye tipaulo iloveno athiuno amlo kusa shicheni.

LESHELE 107:43

Khunoqo alokutsumi keno hipaqo vehu kumsukutoju apelo; panongu pelo AMPEU wu iqemokeu kikimiye hu kumsukithe apelo.

LESHELE 83:18

Panongu pelo olikhino AMPEU kepi ithipelo, ayeghi kumtsu shou thwokhalo AMPEU.

LESHELE 48:10

Aqha kumtsulo timiqono osheqheke, eno ojekipino ayeghi kumtsulo nhakhawoke. Oyehkipeye amikucho likhike;

LESHELE 9:16

AMPEU no amikucho shi kughakutha shikeu lono pa likhi pa pephe piyevae, kusakughamiye pano likhi pano kumlano meluve cheni.

JOB 10:2

Alhou vilo ishi pini aphi, “Ipesu kusakugha shitsukevilo, ikipimi kiu ani kela ipithi tsulo.

JOB 5:17

Alhou no sakiyi kemi lokivipue. Tighenguno tuchomujokutsu-u no ghasu keu hebide kevilo.

SAMUEL AKINIU 21:1

David no kaluve kethiu ampe kuthu ishokibe ighono puqumiyeve. Tighenguno David no tipau vehu AMPEU vilo iniju eno AMPEU no pi. “Saul ngo pa laghaqoye hekiqhi kumla shipe pu ani; pano Gibeon lo kuami pithikhave.”

JEREMIYA 47:7

Ikemu ino tipau akumla shikepushi tsupe puake tiye kishi puzu akulho qhiluni kya? Ino tipau vilo Ashkelon ngo azughi sumxape achekemiqo lepenike ino ahza tsuvae.”

MICAH 6:8

Moe, kiuno akivipu keno AMPEU no nivilo pivae. Pano ningu lau lunishi akeuye hike: kiuno achipi keno tipau shinikeu lhokta kikimiye piyenikeu, eno ni Lhou sasu aqhokigheu lono kuposhupe xu acheni keuke.

MICAH 6:10

Alhoksamiqo kilo amikucho kumo lono panonguno sughikeu kinikulu akhanike. Panonguno ahu kichileu peitha cheni, tiye ino jumithi chekeuke.

JOB 23:14

Ighenguno pano kiu kughupe puani keno paye shikupuni putsae, hitoikeu thime kutomo pa lolo anie.

EZEKEL 7:9

Niye nongu phepupoveni chemoe momu kiumu nongu kimiyeni chemoe. Nonguno kuchhube keu jeli mlapuakeu ghenguno ino nongu ghimeqhini cheni, tishi anguno niye AMPEU ke eno ino nongu ghimeqhi ani kepi nonguno ithi nani.”