MICAH 2:4 - BAIBEL (BSI)

⁴ Tipau ghuloki ighiaye, timino nongu ghili pesu kutsakungokeu kichekipiye shi-ghi lhewo nani eno nonguno puju shiju akeu phewo nani. ‘Ninguye qhoi shipsakhavae! AMPEU no niyeghi ikhiluvetsu nikugha sasu akughu shiuvekemi lau tipau tsuvae.’ ”

Sumi Naga CL (Re-edited) Bible (BSI)

⁴ Tipani panongu no nongu müsü kutho keu le phe eno kukhukimji shi qa nani, eno, “Ningu ye shishe kütsavae; Pa no Iw timi saje kilive tsüae; kishi Pa no I launo ti ikhipe wuvetsü akelae! Pa no ni luzaqo pesü pülümo kemi tsüvae,” ipi nani.

MICAH 2:4 ပူးပေါင်းရင်းမြစ်များ

SAMUEL AKINIU 1:17

David no Saul ngo panu Jonathan pama ghenguno ale hipau phe,

YEKIKITHI AKINIU 35:25

Tungkupu Jeremiya no Akukau Josiya ghenguno akumlo le lakhi iqiphetsu. Israil lo alekiphemi ghenguno kiptimi na totimi namu kughou panonguno pa ghenguno mloqani keno ale hipau peithani keu khuayeh shiluve. Ale ye akumlole pekike puakeqo gholo ani.

JOB 27:1

Alhou jelono tushoqhi ani, pano ivehu achipi lono xathatsumoke, Tuchomujokulu Lhou no ipelo kukhu kimji shi xu anipeke.

ISAIAH 14:4

Kughou pano hipau shini keno panonguno ishi pi-ghi Babilon kukau thaigha nani: “Ayikusau kukauye ikiqivae! Paye khilemu kutami qoda kithelumo nani!

ISAIAH 24:3

Ayeghi kubokighinyive eno ixapinyive nani. AMPEU no pipuani eno tiye tishive nani.

ISAIAH 6:11

Ikelo ino iniju, “AMPEU , Khitotohi hitoi shia nani kya?” Pano khochile, “Aphughiqo ixapinyive eno kumsa shivemoke kutolo, akiqolo kughunamoveke kutolo, aluza ghi kughukughaleyive moke kutolo.

JEREMIYA 14:18

Kughou ino aluzalo wuju keno, aghukishi lono thivekemi sukumo ino ithulu; kughou ino taunlo wuju keno, akhu-ava lono thivekemi ino ithuluke. Tungkupmi ngo achinemino pano kumla mla ake ikemu panonguye kiu shiani keno panonguno ithi amoe.”

JEREMIYA 4:13

Julo, aghumino khungkusu toi cheni. Pawu aghushi khurkulu ye miyitsu lakhi toike, eno pawu khurshiqoye aluqu nguno akumthuuke. Nighenguno ahakusapuke, ninguye thini putsake!

JEREMIYA 6:12

Panoqo kiye kutami tsuve nani eno panoqo luza ngo panoqo nipu ghi titoi tsuve nani. Niye hipau ghakhulo akemiqo ghimeqhini cheni.

JEREMIYA 8:10

Tighenguno ino panoqo ki alu pesu apighimi akithemi tsuve nani eno panoqo nipu kutami tsuve nani. Kijemi kitilami kumtsuno amikucho kumo lono pisa kuphumi shi achenike. Tungkupmi ngo achinemi ghi timi pishiqhike.

JEREMIYA 9:10

Ino pi, “Niye naghutoqo ghenguno mloqah eno aluza ghenguno anhezu pijinike, kughengu tipaqoye qhaive ake eno khunomu tipaqo kathasu izuwumove ake. Amshi ghugha khilemu chilumovae; aghau ngo tughashiqoye yewu khavae eno chekhavae.”

JEREMIYA 9:16

Ino panoqo kugha pesu ashiayeh kutami gholo kuthole puwuve nani, tiye panongu ke kumono pano puasu ghi chimla aphikemiqo gholo puwuve nani, ino panoqo qhoyi kutsale khavemoke kutolo ino aghushimi muqo panongu shou puwu nani.”

