MATTHEW 5:5 - BAIBEL (BSI)

⁵ “Akumtsha-akughuvumi kumghae, kughengu Alhou no tsuniepi puakeu mheghi panoqono ithulu nani!

Sümi Tiqhelimi Bible

⁵ Ivünhei kemiqo kümghae kughengu panongu no ayeghi lo mheghi ighílu nani.

Sumi Naga CL (Re-edited) Bible (BSI)

⁵ “Mtshaivü kemi kümghapue, kughengu panongu no ayeghi mheghi ighilu nani.

MATTHEW 5:5 ပူးပေါင်းရင်းမြစ်များ

LESHELE 147:6

Pano aqhokighemi tuqhepuku cheni, ikemu kixikilami ayeghilo chundave cheni.

LESHELE 149:4

AMPEU no pawu timiqo launo azu kuvu shicheni; pano tokulupu pesu aqhokighemi gihu cheni.

LESHELE 22:26

Kumlhomino aghakiqishi chulu nani, Khunono AMPEU lau ighini keno pa mllalu nani. Panongu pelo alhokupuju kinikulu shilupeniu!

LESHELE 25:13

Panonguye pulhapuju kinikulu shi nani eno pano tianulino ayeghi pighimi shiluve nani.

LESHELE 25:9

Pano ala achipiulo aqhokighemi sawu cheni, eno panoqo vilo pa laghi shika piye cheni.

LESHELE 37:11

Aqhokighemino aki alu pighilu nani eno kinikulu ngo iqu-ghayikeu kuxulo alokivi shi nani.

LESHELE 37:22

AMPEU no kumghatsu kemino aki alu pighiluve nani, ikemu pano ghushovekemiye hapheve nani.

LESHELE 37:29

Amikuchomino aki-alu pighiluve nani eno tipaulo pulhapuju xu ache nani.

LESHELE 37:34

AMPEU lau kheakulu shilo eno pa la zusu wulo; eno pano opelo aki alu pighilu penike oxaqhe nani.

LESHELE 37:9

Khunono AMPEU pukhu cheni keno tipanoye aki alu pighiluve cheni, kughengu kixikilamiye hapheve nani.

LESHELE 69:32

Nedaqodape akeqono hipau ithulu kelo alovi nani; Alhou mlla chekemiye hino shikumtolu nani.

ISAIAH 11:4

Paye anhethino ithukulu likhi lono kughathamo nani, momu chikulu lo likhino xathabe mo nani; pano kumlhomiqo ghenguno achipiu lono kughatha nani; eno ichhe imechekemi chipiu phujutsu nani. Pano ahza tsukelo timi ghimeqhive nani, eno kixikilamiye pa tuthu kishe lono pithive nani.

ISAIAH 29:19

Kumlhomi ngo aqhokighemiye AMPEU Israil Lhou akimtheuno tsukeu lokivi itaghi ghuthu lakhiye phulu nani.

ISAIAH 60:21

Nowu timi kumtsuno kiuno achipikeno tipau shi nani, eno alhokupujulo ayeghi pighiluve nani. Ino panoqo shosuke, ino panoqo lhoke, timi kumtsu vilo ikughushu piyeniyeke.

ISAIAH 61:1

AMPEU Alhou Ghungu ishou ani. Pano ikishelu eno kumlhomi lau sutsakivi sughi penike ipuwuke, amlo itajumughuyi akemi shipivi peniyeke, Tshusawuvekemi kuqhophekeu eno akughukilo akemi khaqhi phekeu kutughu peniyeke.

ZEFANIA 2:3

Nongu akumtshami ayeghilo akemi khunoqo AMPEU zahkutsu peluche kemi keno kumtsu pa lau ideighivelo. Kiuno achipi keno tipau shilo eno AMPEU zulo nolikhi nongu kughape aqhokigheu shilo. Ishiake AMPEU no pa loghu pepheke tsalalo nonguye aghime lono poluve luvike.

AKIKIHI 12:3

(Muse ye akumtsami lakhi, ayeghilomi kumtsu nguno ivunhei kemike.)

MATTHEW 11:29

Iwu kuwokhasu ikhilu no ti pepulo eno ilauno shikalulo, kughengu niye amlo kumtsha kughuvumi eno aqhokighemike; eno nonguye akulhokiqi phulu nani.

MATTHEW 21:5

“Zion phughi vilo pilo: Julo, okukau olau cheni, Paye ivunheyikemi eno gadaha lakhi shouno cheni, Paye gadaha ti lakhi shouno cheni.”

Rommi 4:13

Alhou no Abraham ngo pa laghaqo vilo ayeghiqhaye panongu wu shinikeu piqhi. Hi piqhikeuye Abraham no Ayezah papeluke ghenguno kumoe ikemu pano akupulu akeu vechewo Alhou no achipikaluvae pi ikhilukeu lono ke.

Galatiami 5:23

mtsha-ivukeu eno kusuqhikulu. Hitoikeqo shou ayezah kumu kuhae.

Ephesiami 4:2

Akumtsha kughuvu shilo, ivunhei xulo, pulhapuju kutuo kutuulo, lakhino lakhi lau kusuqhikulu lono kikimiye piyelo.

Kolosiami 3:12

Alhou no nongu kimiyeno, pawu shipenike kisheluvekemi akehu, kimiyeqhiyikeu, kutami kupukeu, akumtsha, akughuvu eno kutuukulu pepulo.

1 Tim. 6:11

Ikemu, no Alhou timi, noye hipaqo kumtsu phevelo. Noye amikuchou, Alhou lau amlo tsukeu, akupulu, kikimiye, kutuukulu eno akumtshano okimiji shilo.

2 Tim. 2:25

eno pa mujochekemi lau shikithetsu kelo agholauno shimasae. Ishiake Alhou no tipaqo pelo amlo xaidelupeno kuchou ithi peluvi.

Titus 3:2

Timi xishikevi, mutomushuyi kiyikevi, ikemu timi kumtsu lau iquneyi shipuzu akumtshakughuvu shilo pilo.

James 1:21

Tighenguno aphi kumqhupu eno kusakugha suqesuli kumtsu pevelo eno akuchuniu shipuzu khikhi nongu xakulupu tsa Alhou no nongu lolo xusu puatsuakeno tipau ikhilulo.

James 3:13

Nongu gholo alokutsumi eno ithikututa shilukemi ani kesha? Timi tipauye pa kuxu akivishi xukeu vechewo mtsha-ivukeu lokutsu lono pa kumla pephepiyelo.

1 Peter 3:15

Ikemu nongu mlolo Khristo sukumsa qhilo eno paye Ampeu kepi gihulo. Nongu lolo lajupu akeu lhepiyelopi khualano nongu vilo iniju aye tipau khochile kepushi pulhapuju kutokupuyi pesu alo, tishimu akumtsha lono eno Alhou sumsakeu nongu mlolo xapughi tishilo.

1 Peter 3:4

Ikemu nongu jukiviye nongu lolo kuchou mlo xapulo,iquneyi eno ivunheyi keu pesu khilemu idivemo keu jukivi shipelo, Alhou zuloye hino ighono amekusho chike.