MATTHEW 7:15 - BAIBEL (BSI)

¹⁵ “Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

Sümi Tiqhelimi Bible

¹⁵ “Kichileu tungkupumiqo lau no kutokupui lo. Panongu ye ashou ye ambe toi nongu lau ighi cheni, ikemu panongu lolo ye ayiküsa tüngtüghaqo ke.

Sumi Naga CL (Re-edited) Bible (BSI)

¹⁵ “Kichile tungkupmi khunoqo ashou ye ambe yiko xapu ikemu alou ye tüngtügha yiküsa toi ighi cheni keno, nongu ye tipaqo jukutolo.

MATTHEW 7:15 ပူးပေါင်းရင်းမြစ်များ

KUKAMI ATUGHIU 13:18

Tileno amchou tungkupu Bethel lono ighikeu huno pa vilo pi, “Nighi otoi tungkupumi lakhi ke, ikehu AMPEU zah kutsu lono kungumi lakhino ivilo pikeuno osasu akilo ide ighino osasulo pike.” Ikemu ti amchou tungkupu huye miki ake.

JEREMIYA 29:21

“Aqokitikhi MPEU, Israil Lhou no Kolaiya nu Ahab ngo Maaseiya nu Zedekiya pama ghili piveake, pamaye nongu vilo paje lono akimki tsa piani. Pano pive ake pano hipama pesu Babilon lo Akukau Nebukadnezar ulo suvetsuni cheni eno nongu gizu lono pano pama pithive nani.

JEREMIYA 29:32

Paye nongu gholo alimi alagha kuha nani. Paye ino iwu timiqo ghenguno akivi jeli mlaniye akeu ithulumono thive nani, kughengu pano panoqo pelo ihebide penikeu pitsuke. Ni, AMPEU no piqhivae.”

EZEKEL 13:16

Tiye tungkupmi khunoqono Jerusalem ye thwokha kumtsu vimono akeghi viani kepi piche keqoke.” Akughushu MPEU no pivae.

EZEKEL 13:22

“Nonguno nongu kimki pesu kivimi khunoqo ino ghuza nishimono achekeqo mlo shikumkave tsuchenike. Nonguno alhoksami pelo pano lhoksa pheve penikeu lakha cheni eno pano kuxu xaluve nikeu lakha cheni.

EZEKEL 22:25

Tipaulo sakiphemiye abongushuno lhoxu heqhipe ngo puzu igha akeu toi ke. Panonguno timiqo heqhi, panonguno pisa kumtsu suwuve eno tinhemgha luvetsu cheni eno panonguno ghiqhikeu lono topuchimemi kutomo auvae.

EZEKEL 22:27

Yehpeka yehkipelo kijemiqoye atine lojino lhoxu heqhi puzu suthapinyi kishi akeu toike. Panonguno kinikulu shiluniaye ghiqhi heqhi cheni.

DANIEL 11:34

Tishi heqhi akelono panongu gholo sukemi akichiuno alakimine lono suapimu Alhou timiqono akukuphu kitila ithulu nani.

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

ZEKHARIA 13:4

Tipa tsalalo, tungkupmi khunomu timi pishiqhiniye pano kungunhetsu ithulu keulo akijivilomo nani momu tungkupmi lakhi toi shipiyemo nani momu tungkupmi phimini ghaghaikeu pepu puzu timi pishiqhimo nani.

MATTHEW 10:17

Timiqo jukutokupuyi alo, kughengu panonguno nongu sasu kughakutha-alo sawu nani eno panonguno Sinagog lono nongu ghaqhi nani.

MATTHEW 16:11

Niye asho piamokepi kushiye nonguye ithi kututa shimlave kya? Farisimi ngo Sadukimi kholaqhi jukutokupuyi alo!”

MATTHEW 16:6

Jisu no panoqo vilo ishipi, “Jukutolo eno Farisimi ngo Sadukimi kholaqhi lono kutokupuyi alo.”

MATTHEW 24:11

Kichile tungkupmi kutomo ipeghi puzu timi kutomo sakughuzu sawuve nani.

MATTHEW 7:14

Ikemu aliwo kibikhoyikeu eno ala sholokutu keuno akuxupulo sawu cheni eno timi aghulono tipala phulu cheni.

Luke 12:15

Panongu vilo pano pi: “Jukuto lo, alakimine jeli kumtsu lono nonguno kutokupui lulo, kughengu timi lakhi kuxuye pano kiu papushi kinimi shi aghinamu pawu kuakinino nibonilei aghikeu pesu kupukulai luve ake kumoe.”

