MICAH 2:3 - BAIBEL (BSI)

³ Ikehu AMPEU no piani, “Niye nongu shou kutsakungo keu sughini aye kughu pesu anike eno nonguye tipau lono pokawulumo nani. Nonguye akupunalo aghivekeu nonguno ithi nani eno tileno nonguye tsutsungoju alachemove nani, kughengu tiye alhoksa ghuloki shi nanike.

Sumi Naga CL (Re-edited) Bible (BSI)

³ Tighenguno Ampeu no piani: julo, Ni ye akibo hipau shou amhekiqi kughupe ani, tipau lono nongu xaphemla nani, eno nongu no aqheküzashi ala chemove nani, kughengu ti ye amhekiqi doke.

MICAH 2:3 ပူးပေါင်းရင်းမြစ်များ

ISAIAH 29:20

Tishikeuno kutami qodachekemi ngo Alhou phimo gihumo kemiqoye tino ashekha shive nani. Axinemi kumtsu kutsaleve nani.

ISAIAH 3:16

AMPEU no piani, “Jerusalem lo totimiqoye kishi aqhekuza kela julo! Panonguye akuo shohe pesu iqho iqi acheni. Panonguye ghaghu nhethi xapu acheni. Panonguno cheiqho iqi cheni eno panoqo launhelo amuquno igha asutsa shicheni.

ISAIAH 5:19

Nonguno ishi pike, “AMPEU pelo pano kiu shiniepi pikeno tipau mtazu shipelo, tishianguno ninguno tipau junike. Israilmi Lhou akimtheu pelo pano pughu akeu pepimhe pelo; paye kiu kumsupu ani keno ninguno junike!”

JEREMIYA 18:11

Tishiaye, itehiye Juda lo ngo Jerusalem lo akemiqo vilo niye panoqo shou akumou shinikeu pughupe ani eno panoqo ghimeqhi nikeu kutope anike pilo. Panoqo vilo axine shikeu kuxu qhivelo pilo eno panongu laghi kililuve eno panoqono shichekeu kililuvelo pilo.

JEREMIYA 27:12

Ino tipatho lono Juda lo Akukau Zedekiya vilo pike, “Babilon kukau qholo ngoluvelo. Pa eno pawu timiqo qelo tishiaye nonguye xulupe nanike.

JEREMIYA 34:17

Ike itehiye, Ni AMPEU no pianike nonguno ihebide ani: nonguye nowu timi Israilmi pano gho shipemovae. Tishiaye jualo, ino kuqhokiphe pesu nongu tsuveni: aghukishi, akusukini eno akhuava lono thinikeu kuqhokiphe tsuni. Ino ayeghiqhalo ashiayeh akeqo pelo nongu shou kiu shikeno jukichi peni cheni.

JEREMIYA 36:23

Jehudi no tipau ala-ala shi yesukeu kuthu bidi phitave kelo akukauno azutachi pesu tipaqo ghatha puzu amilo tipau vesuveke. Likuzu kaku kumtsu qhoi pitikhaveke kutolo pano tishi auveke.

JEREMIYA 43:2

Tileno Hoshaia nu Azariya ngo Karea nu Johanan eno kutami aqhekuzashi akemi kumtsuno ivilo pi, “Noye miki anike. AMPEU niLhou ye Ijip lo nipelo wupemo nike eno tilau auve pemoni keu opelo pipe nike opuwu puamoe.

JEREMIYA 8:3

Hi lhoksakugha shiyehmi khunoqo thikhamono xuaghini keno ino panoqo halepuwuvekeu yeghilo xu aghikhani keno tipaqoye xu anikeu nguno thivekeu pavi kumsulu nani. Ni, Aqokitikhi MPEU no piqhiveake.”

AKUMLO 1:14

‘Pano ixineqo jukuto kugho puzu tipaqo kumtsu pau no tsugha kumqo, Pano tipaqo pe ikuolo xipinivetsu, tipaqo kimshino iqaqhi. AMPEU no iha pesu ino mujochilemla kemi ulo suvetsu.

AKUMLO 2:17

AMPEU no pano shini cheni kepi kichichekeu ashekha shivae: Pano ado kushuwa lono kutughu cheke toi kimiyemo mithe puzu ningu kutsavae. Pano nighumi pelo tokulu shipe eno nino veqhive keulo panoqo pelo alovivepe.

AKUMLO 5:5

Kuokhasu nikuolo pipeno niqoqhi eno nipelo akulho qhilu pemoe.

DANIEL 4:37

Ni Nebukadnezar no, akishe, agigihu pe Kungughalo kukau tsu ani. Pano kiu mlakeno kumtsu amikucho eno achipike eno pano aqhekuzami kughape kumtsu nguno aghulou shive tsukepu kuka ani.”

AMUS 2:14

Shishe muthuthei polukemi namu poluni chemoe, akumtomino pano kumto kuhave nani eno ghushimiqoye pano kuxu xamla nani.

AMUS 3:1

O Israil lo akemiqo, Ijip lono ashiayeh kupuju lakhi sasu iqhoghi kemiqo, AMPEU no nongu shou pipuku akeu tsape hipau inilo.

AMUS 3:2

“Ayeghiqhalo ashiayeh akemi gholo niye nongu likhi ithi eno tuchohijuke. Tighenguno nongu xineye akichiqhipuke eno tishi kehu tipau ghenguno niye nongu ghimeqhi masake.”

AMUS 5:13

Tighenguno alokutsumiye alhoksa ghuloki tikithipuloye inaqhoi ngoauve cheni!

MICAH 2:1

Khunoqono ihozuno tsukhutsuvai puzu alhoksa kughu cheni keno tipaqo ghenguno ahakusapuke! Inaqhe shivekelo ado ithulu kemtsa panonguno alhoksa kughupuakeu shi cheni.

Rommi 16:4

Ikuxu ghenguno pama kutsu luvetsu nicheghi. Ilikhino kumo puzu Judakumomi kukuhou kumtsuno pama shikimthi ani.

Ephesiami 5:16

Itodoloye ado lhoksa shianike ghenguno ado ithukulu kumtsu akivishi peithalo.

ZAKINIU 28:48

Tighenguno nonguye AMPEU no aghumi nongu shou puwutsuniye akemiqo qeuve penani. Nonguye akhu amzu shive, tughuthive eno aphi kumsave nani eno thwokha avehupu shive nani. Nongu kutsale khavemoke kutolo AMPEU Alhou Ijip lono nongu xaphelu keu huno nongu gholo ananike.

James 2:13

Kughengu khunono timi kipimi pevetsumo nikeno Alhou no kughathakelo pa kipimi pevetsumo nani; tishimu akipimi qhivetsukeuno kughathabe keu shou tolu cheni.