MICAH 3:2 - BAIBEL (BSI)

² ikelauye nonguno akivi mithie eno alhoksa kimiye kutuke. Nonguno iwu timiqo akuxu aphi lono ayiko khovetsu eno panoqo saghilo ashi akeu sulhavetsuke.

Sumi Naga CL (Re-edited) Bible (BSI)

² Nongu akivi mithi eno küsakügha kimiye chekeqo, Nongu no Iw timi yiko lhave tsüno asaghi lono ashi sülavetsü,

MICAH 3:2 ပူးပေါင်းရင်းမြစ်များ

KUKAMI ATUGHIU 21:20

Kughou Ahab no Elija ithulukeno pano ishipi, “Ighumi, noye iphuluvea nala!” “Iyei, ino okughaluvae,” ipi Elija no khochileve. “AMPEU zulo kiuno achipi kumokeno noye tipaulo ighono amlo tsushe auvae.

YEKIKITHI AKINIU 19:2

Hanani nu tungkupu Jehu no akukau sasu kushoni ke ighi no pi, “Lhoksa kughami kuphu eno AMPEU mithi chekemi lau sukeu ye achipi kughashi noye kumsu ani kesha? Nono kiu shive keno tipauno AMPEU loghu oshou sughi anike.

LESHELE 15:4

eno pa gizulo kixikilamiye mithive cheni, ikemu AMPEU sumsa chekemi qhoqhu cheni keno; khunono kiu kiu shivekepu shiepimu panono piqhivekeu pheve chemo keno.

LESHELE 53:4

Alhou no pi, “Panonguye mtha kesha? Alhoksa kumlami hipaqoye vethakulu kuha kesha? Panonguno asho chukeshi iwu timiqo tsakhave eno panonguye khilemu ivilo inikhu moke.”

AHOLE 28:4

Nono ayezah phimo gihumo cheniaye noye kixikilami kudaumike; ikemu nono tipau ghokulu shicheniaye noye kixikilami ghumike.

ISAIAH 3:15

Iwu timiqo chunuqhikeu hiye kiu eno kumlhomi shipughuqhi keu hiye kiu kya? Ni, Aqokitikhi shou AMPEU Alhou no pi anike.”

ISAIAH 5:20

Nonguye ahakusapuke! Nonguno alhoksa pesu akivi kepi picheni eno akivi pesu alhoksa kepi picheni; Zumoikeu pesu akuvu-alo qhi cheni eno akuvu-alo zumoikeu qhi cheni akukhu pesu akungo shive cheni eno akungo pesu akukhu shive cheni.

ISAIAH 57:12

Nonguno kiu shikeno tiye achipi kepi nonguye kumsu aghiluvi, ikemu ino nongu ghusho ghili lhevetsu nani eno nonguno ajulho mllachekeqoye nongu kuphumla nani.

EZEKEL 11:7

Tighenguno ni, Akughushu MPEU no nongu vilo hipau pianike: Aphughi hipauye kuchouno belho akeu li lakhike ikemu kiuno ashi kya? Nono ghiqhivekemiqo kithi kumoke! Nonguye hile qhimove nani, ino aphughi lono khalau nongu vepheve nanike!

EZEKEL 22:27

Yehpeka yehkipelo kijemiqoye atine lojino lhoxu heqhi puzu suthapinyi kishi akeu toike. Panonguno kinikulu shiluniaye ghiqhi heqhi cheni.

EZEKEL 24:4

Ashi leqhi akiviu pesu tipaulo sulo, abi eno aluko shi sulo, eno aghi kivi ghi kidepesu tile sulo.

EZEKEL 34:3

Nonguno akichhizu sho cheni, amhino ghokeu phimini pepu cheni, eno bheri akiviu heqhipesu chu cheni. Ikemu nonguye bheriqo khilemu tuchomoe.

AMUS 4:1

Hipau inijulo, nongu Samariami totimiqo, Bashan lo amshiqu ashi pubeyi keqo toi athapubei keqo, kumlhomi peitha pusa chekeqo, shiluksami qodaqhi chekeqo eno nongu kimiqo vilo aji xapuwo tsu alepi khuchekeqo!

AMUS 5:15

Alhoksaye kiu keno tipau jumithilo eno achipiu kimiyelo eno kughakutha-alo achipiu xakutha achepelo. Ishiake, AMPEU no hipau shiayehlo timi puxupe puaghikemi shou kupu kimiye luvi ke.

MICAH 2:8

AMPEU no khochile, “Nonguno aghumi toi iwu timi leighike. Timino aghushi lono ideighi eno akiloye iqunei ani kepi kumsu anapiaye nonguno tilauno panoqo mqa lono aphikuzu pukaluveni aye khe aghi cheni.

MICAH 7:2

Aghakhulo timi lakhimu achipiu shikemi aghimoveke, milakhi nomu Alhou qhoqhukeu kuhae. Kumtsuno timi heqhipithi nikeu dokivi khe akhani. Kumtsuno akusami meluniaye hake.

MICAH 7:3

Panongu kumtsu alhoksa shinikeulo shitsake. Kijemi ngo kughakuthamino kulugho khu cheni. Kijemiqono panoqo vilo pano mlolo shinishi akeu picheni ikehu panongu kumtsano akukughu shi cheni.

ZEFANIA 3:3

Tipaulo kijemi akeqoye abongushu igha akeu toike; tipaulo kughakuthami qoye muzuthi akeu tine lojino mihemuzakeu lono inaqhe tomphi lono aghi lakhimu qhimovekeu toike.

Luke 19:14

Ikemu pa ghakhumino pa mithi, ikehu panonguno pa thiuno aghinimi hapesu ishi piwupe, ‘Ninguye timi hipau pelo ni kukau shipenishi moe.’

John 18:40

Panonguno vekipighi igha ghi pa khochile, “Timi hipau kumoe, ikemu Baraba kuqhophe tsulo!” Baraba ye heqhi-buqhi chekemi lakhi ke.

John 7:7

Ayeghilomiye nongu mithi mlae ikemu imthi cheni, kughengu tipaqo kumla lhoksa ghili ino pitsu achenike.

Rommi 1:32

Panonguye Alhou yezahlo timi khunono hikithipu shini keno pithive kuzupuepi ithi ikeghi panonguno hipau shikeu likhi kumono kutamino hipaqo shichekeulo ghi panongu mlo kiqishi acheni.

Rommi 12:9

Kimiyekilekeu hu mutsumishei shipelo. Kusakughaye mithilo eno akiviuye mutotoi tsuquluvelo.

2 Tim. 3:3

timi kimiyekilekeyeh kukuha, kusuqhimla, axikishi, ghasukumla, ayikusa, akivipu kimithi,