MATTHEW 6:10 - BAIBEL (BSI)

¹⁰ Oyehkipe ighilo, Kungughalo toi ayeghilo ghi opulou shilu pelo.

Sümi Tiqhelimi Bible

¹⁰ O yekipe ighilo, kungugha lo toi ayeghi lo ghí O pulou shilu pelo.

Sumi Naga CL (Re-edited) Bible (BSI)

¹⁰ O yekipe ighilo, kungugha lo toi ayeghi lo ghi O pulou shilo.

MATTHEW 6:10 ပူးပေါင်းရင်းမြစ်များ

NEHEMIA 9:6

Tishieno Israilmino hitoi inikhu: “AMPEU, olikhino AMPEU ke; nono kungugha ngo atsutsulo ayepuqo lhoke. Nono ayeghi ngo azughi eno tipa qolo akeu kumtsu lhoke; nono kumtsu lau akuxupu tsuke. Kungughalo akuka jelino itsaiqi omllake.

LESHELE 2:6

Pano pi, “Ino iwu akimthe toghi Zion shou ikukau qhipe puani.”

LESHELE 40:8

Ogho opulou shinikeuno izukuvuke, O iLhou! Oyezahye imlolo qhi chenike,”

ISAIAH 2:2

Ighinikeu tsalaloye AMPEU chineki shipuku puakeu naghutoye naghuto kutau kumtsu nguno akiqheu lakhi shiluve nani, naghuto kumtsu nguno qhemghaive nani. Ashiayeh kutomono hipaulo qokive ilo nani.

JEREMIYA 23:5

AMPEU no pi, “Akukau shipe nike David tikughuko lomi amikuchomi lakhi ino kishelu nikeu ghuloki wocheni. Akukau tipauye alokutsushi eno kiuno achipiu akuzupu keno tipau aghakhu qhachho ayehpe nani.

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

DANIEL 4:35

Ayeghilo timiqo jukelo ame kuhaghi ithulu acheni, Kungughalo kungumi eno ayeghi lo timi kumtsu pa ghakusu qholo acheni. Khunomu pa mujochile mla, pano kiu shive keno kiu shiye tishi vekea ipi iniju chile mla.

DANIEL 7:13

Kijiliu ino kungunhetsu shi ake ghulokilo, timi ju kimihi lakhi ithulu, khungkusuno kuzuphope puzu ikudau ighi, paye alholo acheghi keu kudau wuno pa zulo ngove.

DANIEL 7:27

Ayeghilo akuka kughushu ajekipi kumtsu kughape Akughushu Lhou wu timiqo tsuve nani. Panongu yehkipe kuka ashekha kuha nani eno ayeghilo kukami kumtsu pa huthu pa gholu nani.”

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

MATTHEW 12:50

Kughengu timi khuuno iPuh kungughalo akeu ghoapulou shini keno tipaqono ithikuzumi, ichelimi eno izake.”

MATTHEW 16:28

Kuchouno ino nongu vilo pini, hile puthugho akemi khamiye Timi Nu no payehkipeqha lono ighikeu ithulumoke kutolo akithi michemo nani”

MATTHEW 26:42

Itaghi, ghuthu akiniu, Jisu no wuno ishi inikhu, “O iPuh, ajukhu hipau ino shomoke loye ikhisuwuvetsu mla kepushi aghi aye, ogho shilo.”

MATTHEW 3:2

“Axine lono Alhou lau xaideighivelo, kughengu Kungugha yehkipeye kupunuvae!” ipi pano pie.

MATTHEW 4:17

Tithiuye Jisu no ishi asheshu, “Axine lono Alhou lau xaide ghivelo; kughengu Kungugha yehkipeye kupunu khoivae!”

MATTHEW 7:21

“Ivilo, ‘Ampeu, Ampeu,’ ipi ikukemi kumtsuno Alhou yehkipelo ilolunike kumoe, ikemu khunoqono iPuh kungughalo akeu pulou shi cheni keno tipaqono ilolu nani.

Mark 11:10

Nipu David kukaqha ighini kuau hu Alhou no kumghatsulo! Kungughalo kuau Alhou shelo!”

Mark 3:35

Khunono Alhou pulou shi cheni keno tipaqono ithikuzumi, ichelimi eno izake.”

Luke 19:11

Tileno Jisu no hipa tsa iniakemi vilo aholetsa lakhi pi. Paye Jerusalem kupunuwo chea eno panonguno kumsu akeuno Alhou yehkipe ipeghi niye kuto ani kughashi ake.

Luke 19:38

Panongu no pi: “Alhou no akukau kumghatsulo, khuuno Ampeu je lono cheni keno! Kungughalo alakishi eno Alhou jekipi shilo!”

Luke 22:42

“Apuo, opuloushi aghi aye ajukhu hipau ilauno pewuve tsulo. Tishimu igho kumoe, ikemu oghou shitsunie.”

