MATTHEW 6:19 - BAIBEL (BSI)

¹⁹ “Ayeghi hipaulo apila ngo ayisano tsapuhavetsu eno kupkamino hepho-piniyi ilo pukapewuve keu-alo nongu likhi nongu sala akini pekutsu kevilo.

Sümi Tiqhelimi Bible

¹⁹ “Nongu likhi nongu sala ayeghi lo akiní pekütsü kevilo, kughengu tiye amila ngò ayisa no tsapühave eno küpükamiqo no hepho ilo püka pewuve cheni.

Sumi Naga CL (Re-edited) Bible (BSI)

¹⁹ “Nongu ghenguno khile apila ngo ayisa no shipüsave cheni eno küpkami no hepho ilo xüleve cheni keno, ayeghi lo nongu kini pekütsü kevilo,

MATTHEW 6:19 ပူးပေါင်းရင်းမြစ်များ

JOB 24:16

Putholo hipaqono aki vexu ilocheni, puchou ye aki khatha pe ngo cheni, panonguye akuvu mthae.

JOB 31:24

Ino shuna pesu iwu lajupu shipuaghi aye, momu aghile shuna vilo, “nono ikupukhu ke” ipi puaghi aye;

LESHELE 39:6

timi kuxuye yekukhu nguno alau kumoe. Pano kiu kiu shianamu kiumu kuhae; Paye kinikulu kutsu puaghiluvi, ikemu khuno tipau luve nani kela mthae.

LESHELE 62:10

Anguka vesuchekeu kuxu shou pukhu be kevilo, suxaluve chekeu lo ala shilu nani kepi kumsu kevilo. Okuakini alaushive namu tipaqo pukhube kevilo.

IPEKULU 22:2

Pano kiu pukalu keno tipau lochile masa. Pano kiumu kuha aye pukaluve keu lochileni ke ghenguno pa likhi pa kugha pesu aqemi lakhi shinikeu lo jeveni. Tsala pukalukeu lhoxu amshi, gadaha momu bheri huye akuxu shi ghi pano pighi aghiaye paye lhoxu lakhi thelilo kini pesu lochileni. “Kupkami lakhino putholo aki hexu ilo cheghi kelono pa heqhive namu tipauye kuquve amoe. Ikemu puchouno tishi aghi aye paye kuquvae.

AHOLE 11:4

Okithi tsalalo kinikuluye okivipu shimla nani ikemu amikuchono okuxu xaluve nani.

AHOLE 16:16

Shuna ngo tsandi nguno alau alokutsu ngo akighithi akeu pavibeke.

YETSAPIU 2:26

Alhou no alokutsu, akighithi eno alokiqi pesu pa pulou shichekemi tsucheni ikemu pano axinemi pelo qeluno pekikelu chenipe tishianguno panoqono aghikeu pesu pa pulou shichekemi tsu niyeke.Hi kumtsu adouke. Hiye amlhu kugha ju puha ake paphike.

ZEFANIA 1:18

AMPEU no pa loghu piyeke tsalalo, pano wu shunayi ngo tsandiyi kumtsu tsunamu panoqo xamla nani. Ayeghiqha kuchopu pa loghu mikuiquno pitileve nani. Pano ayeghilo akemiqo kumtsu zuleno akuxu shekha shivetsu nani.

MATTHEW 19:21

Jisu no pa vilo, “Nono shikupulu nishi aye wulo eno nono aghikeu kumtsu jeve puzu pisa pesu kumlhomiqo tsuvelo, eno kungughalo okini aniake; tishieno ighi puzu ipapelo.”

MATTHEW 6:20

Ikemu kungughalo nongu kini pekikelo, kughengu tileye apila ngo ayisano tsapuhave mlae eno kupkamino hephopiniyi ilo pukapuwuve mlae.

Luke 12:21

Kishekhaghi Jisu no pi, “Timi lakhino alikhi asala akini pekutsu lupaghi namu Alhou kudauye kumu kuha aye titoive nani.”

Luke 12:33

Okuakini jelo eno kumlhomi tsulo, eno pepuha mlakeu pisabolo kikelo eno kungughalo khilemu pekhave mlakepu nongu kini kikelo, kughengu tileye kupkamino mu pukaluve mla eno apulano mu tsapili mla.

Luke 12:39

Eno hi kumsulu lone! Aki mpiuno kupukami kughono ighini keno ithi ake aye akupukau pelo pa ki hepho ilo pemo nani.

Luke 18:22

Jisu no kughou hi chilu keno, pa vilo pi: “Noye itaghi avehu lakhi shikepushi aphie. Okua kumtsu jevelo eno jelukeu pe kumlhomi kijeve tsulo eno noye kungughalo akini khuki aniake; tishieno noye ighi puzu ipapelo.”

Luke 18:24

Jisu no paye amlo sa akeu jupuzu pi, “Kinimi no Alhou yehkipe lo ilolu nike kiutoi kushokutsupu kela!

1 Tim. 6:17

Ayeghi hipaulo kinimiqo vilo qheza kevilopi pilo momu kiu shiveniala mtha aphikeu kini shou pano lajupu bekevilo pilo ikemu alokiqipu shilupeniye thwokha kupukunoshi ningu tsuchekeu Alhou shou lajupu belo pilo.

IBRIMI 13:5

Pisa kimine lono okuxu putosuluvelo eno nono aghikeulo ogakiqishilo. Kughengu Alhou no ishi pipuani, “Niye khilemu oqhivemo nani, niye khilemu ophevemo nani.”