EZEKEL 16:44

AMPEU no pike, “O Jerusalem, timino aholetsa hipau oghenguno peitha nanike, ‘Anga ghi aza toi ke.’

EZEKEL 2:10

Au huno likuzu-kaku xachhove eno tipau putoputo kudau yepuku puakeu ino ithulu, tiye amlo ghuju ngo qamlokeu eno sukutukeu ghugha tipaulo yepuku puae.

JOYIL 1:13

Yeqhiyephi pepuno qanimlolo, nongu achinemi, akipti-alo mlachekeqo! Achinekilo ilolo eno puthotsu mloqalo! Nongu Lhou mlla kepu thi momu atsayiji kuhake.

JOYIL 1:8

Timi lakhino ilimi lakhi sasu kulawu nikeu shiake lono thive kelo mloqa keshi nongu timiqo ghi qa-alo.

AMUS 5:1

Hipau inijulo, O Israil lo akemiqo, ino nongu shou akithilo le hipau phekeu inilo:

AMUS 5:17

Atsayilu kumtsulo ighaqakeu anani. Hi kumtsu shikupu nani kughengu nongu ghimeqhi nike niye cheni.” AMPEU no piqhivae.

MICAH 1:15

Maresha lo akemiqo, noghumino taun khasupe leluveni aye akeu lau AMPEU no nongu kughape panoqo ulo suvetsuni cheni. Israil lo ajekipishi sakipheu shi achekeuye Adulam tukilo itshuluve nani.

MICAH 1:8

Mika no pi, “Hipau ghenguno niye mloqani eno amlo muku nanike. Imlo kusa piye nike ghenguno niye apukhu kumsa eno aphi kumsa iqhoiqini. Ino sherno ighakeshi eno ostrikno mlo qakeu toi shini.

MICAH 2:10

Ithulo eno wuvelo, hilauye inaqhoi ngokulupu-a kumoke. Nongu xineno a-a hipau kutsaleve nikeushi kutoveake.”

HABAKUK 2:6

Leluvekemino panoqo leluvekemi cheqhi nani eno thaighakeu panoqo vilo pi nani. Panonguno ishi pi nani, “Owu kumoamu nono luveke, ikemu noye puhaniake! Nongu piagha pua kemi pelo tsuvepe nike anguka vesu puzu ado khitohi nonguye kinimi shikithe ache nani kya?”

ZEFANIA 1:2

AMPEU no pike, “Niye ayeghilo akeu kumtsu kutsaleve ni cheni,

AKIKIHI 23:18

Tileno Balam no tungpu tsa hipau pitsu: “Zipor nu Balak, ighilo, eno ino kiu piniye anikeno inilo.

AKIKIHI 23:7

Balam no tungpu tsa hipau pitsu: “Muab kukau Balak no Siriya kudauno isasu ighi, kipelau naghuto kudaunoke. ‘Ighilo eno ighenguno pitsulo, Israilmi shou musuini pukuve tsulo,’ ipi pano pike.

AKIKIHI 24:15

Tithiu pano tungpu tsa hipau pitsu: “Beor nu Balam sutsa, Timi khuuno mtsumishei ithulu cheni keno tipau tsake.

AKIKIHI 24:3

eno pano tungpu tsa hipau pitsu: “Beor nu Balam sutsa ke, Timi khuuno thebei ithuluve keno pa tsake

Mark 12:12

Tile Judami sakiphemino Jisu kughaluve niye pukaputsa, kughengu pano kimighipiyekeu tsa pikeu hipauye panongu shou pipuku akepi jupililuve. Ikemu panonguye timi aqokitikhi jupesu msave, ikehu panonguno pa qhiveno wuve.

ZAKINIU 28:29

Nonguye pucho mughu ghi anhethi kighicheni lakhi toi hula hila kuka ghaju nani eno nonguye ala phuju puha nani.Nonguno kiukiu mla itha namu kughukolumo nani. Tamono nongu qodanedaqhi eno suqoqhi nani eno nongu kuphuni kemi lakhimu kuha nanike.