MATTHEW 9:36 - BAIBEL (BSI)

³⁶ Pano aqokitikhi ithulu kelo panoqo ghenguno pa mlo shishe ighiqhiyive, kughengu panonguye akheu kuhakeu bheriqo toi shiluksa shi ae eno kuphukemi kuha.

Sümi Tiqhelimi Bible

³⁶ Kughou pa no timi aqokitikhiqo ithulu keno, pa ye panoqo shou kimiyeqhiyive, kughengu panongu ye akheu küha keu ambe toi avehu küghüzü shi eno aveküsa shi ake.

Sumi Naga CL (Re-edited) Bible (BSI)

³⁶ Kughou pa no aqokitikhi ithulu keno, panongu ghenguno pa mlo ighiqhiyive, kughengu panongu ye akheu kühakeu mbeloji toi pishipiyi eno akukuphu kühano ae.

MATTHEW 9:36 ပူးပေါင်းရင်းမြစ်များ

KUKAMI ATUGHIU 22:17

Mikaiya no khochile, “Israilmi ghushimiye bherikheu kuhano bheri apanagha cheketoi naghuto kumtsu apanagha itsu chekhani. AMPEU no pi ani. Timi hipaqoye saphetou kuhake panongu pelono iqunei akilo wovepelo!”

YEKIKITHI AKINIU 18:16

Mikaya no khochile pi, “Israilmi ghushimiqo ye bheriqono akheu kuhave ketoi naghutoqo lo apanagha chekeu ino ithulu anie. AMPEU no pike, ‘Timi hipaqoye sakipheu kuhae; panoqoye iqunei akilo idewove pelo.’ ”

ISAIAH 13:14

“Babilon lo inami kughunache kemiye ashihami launo asheno pochekeshi eno bheriqono akheu kuhano akeshi panonguye pututa yeghilo pove nani eno pano timiqo lau kohave nani.

JEREMIYA 50:6

“Iwu timiqoye bheriqo toi akhemiqono panoqo pelo naghutolo puhapighiyive peke. Panonguno bheriqo toi naghuto lakhi lono lakhiulo itsusu wuveke eno panonguye panoqo ki khile ani keno kumsumavae.

ZEKHARIA 10:2

Timino ajulho kimihi ngo asakiqhimi sasu kuptsa cheni ikemu panonguno khokichile ithulukeuye akimki eno avehu kuhamitheke. Khamino asamo kiqi pitsu cheni ikemu nosabidekeu likhi; panonguno lokughunopu nongu tsukeuye adouke. Ike timiye bheri puhavekeu toi itsu itsuwuve cheni. Panonguye sakiphemi kuhake ghenguno akupunalo ilove cheni.

ZEKHARIA 11:16

Ino bherikheu lakhi iw bheri loji jukuto peniye qhike ikemu bheriqo puhapighiyive keghi jukuto tsumoe, momu puhavekeqo phuwumoke, momu ghuza puaghikeu shipivi tsumoe momu xuaghikeqo lojitsumoe. Tishinike zuqhulo, pano bheri chhikhoikeu shi chuuve eno panoqo pukhu mutsu tujovetsuke.

AKIKIHI 27:17

eno aghushilo panongu shou ahza tsukeu shipelo tishianguno owu aqoaho ye bheri loji akheu kuhakeu toimo nanike.”

MATTHEW 10:6

ikemu Israilmi gholo puhavekeu bheriqo lau wulo.

MATTHEW 14:14

Jisu no ashuka lono amuku tokelo timi aqokitikhi aghikeu ithulu puzu panoqo jupesu pa mlo ighiqhiyiveno pano panoqo gholo kusukinimi shipivitsu.

MATTHEW 15:24

Jisu no ishi khochile, “Israilmi gholo puhavekeu bheriqo lau likhi ipuwu puanie.”

MATTHEW 15:32

Jisu no pa khopemi pa lau kupuzu pi, “Niye timi hipaqo ghenguno imlo imevae, kughengu panonguye atsala kuthu kutolo igholo ani puzu itehiye chukepu kiumu kuhava. Niye panongu akhuava lono puwoveni shimoe, kughengu panonguye lhoveno alalo iluqiveno sake.”

Mark 6:34

Jisu no ashuka lono wo tokelo pano timi aqokitikhi hu ithulu eno panoqo jupesu pa mlo ighiqhiyive, kughengu panonguye bheriqono akheu kuhano aketoi ithulu. Ike pano thwokha jeli pesu panoqo kutsu.

Mark 8:2

“Timi hipaqo shou imloighiqhiyivae, kughengu panonguye igholo atsala kuthu ngova eno itehiye kiumu chukepu kuhava.

IBRIMI 4:15

Ningu chinetouye nino tomochhimo keulo amlo imekuqha tsumla keu kumoe, ni chinetouye alaghi thwokha lono ningu ghukeju cheketoi pa ghujupe puani, ikemu paye axine shipuamoe.

IBRIMI 5:2

Achinetou ghi ala kutomolo tomo-chhimokeu akehu, paye ayekumthami ngo alavezuvekemi lau mutshaivukeu lono peitha cheni.