MICAH 4:3 - BAIBEL (BSI)

³ Pano ashiayehqo dolo kughathatsu nani, akuka kuloghimi akupunulo na putou aghikemi dolo pimu. Panonguno azutakihi hephapesu akuphu shive nani eno panongu ngu hephapesu asubo kikixi zutachi shive nani. Ashiayehqoye khilemu aghulo wukithemo nani, aghu shikepu shi khilemu kutokithemo nani.

Sumi Naga CL (Re-edited) Bible (BSI)

³ Pa no ashiaye kutomo dolo küghatha tsü nani, akumto shiye putou akeqo ghenguno xathatsü nani; panongu no pano zütakikihi hepha pesü akuphu mlave nani, eno pano ngupa pesü asübo kikixi züta shive nani; shiye lakhino lakhi shou azütakikihi peqhemo nani, momu aghü küpüghümo nani;

MICAH 4:3 ပူးပေါင်းရင်းမြစ်များ

LESHELE 46:10

“Aghukishi tavelo eno niye Alhou kepi ithilo, niye ashiayeh kutami gholo akiqheu, ayeghiqhalo akiqheuke” ipi pano pi.

LESHELE 46:9

Ayeghiqha kumtsulo pano aghukishi lakhavetsu; pano asuzu suchhevetsu, angu pighechhevetsu eno azuto pitivetsuke.

LESHELE 72:3

Ayeghi pelo kinikuluno aghaqilu pelo, eno tipaqo pelo amikucho peithalu pelo.

LESHELE 72:7

Pa kuxu thaqhulo amikuchono thuwulu pelo, eno aqhino akuvu ake kutolo alokughuno no chhi apelo.

LESHELE 82:8

Ighilo, O Alhou eno ayeghiqha shou ayehpelo; ashiayeh khijehi ani keno kumtsu owuke.

LESHELE 96:13

tiye kughou AMPEU no ayeghi shou ayehpenike ighini keno. Pano achipiu xakutha ngo aghibiu lono ayeghilo timiqo shou ayehpe nani.

LESHELE 98:9

kughengu pano ayeghi shou ayehpenike cheni. Pano achipiu xakutha eno aghibiu lono ayeghilomi shou ayehpe nani.

ISAIAH 2:4

Pano ashiayeh dolo kughatha nani, eno timi kutomo ghenguno xatha tsu nani. Panonguno azutakihi hepha pesu akuphu shive nani; eno panongu ngu pesu asubo kikixi zutachi shive nani. Ashiayeh qoye khilemu aghulalo wukithemove nani, khilemu aghukishi ghenguno kutokupui keu shimo nani.

ISAIAH 25:3

Akuka kumto shiayehqono osheqhe nani; ayikusa shiayehqo phughilo omusakeu anani.

ISAIAH 51:5

Ino keyi ighi puzu panoqo xalu nani; ino ighikepu ghulokiye punuvae. Ni ampino ashiayehqo shou ayehpe nani. Putou akeu yeghino ni ighinikeu khe ani; panoqo xalupe nike panonguye lajuqhiyi ikhe ani.

ISAIAH 60:12

Ikemu ashiayeh khipaqono nongu qemoni keno kumtsu puhakhave nani.”

ISAIAH 65:25

Atine ngo bheritiqo kumtsa chu nani; abongushuno amshi toi aghijini chu nani eno apighiye akumsapu kuhave nani. Ikimthe toghi Zion lo kiumu shikupusapu momu alhoksapu kuha nani.”

ISAIAH 9:7

Pa kuka yehkipeye thuwu ache nani; pa kukaqhaye pulhapuju iquneyi anani. Paye Akukau David thisupe ayehpe nani, achipiu xakutha eno amikucho lono pa kuka peitha nani, itehi eno alhokupuju kutolo tishi anani. Aqokitikhi shou AMPEU wu amlo tsuqhiyikeuno hipaqo kumtsu shi nani.

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

HOSIYA 2:18

Tipa ghulokilo ino tughashi ngo aghau kumtsu sasu puloshoqhi lakhi shi nani, tishianguno panonguno iwu timiqo shipusamo nani. Ino aghakhu lono aghushi nanu, azutakihi asuzu ikhivetsu nani eno iwu timiqo pelo alokughuno eno ighukepu kuhano xulupe nani.

HOSIYA 2:20

Niye ishoqhi qhini eno opesu iwu shini, eno nono ipesu AMPEU kepi kighithi kileni.

JOYIL 3:2

Ino ashiayeh hekutsu puzu Jehoshafat Khilalo panoqo saghi nani. Tilehino panonguno iwu timiqo shou shipepuakeu jeli kumtsu ghe- ghuno ino panoqo shou kughathabe nani. Panonguno inaghami yeghilo Israilmi apanagha haleveke, eno iyeghi, Israil kijethavetsuke.

MICAH 5:15

Iloghu kighide kije lono igholumokeu shiayehqo kumtsu shou amkhu lunani.”

ZEKHARIA 14:3

AMPEU no ipe puzu wovekeu tsala ghulokilo aghushikeu toi ashiayeh tipaqo sasu kumjo nani.

ZEKHARIA 8:20

Aqokitikhi MPEU no pi, “Aphughi kutomo lono timiqono Jerusalem lo ighinikeu ghuloki cheni.

ZEKHARIA 9:10

AMPEU no pi, “Ino Israil lono aghushi khurshi ikhive nani; eno Jerusalem lono khurshi ikhive nani; aghushilo peithakeu suzu kutsavetsu nani. Okukauno ashiayehqo gholo ala shitsu nani, pano azughi lakhi lono lakhiu kutolo ayehpe nani, Eufrati ghoki lono ayeghi shekha kutolo.”

Apostolmi 17:31

Kughengu Alhou no timi lakhi kishelu puakeu vechewo ayeghiqha shou amikucho lono kughatha nikeu shi atsala lakhi kihithape puavae.Hi shi nani putsae pikeu pulu penike timi kumtsu lau pano tsuakeu shi-ghi timi tipau hu akithi lono xuputhuvae!

Piyeküsü 19:11

Tileno kungugha khaqhikeu ino ithulu eno tilehi khurshi akimiye lakhi ae. Tipau shou iku puzu chekeu pesu Pukhukulu eno Kuchou ipi kutsue; pano achipiu xakutha pesu kughatha eno aghu shiche.

SAMUEL ATUGHIU 2:10

AMPEU ghumiye shipsave nani; Pano kungugha lono tsutsu kusuno panoqo mujo nani. AMPEU no ayeghi kumtsu shou xakutha be nani, pawu kukau lau akuka tsu nani, pano kishelu keu akukau tokulu tsu nani.”