Luke 6:26

“Kughou timiqono nonguye aloe ipini keno nongu ghenguno ahasapue. Panongu puasuqo ghi tipaphi shi kichile tungkupmiqo vilo picheke.”

John 10:12

Aqekiqemiye akheu kumo eno bheri kipighiu kumo kehu, kughou tungtugha chekeu ithulu nikeno bheriqo qhiveno pove cheni; tileno tungtughano tipaqo tsuqu luveno hapiyepighive cheni.

Apostolmi 13:40

Tighenguno kutokupuilo, khilehi tungukupmino kiu pipuani keno ti nongu shou ikughi nosake:

Apostolmi 13:6

Kughou panonguno azughi dolo aghakhu akeu kumtsu vehosu Pafus tolu keno, panonguno kuduu shichekemi, Judami Bar-Jisu ipikemi kichile tungkupmi lakhi sasu kusholu.

Galatiami 2:4

Qeti timi khamino athikuzumi kepi nigholo kihikuqha iloghino Tito peloghi ayiko ghave penishi ake. Timi tipaqoye ninguno Khristo gholo xukuqhape ililayi akeu miqejuniyeke, tishino panonguno ningu tshupe qhiveniye shike.

Ephesiami 4:14

Tishianguno ninguye itimi toi izuichoi pemo eno pishikiqhimi kukutsu jelino ningu fusasu wuvepemo nani, timi hipaqono muqu mugha vesuno kutami ghi akumou lalo sawuve chenike.

Ephesiami 5:6

Hipaqo vehu inapugha pichekemi pelo nongu pishiqhive pekevilo, kughengu hipaqo thime ghenguno Alhou loghuye hebidekemi shou ikughi cheni.

FILIPIAMI 3:2

Kusakugha shichekeqo, ti atsuqo jukuto alo, ti aphi ashi ghathamasa kepi pichekeqo jukuto alo.

Kolosiami 2:8

Khristo launo sughikeu kumoaye timino pekishe kutsupiye sughikeu momu tsutsu yeghiqha ghahwu yehkipe launo sughikeu kighithi ngo kichiletsa pesu nongu kughasuwuve pemonike jukuto alo.

2 Tim. 3:13

ikemu timi lhoksami ngo ghaghumiye kutami pishiqhikeulo eno pano likhi pano pishiqhikeulo vimokithe acheuve nani.

2 Tim. 4:3

Kughengu timino kuchou kukutsu lumonike ghuloki ighi nani, ikemu muthomuzayi keu kini xapu panongu gho-apulou shipenishi kelauno panonguno ininishi akeu likhi pitsupenikemi akukutsumi sawo qhi nani.

2 Peter 3:17

Tighenguno kimiyechekemiqo, tishimphi lono nonguye hipau ithilo. Nonguye kutokupuyiluvelo, tishianguno nonguye ayezah pemokemi kipimi gholo musu sawuve nosake eno nonguno tsaqutsaleyi akeua lono ikiqive nosake.

1 John 4:1

Kimiyechekemiqo, Aghungu aniepikeu jeli kumtsu pulube kevilo, ikemu tipaqoye Alhou launo ighikeo mokeno miqejulo. Kughengu kichile tungkupmi kutomo ayeghilo ipevae,

Jude 1:4

Kughengu khunomu mthano akelono Alhou lau amlo tsuchemokemi khamino tuqhouno ningu gholo iloghivae. Timi hipaqoye niLhou wu kukumgha tsape ghili tuchighi pesu pano shi aji lhoksa puloulo suve ani eno niMpeu ni Kukutsuu ye Jisu Khristo likhike pa hakha anie. Highenguno timi hipaqo Alhou no peve nikeu shi khaghino amichi shipe qhivae.

Piyeküsü 16:13

Tileno mithekumo ghahwu, jukelo ye achuyi toikeu kuthu, lakhino Dragon kichi lono, lakhino tughashi kichi lono eno lakhino kichileu tungkupu kichi lono ipeghikeu ino ithulu.

Piyeküsü 17:6

Totimi huye Akimthemi jih eno Jisu ghokulu shike ghenguno pithivekemiqo jih shomzupusu ae. Ino kughono li ithulu keno niye shishe akumzave.

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

Piyeküsü 20:10

Tileno pano pishiqhichekeu Tughami huye ami eno amichu pitiakeu yizulo vesuve, khipa-alo tughashi ngo kichileu tungkupu vesupe puakeno, eno putho pucho alhokupujulo panonguye tileno pitipuzaqhi nani.