MATTHEW 6:2 - BAIBEL (BSI)

² “Ikehu kughou timino kiuala avehupu shi aghikelo nono tsu keu pesu ojekipi shikevilo, tiye kuhakughamino Sinagog lo eno alaghila lono tishi cheni, tiye timi pelo panoqo sheqhe peniyeke. Kuchouno ino nongu vilo pini, panonguye pano jume ithuluvae.

Sümi Tiqhelimi Bible

² “Tighenguno nongu no kughou aveküsami kuphuni keno, nongu ye kühaküghamiqo no synagog eno alaghilaqo lo ighamuku kütami pelo panongu gihu peniye asheshu keu toi shi kevilo. Kuchou no I no nongu vilo pìní, panongu ye pano sala qesaxu kuchopu ithuluvae.

Sumi Naga CL (Re-edited) Bible (BSI)

² “Ikehu, kughou nono aveküsami kuphuni keno, khilemu o fuko küigha ghi shikevilo, ti ye keghilishi kemi no timi pelo sheqhe peniye sinagog eno alaghila lono tishi cheni. Kuchou no I no nongu vilo piani, panongu ye pano jume ithulu khavae.

MATTHEW 6:2 ပူးပေါင်းရင်းမြစ်များ

LESHELE 112:9

Paye michhi mighimono kumlhomi tsucheni, paye timi kimiye che keu phevemoe; paye akuka kuloghi shi nani eno kutamino gihu nani.

LESHELE 37:21

Kixikilamiye nalu puzu tsuchile chemoe, ikemu kivimiye michhimono tsu cheni.

AHOLE 19:17

Kughou nono kumlhomi tsu jeni keno tiye AMPEU punna akeu paphike eno AMPEU no tipau olochile nani.

AHOLE 20:6

Kumtsuno pututa muzulo paye aghokulu eno pukhukulu kepi piaghi luvi ikemu khuuno kuchouno tipau keno phujulo.

YETSAPIU 11:2

Kughono angkusa tsala ighini keno mthake a-a kutomolo lhidi jeli shipe pualo.

ISAIAH 10:6

Alhou mthakemi shiayeh shou ino pa puwuni, iloghu shikighide kemiqo shou ino Asiriya puwuke. Ino panoqo puwukeuye alaghilalo aniba qodaneda keshi timiqo pukaqhi, xuleqhilu peniyeke.”

ISAIAH 58:7

Muzuthi aghikemi sasu nongu chuqupu kusajelo eno akialu kuhakemi kumlhomi nongu kilo sasulo. Kiumu unimi kepu kuhakemi aphimini tsulo eno nosholokumi kuphukileni keu kughuchove kevilo.

ISAIAH 9:17

Tighenguno AMPEU ye lhothemi lakhimu pokawulu peni chemoe eno paye chimemi ngo mighimgha lakhi shoumu amlo ighiqhiyikeu anichemoe, kughengu timi kumtsu Alhou mthakemi eno kixikilami eno panonguno pikeu thwokha alhoksake. Tishivemu AMPEU loghu taveni chemoe ikemu ghimeqhinike pau chhopuwo achephike.

HOSIYA 8:1

AMPEU no pi, “Kutughukeu sutsa shilo! Aghumino aluqu toi iyeghilo tsuiqighi ani! Iwu timiqoye ino panoqo sasu puloshoqhi shikeu kuboleve eno ino kutsupiye keu shou kumjo anie.

MATTHEW 15:7

Nongu kuhakughaqo! Isaya no nongu ghenguno achipishi Alhou launo tungkupu tsa pivae.

MATTHEW 16:3

Inaqhe nonguno, ‘Atsutsuye huchuino zuchiyi anikeke ishiye pasapagha tsala shini chenie’ ipi cheni. Nonguye atsutsulo ju puzu atsalaye kiu toi nani kela pilu cheni, ikemu nonguye hipa ghulokilo amchipuqo kiqimlae!

MATTHEW 22:18

Ikemu Jisu no panoqono muqumgha shi akeu vetha luveno ishipi, “Nongu kuhakughaqo! Nonguye kushiye ikitimeveniye pukaputsa ani kya?”

MATTHEW 23:5

Panonguno mlakeu kumtsu timi pelo ithulupeniye mla cheni. Panonguno akishelo ngo aumlolo kuchoyesu-tsa lothi pukeu bohu kije shikithe cheni eno panoqo phishe chijeboboyi shikithe cheni.