John 4:34

Jisu no panongu vilo pi, “Ichuqupuye khuno ipuwukeno tipau gho apulou shinikeuke eno pa kumla shiqhivetsu nikeu ke.

John 6:40

Kughengu iPuh ghopulouye hike: khunono Anu ithulu puzu pa pulubelu nikeno lhokta kuxupu apeniyeke; eno ashekha tsalalo akuxupushi ino pa xuputhu nani.”

John 7:17

Khunono Alhou pulou shini shikeno tipanono ino kutsukeuye Alhou launo keo momu ilikhi ilotsu lono piani keno ithi nani.

Apostolmi 13:22

Alhou no pa ikhive kethiu, David xaqhe pesu panongu kukau shipe. Alhou no David ghili ishi ashepe shi, ‘Ino Jese nu David phuluvae, paye imlo kuchumi eno pano igho ipulou kumtsu shi nani.’

Apostolmi 21:14

Ninguno pa hakhaju puhaveno, “Ampeu pulou shipeniae” ipi puzu kiumu pimlave.

Apostolmi 22:14

Ikelo Anania no ishi pi, ‘Nipu asu Lhou no okothaphelu puzu pa pulou ithilupe, Amikuchomi hu ithulupe eno pa ampino putsakeu chilu ishi peke.

Rommi 12:2

Hipa yeghilomi ghola hakevilo ikemu nongu kukumsu shikithelukeu vechewo nongu lolo pekililulo. Tishiluaye Alhou pulouye kiuno akivipu, kiuno pano ikhilu kuzupu eno kupukulu keno nonguno ithi kututa shilu nani.

Ephesiami 6:6

Timi lokiqipu shichekemi toi nongu shou ampemi nhekithelo likhino shikevilo ikemu Khristo qemi kehu amlo kuchopuno Alhou pulou kiukeno tipau shilo.

Kolosiami 1:13

Kughengu pano akuzuno qhasupe akeu lono ningu xapheluke eno Anu pano qhuyivulai chekeu yehkipe qholo ningu sasu ighike,

Kolosiami 1:9

Ikehu ninguno tipau chiluke tsala lono ningu ghi tamono nongu ghenguno inikhutsu ani. Alhou pulou kighithi eno tipau ithikuthulu kepushi Aghungu no tsukeu lokutsu pesu nongu lolo sutsupe nike ninguno inikhutsu anike.

1 Thes. 4:3

Kughengu Alhou pulouye nongu shikimthe apenishi ike nonguye kiptimi totimi dolo mithemokeu lono suchileluvelo.

1 Thes. 5:18

kiukiu sholu aghinamu shikimthi alo, kughengu nonguno Jisu Khristo lono xuchekeulo Alhou pulouye nongu ghenguno hipauke.

IBRIMI 1:14

Tishiaye, kungumiye Alhou ghini shichekemi qoke eno pano tipaqo puwu puzu xakulupu ithuluniye akemiqo kuphu chenipeke.

IBRIMI 10:36

Nonguno Alhou pulou shilu kepushi eno pano piqhipuakeu ithulu kepushi nonguye kutuu keu avehupu shiani.

IBRIMI 10:7

Tileno ino ishipi, ‘O Alhou, Ayezah likukuzukakulo ighenguno kiu yehpe puani keno titoi opulou shinike, ni hi anie.’ ”

IBRIMI 13:21

pa pelo thwokha kivi jeli pesu nongu tsupuzu pa pulou shilupeniu, eno pano Jisu Khristo vechewo pa lokiqipushi nilolo shilupeniu; alhokupuju lono alhokupuju ghenguno pa lau akimthejekipi achepelo! Amen.

1 Peter 2:15

Kughengu nonguno achipiu shikeu huno mbomzumi yekumtha hasuve penikeuno Alhou pulouke.

1 Peter 4:2

Tishianguno ayeghilo kuxu hipau xuake thaqhulo ashiajino ngosukumla lono xumono Alhou pulou lono xuwuveniyeke.

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”

Piyeküsü 12:10

Tileno kungughalo asutsa kuloghi lakhi ishi pikeu ino chilu, “Itehiye Alhou wu xakulupu kuka eno pa kukaqha ighivae! Itehiye pawu Mesiya kuka kumto ighivae! Kughengu Alhou zulo puthugho puzu putho pucho nithikuzumi lhoksa pesu ngukuchekeu huye kungugha lono halephevae.

Piyeküsü 19:6

Tileno timi aqokitikhi ghugha hutoikeu, azuphapha kuloghino igha akeu ghugha toikeu, tsutsukusu toikeu sutsano ishi pikeu ino chilu: “Alhou sheqhelo! Kughengu Ampeu, niLhou Akumtouye Akukau ke!

Piyeküsü 20:4

Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.