MATTHEW 8:29 - BAIBEL (BSI)

²⁹ Pamano qhayi ighathughi, “Noye nilau kiu shi cheni kya? O, Alhou Nu! Ado tomphi lono noye ni ghimeqhiniye hilau ighi ani kesha?”

Sümi Tiqhelimi Bible

²⁹ Pama no ighamuku pi, “Alhou Nu, no ye nikujo lau no kiu avehupu shi ani kea? No ye ado püghüpüa keu tomphi züu no nikujo ghimeqhi niye hilau ighi ani keshea?”

Sumi Naga CL (Re-edited) Bible (BSI)

²⁹ Paikhavi pama no igha thuve, “O Alhou Nu, no ye ni lau kiu shikepu ani kea? Ado tomphi lono no ye ni ghimeni ke ighive akeshea?”

MATTHEW 8:29 ပူးပေါင်းရင်းမြစ်များ

SAMUEL AKINIU 16:10

Akukauno Abishai eno pa thikuzuu Joab pama vilo pive. “Tiye kiumu okumlapu kuhae. Tsalatsa pano ighusho qhi keu huye AMPEU no pa vilo pino ghushoqhi aghiaye khuunomu noye kushiye tishi kyapi pa vilo iniju akepu kuhae?”

SAMUEL AKINIU 19:22

Ikemu David no Abishai ngo pa thikuzuu Joab pama vilo pi, “Khuuno okukumsu iniju kenoa? Noye akukupuna itsu kitheniye shi anikesha? Niye itehi Israilmi shou akukau ke, tighenguno ishiye Israilmi khuumu pithive mlae.”

KUKAMI ATUGHIU 17:18

Lino Elija vilo pi, “Alhou wu timi, noye kushiye ilau hi shivetsu kya? Noye hilehi ighino Alhou pelo ixine kumsuchile lukithe peno tipau ghenguno inu pithive tsukesha?”

KUKAMI AKINIU 3:13

“Niye kushi kelauno okuphu tsuni kya? Noye opu ngo oza pamano putsa chekeu tungkupumi lau wuno kimchijulo,” pi Elisha no Israil kukau vilo pive. “Tishimoe, AMPEU no kukami nikuthu ku kuqhano Muab kukau ulo suve tsuniye shi ani, “ pi Joram no pichileve.

YEKIKITHI AKINIU 35:21

ikemu Neko no Josiya lau asutsa hipau tsupuwuve: “Aghukishi hipau ino shiwu chekeu lo ovehu kuhake, Juda kukau! Niye osasu aghushiniye ke kumono ighumi sasu shiniye chenike eno Alhou no ivilo mtazu shilo pi anike. Alhou ye ikudau su anike tighenguno noye imujochile kevilo tikumoaye pano okutsave nanike.”

JOYIL 3:4

“Tur, Sidon eno Filistiya tokujolo akeqo, nonguye ishou kiu shinike pukaputsa ani kya? Nonguye kiuala ghenguno ilochile nike pukaputsa ani kesha? Nonguno tishi aghiaye ino paikhavino nongu lochile nani!

MATTHEW 4:3

Ghukujuu no pa lau ighino pi, “Noye Alhou Nu ke aye atu hipaqo vilo asho ilhove lopi ahza tsulo.”

MATTHEW 8:30

Panonguno akeu-a lono kushuwa kumolo awo kutomo aqo shi nguchu ae.

Mark 1:24

ighauve; “No eno ningu dolo kiu shikepu ani kya? O Nazaret noghami Jisu? Noye ningu kutsaveniye hile ighi ani kesha? Noye khuu kela ino ithi anie noye Alhou ghinimi akimtheu ke!”

Mark 3:11

Kughou tughakusa alolo akeqono Jisu ithulu nikeno, panonguno “Noye Alhou Nue.”

Mark 5:7

eno asutsa kumgha lono ighaghi pi, “O Jisu, shishe Akiqheu Lhou Nu, noye ikughape kiu shivetsu niye ani kya? Alhou jekuno ino ovilo iniju anike, ishikighime kevilo!”

Luke 4:34

“O Nazaret no ghami Jisu, noye ni pelo kishive peniye kya? Noye ningu kutsanike ighi ani kesha? No khuu keno ino ithi ani, noye Alhouw Akimtheu Lakhi ke.”

Luke 4:41

Tughami ghi timi kutomo launo ipeghino ighae, “Noye Alhou Nu ke.” Ikemu Jisu no panongu lomi pi eno panongu pelo atsa pipemo, kughengu tughamino paye Mesiya kepi ithiakehu.

Luke 8:28

Kughou pano Jisu ithulu keno, ighaghi Jisu zulo ikiqiveno asutsa ighamuku ghi pi. “Alhou Ighono Akiqheu Nu Jisu, noye ni lau kiu shikepu ani kya? Ino oqhuiniju ani, ighime kevilo!”

John 2:4

Tile Jisu no li khochile. “Totimi-o noye ivilo kiu pi kepu ani kya? Ido tomphie.”

Apostolmi 16:17

Lino Paul ngo ningu papesu ighamuku ishi pi, “Timi hipaqoye shishe Akiqheu Lhou qemiqoe! Panonguye timi vilo xakulupu la kutughu chekemie!”

James 2:19

Alhou ye lakhi likhi ani kepi nono pulu cheni, tiye alo anie! Tughami ghi pulu acheni eno akumsano khokhoshi cheni.

2 Peter 2:4

Kughengu kungumi axine shivekemiqoye Alhou no khilemu qhichemoe, ikemu inhemokeu milo vesuve cheni eno Kughakutha Tsala kheakelo akuzulo tshupe puave cheni.

Jude 1:6

Kungumi khipaqono panono akepualo ngomoveno tipa-a kacheve nikeno , panonguye aqhou zumoikeulo lhokta yikichhe pesu tshuve cheni, eno kughakutha Tsala akijeu ighimoke kutolo qhipua cheni.

XAKUTHAMI 11:12

Tileno Jeftha no aghinikishimi hapesu Amun kukau lau hitoi piwupe, “Noye kiu ghenguno ningu sasu kutsala kichighi anikya? Kushiye noye nighakhu le iloghi anikya?”