MICAH 4:8 - BAIBEL (BSI)

⁸ No, Jerusalem khilehi Alhou no bherikheu lakhi toi pawu timiqo jukhe acheni keno noye itaghi akukaqha, ti owu kehu tipau phughitou shive nani.

Sumi Naga CL (Re-edited) Bible (BSI)

⁸ Eno no, O ambeloji qoghe, Zion limi toghi, azüu kükaqha o lau ighi nani, Jerusalem limi ghenguno ayekipe ighi nani.

MICAH 4:8 ပူးပေါင်းရင်းမြစ်များ

BOTHUBO 35:21

Tishieno Israil no chesusu wuve eno pa phiki Eder Ghukhe-a nguno hukughou shipe qhie.

SAMUEL AKINIU 5:7

(Ikemu David no ighino panongu Zion tupikiye levetsu ikehu tinguno tilauye “David Phughi” ipi aje kuluve.)

NEHEMIA 3:25

Uzai nu Palal no achekeu kupuwu eno kunguu kukaki wu aqoki akhemi kughaki phivi lono huthusu tipa shelo mlalu. Paros nu Pedaia no tipa shelo mlalu, tiye kipelau Azu Khagho ngo Achineki ghukhe qoki kupunu kuto mlake. (Tiye Ofel phughi kupunulo achinekilo kumlamiqono achekeu kupunu loke.)

LESHELE 24:7

Nongu kutsu peqhelo, O ahukikhaqo! eno peqhepe alo, O mulholo hukikhaqo! eno ajekipi kukauno iloghilu pelo.

LESHELE 48:3

Aphughi liwo alou mtsuqheyino sushokulu akeu Alhou ampino pephepiye.

LESHELE 61:3

Kughengu noye ino ijehluche keuke, ighumi launo ishokhalu chekeu liwoke.

ALE KIMCHI 4:4

Okuoye David ghukhua toike, ochila huye aghushi zuto 1,000 pufu pesu vehomxa puakeu toike.

ISAIAH 1:26

Atughulo shicheke toi ino kughakuthami nongu tsuchileni eno kha-ghi abothulo toi mije kutsumi nongu tsuni. Tileno Jerusalem ye amikucho eno pukhukulu phughi ipi kuluve nani.”

ISAIAH 10:32

Ishi tsalaye aghumiqoye Nob taunlo ani eno tilauno Zion toghi, ti Jerusalem phughi vilo kutotsu nani kepi au chishepiye ani.

ISAIAH 5:2

Pano ayeghi hole eno tipaulo atu kicheve; pano atsayibo akiviu pesu shosu. Tipau mtalo jukutokhe kepu aqo lakhi shipesu qhi, eno atsaithi shephonikeu aqoh lakhu chu. Atsaithi ni-ipeghinikeu pano khe juache, ikemu atsaithi kumtsu qhimboi keu shiaghive.

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

DANIEL 7:18

Akughushu Lhou timiqono ayehkipe kuka ithuluveno alholo pecheuve nani.”

Obadiah 1:21

Jerusalem lo tokulu shi achekemi qono Edom le nani eno tipau shou ayehpe nani. AMPEU no Akukau shiluve nani.”

MICAH 2:12

“Ikemu Israil lo akemiqo nongu khije ghupe puaghi nikeno tipaqo kumtsu ino hekutsu kumqo nani bherino bokuthabo lo ideighi keshi ino nongu hekutsu kumqo saghi nani. Aluzaqalo bheri chhitoi akeshi noyeghiye itaghi timi kumzapuno chhitoi kitheve nani.”

ZEKHARIA 9:10

AMPEU no pi, “Ino Israil lono aghushi khurshi ikhive nani; eno Jerusalem lono khurshi ikhive nani; aghushilo peithakeu suzu kutsavetsu nani. Okukauno ashiayehqo gholo ala shitsu nani, pano azughi lakhi lono lakhiu kutolo ayehpe nani, Eufrati ghoki lono ayeghi shekha kutolo.”

ZEKHARIA 9:12

Ideghilo, nongu akughumi itehiye lajupu auvekemiqo; nongu sushokulu-alo ideghilo. Itehiye ino nongu vilo pini, nonguno aghime shivekeu ghenguno kukumgha pesu ino ghuthu kini nongu lochileni.

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

AKIKIHI 24:19

Israil shiyehno panoqo nedaqoda nani Eno ghupe puaghikemi ashekhami ghi pughavetsu nani.”

MATTHEW 21:33

“Kimighipiyekeu kutau lakhi inijulo, Aki-alu pighimi lakhino atsayilu lakhi chipeqhi eno tipau vehomxa aghutu shi, aji tsughuphekeu tughuko lakhi chhupe qhi, eno tipau khekepu khache lakhi mlape qhi; ishi puzu mishi-chichekemi pichiveno aghakhu kutau izuwuve.

Mark 12:1

Tileno Jisu no kimighipiyekeutsa lono panongu putsa thuve. “Timi lakhino atsayilu lakhi chipeqhi, eno tipau putukhave, eno atsayiji tughuko ghenguno aqoh lakhi chhu eno tipau khekepu khache lakhi shipe qhi. Tishi puzu mishi chichekemi pelo atsayilu chipeniye qhivetsu, eno aghakhu kutau izuuve.

Ephesiami 1:21

Khristo no tilau kungugha yehpemi, mughachhoi yehpemi, kukami eno amipemi kumtsu shou akiqheu yehpeu shi ani; paye hipau yeghiqha eno hipa shelo yeghiqhalo akuka je jeli kumtsu nguno akiqheu ke.

Piyeküsü 22:5

Tilehiye putho tsala kuhae eno panonguye akulu momu tsukinhe kuvu avehupu kuhae, kughengu Ampeu Alhou no panongu kuvu shive nani eno panonguye alhokupujulo kukami toi ayehpe anani.