MATTHEW 23:6

Aghulhu shikelo panonguno a-a kiviu mine cheni eno Sinagog lo alakhu akiviu pukha cheni,

MATTHEW 24:51

Ampiu huno pa kughape ghaqhitha piniyive nani, eno kuhakughamiqo gholo qhive nani, tilehi pa ye igha qah ahu-tsughu nani.”

MATTHEW 5:18

Kughengu kuchouno ino nongu vilo pini, atsutsu eno ayeghi haumoke kutolo Ayezah lo chosupuakeu momu hetha puakeu thwokha kumtsu shi kishekha moke kutolo lakhimu hauvemo nani.

MATTHEW 6:16

“Kughou nonguno kumvuni keno, kuhakughami toi agi kuzu piye kevilo, kughengu panoqono agi thibuyi pesu kutami pelo panonguye kumvu anikenapi ithulupe niye shi cheni. Kuchouno ino nongu vilo pini, panonguye panoqo jume ithuluvae.

MATTHEW 6:3

Ikemu kughou timi lakhino kiuala avehupu shi aghikelo nono tsuaye akusami kuchou pelomu tipau ithi pekevilo;

MATTHEW 6:5

“Nonguno kughou inikhu nikeno kuhakughami toi shi kepu kumoe, kughengu panonguye Sinagog chekulo eno alaghila phelo puthughono inikhuni keuno pano lokutu cheni, tishianguno timi pelo panoqo ithulupe niye tishi cheni. Kuchouno ino nongu vilo pini, panonguye panongu jume ithuluvae.

MATTHEW 7:5

Noye kuhakughamie! Atughushi onhethilo asulu akeu ikhiphevelo, tithiuno othikuzuu nhethilo amihi akeu ikhiphe nike onhethi tsughukhuyi ithuluve nani.

Mark 12:39

Panonguye Sinagog lo alakhu akiviulo iqanishi eno aghulhulo wukelo atomi lakhulo iqanishi cheni.

Mark 7:6

Jisu no panongu khochile. “Isaya no kughou tungkuptsa nongu ghili pikeno pa ye achipishi pivae! Nonguye pano yepe qhikeu toi kuhakughamiqoe. ‘Timi hipaqoye akichilo likhino igihue, ikemu panongu mloye ilauno putou anie;’ ipi Alhou no pi.

Luke 11:41

Tishiaye akhu ajukhulo kiu aghi keno kumlhomi tsulo eno nongu ghenguno thwokha mitheluniae.”

Luke 11:43

Nongu Farisimi ghenguno ahae! Nonguno Sinagog lo alakhu akiqheu laju eno alhikishi-a lo timino nongu qhoqhukeu tsa pikeu laju acheni.

Luke 12:33

Okuakini jelo eno kumlhomi tsulo, eno pepuha mlakeu pisabolo kikelo eno kungughalo khilemu pekhave mlakepu nongu kini kikelo, kughengu tileye kupkamino mu pukaluve mla eno apulano mu tsapili mla.

Luke 12:56

Kuhakughaqo! Nonguye atsutsu eno ayeghi ju puzu tile kiu shi ani keno pilu cheni, kushiye hipau tuqhu ghulokiye kiu kela nonguye mtha kya?”

Luke 13:15

Ampeu no pa khochile ghi pi: “Nongu kuhakughaqo! Nongu gholo khuno apineni lonomu pa mishi momu gadaha aki lono kuqho sasu wo azu piye chemo kya?

Luke 20:46

“Ayezah kukutsumi jukuto alo, panonguye aphi kushuwa upuzu iqho iqi nishie, eno alhikishi-alo panongu gihu ghi petha panongu tsupe nishie; eno Sinagog lo pa kutakeu-alo iqanikeu kishi chenie eno aghulhulo a-a akhotou phu chenie.

Luke 6:24

‘Ikemu nongu kinimiqo ghenguno ahasapue, kughengu nonguye nongu lokughuno ithuluvea ke.

Luke 6:42

Kishi puzu othikuzuu vilo, ‘athikuzuu, onhethilo amihi akeu ino ikhipheve tsuni,’ ipi chenia, le olikhi onhethilo asulu nono ithumla kenoku? No kuhakughau! Atughushi olikhi onhethilo asulu ikhivelo, eno tishianguno othikuzuu nhethilo amihi ikhiphe nike nono tsughukhuyi ithulu nani.”

John 13:29

Judas no pisabo pighiu shiche kehu Jisu ye pa vilo wupuzu aghulhu ghenguno kiu avehupu shi akeno tipaqo qhunikeu momu kiu kiumu pesu kumlhomi tsu nikeu pikughashi akhopemi khamiye kumsuve.

