MATTHEW 6:5 - BAIBEL (BSI)

⁵ “Nonguno kughou inikhu nikeno kuhakughami toi shi kepu kumoe, kughengu panonguye Sinagog chekulo eno alaghila phelo puthughono inikhuni keuno pano lokutu cheni, tishianguno timi pelo panoqo ithulupe niye tishi cheni. Kuchouno ino nongu vilo pini, panonguye panongu jume ithuluvae.

Sümi Tiqhelimi Bible

⁵ “Eno kughou nongu no akighini shini keno kühaküghamiqo toi shi kevilo, kughengu panongu ye synagogqo lo puthugho no akighini shinishi cheni eno kütami pelo ithulu peniye alaghila chekuqo lono akighini shi cheni. Kuchou no I no nongu vilo pìní, panongu ye pano sala qesaxu kuchopu ithuluvae.

Sumi Naga CL (Re-edited) Bible (BSI)

⁵ “Eno kughou nongu no inikhuni keno, khilemu keghilishi kemi toi kevilo. Kughengu panongu ye timi pelo ithulu peniye sinagog lo eno alaphe lo puthugho no inikhuni keu no pano lokütü cheni. Kuchou no I no nongu vilo piani, panongu ye pano jume qhoi ithulu khavae.

MATTHEW 6:5 ပူးပေါင်းရင်းမြစ်များ

LESHELE 5:2

Ikukau ILhou, ikuphupenike ighamukukeu initsulo; kughengu olau ino inikhu anike.

LESHELE 55:17

Ino putho pucho pa vilo muchho khua nani eno pano isutsa chilu nani.

AHOLE 15:8

Kughou timi kivimino inikhuni keno AMPEU mloqi cheni ikemu kixikilamino aghashipe pa mlla nike sughikeu mithi cheni.

AHOLE 16:5

Qhezalaki ghi xuchekemi kumtsu AMPEU no mithi acheni; paye panoqo pelo aghime shipenikeu lono povepemo nani.

ISAIAH 1:15

“Kughou nonguno au peqhe pe inikhuni keno niye nongu lau jupuwumo nani. Nonguno khijejehi inikhu anamu niye initsumo nani kughengu nongu ulo aji dapusu anike.

JEREMIYA 29:12

Tileno nonguno iku ighi nani. Nonguno ighino ivilo khuini nani eno ino khochile nani.

DANIEL 6:10

Kughono Danel no ayezah pephevapi chilu keno paye akilo wove. Aki bokutha kunguulo alashe lakhi Jerusalem kudau she puache, tipaulo azuuno kiutoi shichekeno titoi qhoqhunhepe atsalalo ghuthu kuthu alashe khaqhiveno Alhou vilo inikhu ache.

MATTHEW 21:22

Eno nonguno akighini shikelo kiukiu khuepinamu, nonguno akupulu aghiaye, nonguno ti ithulu nani.”

MATTHEW 23:13

“Nongu Ayezah kukutsumi ngo Farisimi ghenguno ahakusapue! Nongu kuhakughaqo! Nonguno timiqo launo Kungugha yehkipe hukikha khavetsu; nonguno iloke kumo puzu tipaulo iloniye pukaputsa akeqo pelo ilopemoe.”

MATTHEW 23:5

Panonguno mlakeu kumtsu timi pelo ithulupeniye mla cheni. Panonguno akishelo ngo aumlolo kuchoyesu-tsa lothi pukeu bohu kije shikithe cheni eno panoqo phishe chijeboboyi shikithe cheni.

MATTHEW 23:6

Aghulhu shikelo panonguno a-a kiviu mine cheni eno Sinagog lo alakhu akiviu pukha cheni,

MATTHEW 6:1

“Timi pelo ithulupe niye nowu achineyehlo shichekeu kikimiye kumla timi zulo shipe piye kevilo. Kughengu nonguno tishiaye nongu paPuh kungughalo akeu launo nongu jume kuhave nani.

MATTHEW 6:16

“Kughou nonguno kumvuni keno, kuhakughami toi agi kuzu piye kevilo, kughengu panoqono agi thibuyi pesu kutami pelo panonguye kumvu anikenapi ithulupe niye shi cheni. Kuchouno ino nongu vilo pini, panonguye panoqo jume ithuluvae.

MATTHEW 6:2

“Ikehu kughou timino kiuala avehupu shi aghikelo nono tsu keu pesu ojekipi shikevilo, tiye kuhakughamino Sinagog lo eno alaghila lono tishi cheni, tiye timi pelo panoqo sheqhe peniyeke. Kuchouno ino nongu vilo pini, panonguye pano jume ithuluvae.

MATTHEW 9:38

Tighenguno ghile mipeu pelo ajumi puhutsu penike inikhulo.”

Mark 11:25

Kughou nonguno puthughono Alhou lau inikhuni keno, timi kutami shou mopikepu kiuala aghiaye ti qhivetsulo, tishianguno kungughalo nongu paPuh no nongu kipimi qhivetsu nani.

Mark 12:38

Pano panoqo kutsukelo ishi pi, “Ayezah kutsuchekemi jukuto alo. Panonguye pano phi chije boboyikeu upuzu iqhoiqinishi eno alhikishi-alo timi pelo panongu lau agigihu tsupenishi cheni.

Luke 11:43

Nongu Farisimi ghenguno ahae! Nonguno Sinagog lo alakhu akiqheu laju eno alhikishi-a lo timino nongu qhoqhukeu tsa pikeu laju acheni.

Luke 18:1

Tileno Jisu no hipau holetsa panongu vilo pi, tiye panongu pelo pulhapuju akighini shi eno khilemu aghuthisu pemonikepu panongu shikani kehue.

Luke 18:13

Ikemu zahme kuqhauye putou puthugho puzu pa gi ghi atsutsu kudau mu peqhemo, ikemu amlo ghimeshi pa mla khukhu ghi pi. ‘O Alhou, ikimiye tsulo niye axinemi lakhi!’ ”

Luke 20:47

Panonguno topu chimemi shive aghikemi jupuzu tipaqo ki-ale ghesuqhi cheni, ipuzu timi piyeni aye ado kushuwa aqo gholo inikhu cheni. Kutami nguno panonguno aghime akusau ithulu nani!”

Luke 6:24

‘Ikemu nongu kinimiqo ghenguno ahasapue, kughengu nonguye nongu lokughuno ithuluvea ke.

John 16:24

Itehi kutolo nonguye ije lono kiumu khujumphike; khulo eno nongu tsu nanike, tishianguno nongu lokivi shikupulu penike.

Ephesiami 6:18

Ado aghuloki kumtsulo Aghungu no sapiyekeu lono Alhou vilo qhuiniju ghi pulhapuju inikhu chelo. Tipau kimji lono tsukhuyi shialo eno khilemu kughucho kevilo; Alhou wu timiqo ghenguno khuini tsualo.

1 Thes. 5:17

tamono inikhulo,

James 4:6

Ikemu Alhou no kupukini tsukeuye tinguno alauke. Tighenguno kuchoyesulo ishi pipuani, “Alhou no aqhekuzami lakhave cheni ikemu mtshaivukemi lau kupukini tsu cheni.”