MATTHEW 9:6 - BAIBEL (BSI)

⁶ Ikemu ni Timi Nu ye ayeghilo akelo axine pevetsukulupu kuka akeu nongu pelo ithi peni.” Tishi pipuzu pano anhu ithamlakeu vilo pi, “Ithulo, ozua kuqha ikhiqhelulo eno akilo wolo!”

Sümi Tiqhelimi Bible

⁶ Ikemu I no nongu pelo ithi penishi akeu ye Timi Nu ye ayeghi lo axinéqo qhivetsülu kepu kükagha anie.” Ike pa no aphimpi ithamlave keu vilo pi, “I no O vilo piani, ithulo, O züa ikhipesü aki lo wovelo.”

Sumi Naga CL (Re-edited) Bible (BSI)

⁶ Ikemu hi shikeu vecheo nongu pelo Timi Nu ye ayeghi lo axine qhitsüni keu kükagha ani kepi vethalu peniye ke” —tishino pa no aküsüu vilo pi— “Ithulo, eno o züaphi ikhipe aki lo wolo.”

MATTHEW 9:6 ပူးပေါင်းရင်းမြစ်များ

ISAIAH 43:25

Ikeghi, niye nongu xine pevetsu chekeu Lhou ke, niye nike ghenguno tipau shitsu cheni. Niye nongu xine nongu shou tishi puatsumo nani.

MICAH 7:18

O AMPEU, otoi keu lhou kutau kuhae; nono owu timi, puxupe puaghitsu kemiqo xine peivetsuke. Noye alhokupujulo aloghu ideauve chemoke ikemu nilau owu lhokta kikimiye piye nikeulo ozukuvu shi achenike.

MATTHEW 4:24

Pa jekipiye Siriya yeghi bocho kumtsulo vekuphawove, ikehu akusupu jeli thwokha lono ichhe-ime aghikeqo kumtsu, eno suaghikeu, tughakusano sa-aghikemi, kilighakipemi, eno aghi-anhu thivekemi pa lau saghike Jisu no panoqo shipivitsue.

MATTHEW 8:20

Jisu no pa khochile, “Sherqoye ngokepu tuki acheni, eno aghauqono apusu ani; ikemu ni Timi Nu ye pa kutsu mukhu kepu-a ghi kuhae.”

MATTHEW 9:2

Tilehi timi khamino anhu kusumi lakhi azualo puzu pesu pa lau ighi. Kughou Jisu no timi tipaqo kupulu ithulu keno anhu ithamlakeu timi vilo pi, “Anu, omlo mutotoi lulo, oxine pevetsuae.”

MATTHEW 9:5

‘Oxine pevetsuae’ ipikeuno mlaleyi keo, ‘Ithu puzu alachelo’ ipi keuno akumlau kya?

MATTHEW 9:7

Timi huno ithu puzu akilo wove.

Mark 2:10

Ikemu nongu pelo kuchouno ithi penikehu ni Timi Nu ye ayeghilo axineqo pevetsu kulupu kuka anie.” Ikehu anhukithiu vilo pano ishi pi.

Mark 2:7

“Timi hipauye kushiye ishi Alhou thaighakeu tsa piani kya? Alhou likhi no kumoaye timi khunomu axine pevetsumlae!”

Luke 5:21

Ayezah Kukutsumi eno Farisimiqoye panongu dolono ishi kughakilethu: “Timi hipauye khuu keno Alhou thaighakeu tsa hitoi pinikya? Alhou likhino kumoaye khuuno axine qhi tsukulupu ani kya?”

John 10:28

Ino lhokta kuxu panoqo tsucheni eno panonguye khilemu hauvemo nani; eno khunomu i-u lono panoqo suxasuwuvemla nani.

John 17:2

Kughengu nono khunoqo pesu pa tsukeno tipanoqo lau lhokta kuxu tsupeni kehu lhoxu kumtsu shou nono akuka pa tsuvae.

John 5:27

Tinguno alau ghi pano Anu pelo kughakutha peithalupe nike akuka tsuvae, kughengu paye Timi Nu ke.

John 5:8

Jisu no pa vilo pi, “Ithulo, eno ozua ikhi pesu alachewulo.”

Apostolmi 5:31

Alhou no pa xaputhu pesu pa-u ajeu Sakipheu eno Xakuluu shipe, tishikeu lono Israilmi pelo xaideghi lukepudo tsuniye eno panongu xine pevetsu niyeke.

Apostolmi 9:34

Pitor no pa vilo pi, “Aina, Jisu Khristo no oshipivi anie, ithuno ozu-a kutsuvelo.” Aina no paikhavi ithuve.

2 Kor. 2:10

Nonguno timi khuu kipimi pevetsu nikeno nighi pa kipimi pevetsu ani. Ino kiu kipimi pevetsu nikeno, ino akipimi pevetsu puaghiaye, ino tishikeu huye Khristo zulono nongu ghenguno ke.

2 Kor. 5:20

Ikehu ninguye Khristo ghenguno lashikami ke, Alhou no ningu vechewo pa ampino nongu piputo akeu kumlhoke. Khristo she amuzu shighi ninguno nongu qhuiniju anike, Alhou lau alashiluvelo!

Ephesiami 4:32

Eno lakhino lakhi kimiyekile, amlo ighiqhiyi eno kuzakuzuyi shilo, eno Khristo gholo Alhou no nongu kipimi pevetsu ketoi nongu lakhino lakhi kipimi pevetsukilelo.

Kolosiami 3:13

Lakhino lakhi shou mopikepu aghikelo pinamu palokutovetsu eno akipimi pevetsukilelo. Ampeu no nongu kipimi qhivetsu ketoi nongu lakhino lakhi kipimi qhivetsukilelo.