John 5:41

“Niye timi launo sheqhekeu lunishiyeke kumoe,

John 5:44

Nonguno lakhino lakhi sheqheni shi, ikemu Alhou ye pa likhino Alhou ke pa launo sheqhekeu nonguno phuju nishimoke, nonguye kishi puzu pululuni kya?

John 7:18

Timi khuuno pa likhi pa lotsu lono pini keno pa jekipipu phuchenie. Ikemu timi khuno pa puwupuakeu jekipipu phuni keno tiye akumzumi eno tipano qholoye akimki kumu kuhae.

Apostolmi 10:2

Paye achineyehlo amlotsuqhiyi chekemi, pa eno pa kibo kumtsu Alhou sumsache. Pano Judami kumlhomi kumsano shishe kuphuche eno tamono Alhou vilo inikhu ache.

Apostolmi 10:31

eno pano pi, ‘Kornelia! Alhou no okighini chiluvetsua eno nono kumsano timi kuphuchekeu ikhiluvetsuae.

Apostolmi 10:4

Pano akumsa launo kutuxope kungumi hu jupuzu pi, “Akijeu kiu kya?” Kungumi huno ishi pa vilo pi, “Okighini eno nono kumsano timi kuphuchekeu Alhou no ikhiluvetsua eno okumsulu ani.

Apostolmi 11:29

Kutsuluvekemiqono kuptsathalukeuno panoqo lakhi khino kiu toluke qhemi keno tipau kiqi lono Judia lo athikuzumiqo kuphu puwunikeu shi.

Apostolmi 24:17

“Ampe kuthu bidi a-a kutau cheche puzu, kutamino kumsagho tsukeu suwo ni timiqo tsu eno akumllagho pesu mlla ishini aye Jerusalem lo wu.

Apostolmi 9:36

Jopa lo akukutsu papeluvekemi totimi lakhi ae, lije ye Tabitha. (Grik tsalo li jeye Dorka, tipau kiqiye “Ashe”). Lino akivi kumla eno kumlhomi kimiye-kinilo no ado peveche.

Rommi 12:8

Kutami hakitekepu shiaghiaye ninguye hakitekile masa; khuno qhasutsu kepu shini keno ililai qhasutsu masa. Timi khuno sakiphemi shinikeno ichhe-ime mla masa. Khuno timi kupuqhiyikeu kumla shinikeno aloviqhiyi shimasa.

1 Kor. 13:3

Ino aghikeu kumtsu pesu tsupuwu aghiluvi eno iphimpi pitivepeniye ikhiphetsu aghiluvi, ikemu kimiyekini kuha aye niye heshekulupu kiumu kuhae.

Galatiami 2:10

Panonguno nivilo pikeuno ninguye panoqo gholo kumlhomi akeqo kumsululepike, ike nighi tipauye shinishiqhiyi cheke.

Ephesiami 4:28

Timi pukaqhi chekemiye hinguno hilauye puka kevilo, ikemu pa phiau peithano akikhishi mlano qechulo, tishino kumlhomi kuphukulupu shilo.

1 Thes. 2:6

Momu kutami lau na nongu lau namu ninguye timino sheqhepe nikeu phupuamo,

1 Tim. 6:18

Kinimiqo vilo akivipu shilopilo eno akumla kivi nibonilei shilopilo, kutami sasu kupukunoshi kusajeni keu kutope alo pilo.

Philemon 1:7

Ithikuzuo, ovechewo Alhou timiqo mulo vepiqi tsu achenike ghenguno, okikimiyeno ilau alokivi kije eno alokughunopu shishe sughitsu cheni.

IBRIMI 13:16

Akivipu shinikeu kughucho kevilo eno nonguno aghikeu kusajekilelo, kughengu akumllagho hipaqono Alhou lokiqipu shilu cheni.

1 Peter 4:11

Khunono asheshu cheni keno paye Alhou tsa pesu asheshulo, khunono kutami qe cheni keno paye Alhou no tsukeu kumto pesu qelo, tishianguno thwokhalo Jisu Khristo vechewo Alhou kimthe jekipipu shilupenike. Alhokupuju lono alhokupuju kutolo akimthe jukuvu eno ayehkipeqhaye pawuke. Amen.

SAMUEL ATUGHIU 15:30

Saul no pi, “Niye axine shivae, ikemu iwu timi sakiphemi eno Israilmi kumtsu zulo sukumsa ipiye tsulo. Ipuzu isasu idewono ipelo AMPEU oLhou mllalu pelo.”