MATTHEW 5:18 - BAIBEL (BSI)

¹⁸ Kughengu kuchouno ino nongu vilo pini, atsutsu eno ayeghi haumoke kutolo Ayezah lo chosupuakeu momu hetha puakeu thwokha kumtsu shi kishekha moke kutolo lakhimu hauvemo nani.

Sümi Tiqhelimi Bible

¹⁸ Kuchou no I no nongu vilo pìní, Moses yeza lo atsathi aghulou eno choküsü akeu ayeza kümtsü shikupuve moke kutólo, kungugha eno ayeghi ye hauvemo nani.

Sumi Naga CL (Re-edited) Bible (BSI)

¹⁸ Kughengu mtsüqheino I no nongu vilo piani, atsütsü eno ayeghi no hauve moke kutolo, Ayezah lo kiyethi akulotiu, momu choküsü lakhimu shikupu khamoke kutolo hauvemo nani.

MATTHEW 5:18 ပူးပေါင်းရင်းမြစ်များ

LESHELE 102:26

Tipaqoye hauve nani, ikemu noye ache nani; panoqoye aphimini toi aqa shive nani. Nono aphimini toi tipaqo peve nani. eno panoqoye hauve nani.

LESHELE 111:8

Tipaqoye pulhapujulo ache nani; tipaqoye kuchou eno amikucho lono tsuke.

LESHELE 119:152

Khaghino niye okukutsu shikalu vea; nono tipaqo pelo alhokupujulo achenipeke.

ISAIAH 40:8

Atsunino ighuive cheni, axamununo thibuive cheni, ikemu niLhou tsaye alhokupuju ache nani.”

ISAIAH 44:26

Ikemu kughou iqeuno asheazu tsa pini keno, kughono ino aghinimi puwu no ikukughu lhepiye peni keno, akukughu tipaqo eno ashe-azu tsa tipaqo ino kuchou lono shiche nipeke. Jerusalem lo timiqo kughuna kithe nani kepi ino pike, eno Judia lo aphughiqo shipuku kithe nani kepi pike. Aphughi hupaqoye ixapinyive keu lono ithughive nani.

ISAIAH 51:6

Atsutsulo jupukulo, ayeghilo jupi qilo! atsutsuye amichhi toi hailove nani; ayeghiye aphimini toi aqashive nani, eno tile timi akeqoye amiyi toi thikhave nani. Ikemu xaphekulu ino pechekeuye alhokupujulo ache nani; ino tolukeu no ashekhauke.

MATTHEW 10:15

Kuchouno ino nongu vilo pini, kughakutha tsalalo Alhou ye tipano ghami nguno alau Sodom ngo Gomora shou kimiyeqhiyi keu akijeu shi nani|

MATTHEW 10:23

Kughou timino taun lakhi lono nongu shikimighiqhini keno kutau lakhilo koha povelo. Kuchouno ino nongu vilo pini, nonguno Israil lo taun kumtsulo wukhamla aphi lono Timi Nu ye ighive nani.

MATTHEW 10:42

Ino nongu vilo pini, ikhopemi gholo akutulau shi anamu paye ikhopemi keke ipi puzu khuno azukumko ajukhu lakhimu yekepu tsuni keno mtsuqheyino pa saxuye khilemu puhavemo nani.”

MATTHEW 11:11

Kuchouno ino nongu vilo pini, totimino punuke gholo timi khumu Johan Baptist qhemi kije ipeghi mphi, ikeghi Kungugha yehkipe qholoye kumtsu nguno akitilauno panguno akijeue.

MATTHEW 13:17

Kuchouno ino nongu vilo pini, tungkupumi kutomono nonguno kiu ithulu ani keno tipau ithulu nishiqhiyi acheke, ikemu ti ithumlave eno nonguno chiluakeu chilu nishiqhiyi ache, ikemu ti chimlave.

MATTHEW 16:28

Kuchouno ino nongu vilo pini, hile puthugho akemi khamiye Timi Nu no payehkipeqha lono ighikeu ithulumoke kutolo akithi michemo nani”

MATTHEW 17:20

Pano panongu vilo ishi khochile, “Hiye kutaulo kumono nongu kupulu mikhelo kehue. Kughengu kuchouno ino nongu vilo pini, nonguno aghanethi pahi likhimu akupulu aghi aye, nonguno naghuto hipau vilo, ‘Hileno hulau iqewuvelo’ ipi kelo, tino iqewuve nani. Nonguno shimlakeu kiumu kuha nani.

MATTHEW 18:18

“Kuchouno ino nongu vilo pini, nonguno ayeghilo kiu tsughani keno kungughalo ghi tsugha nani eno nonguno ayeghilo kiu kuqhoni keno kungughalo ghi kuqhove nani.

MATTHEW 18:3

pano ishi pi: “Kuchouno ino nongu vilo pini, nonguno akuxu kililu puzu itimi hutoi shilumoke thaqhuloye nonguye Kungugha yehkipe qholo ilomla nani.

MATTHEW 19:23

Tileno Jisu no pa khopemi vilo pi: “Kuchouno ino nongu vilo pini, kinimi lakhino Kungugha yehkipelo ilolu nikeu kushokutsue.

MATTHEW 19:28

Jisu no panoqo vilo pi, “Kuchouno ino nongu vilo pini, kughou Timi Nu no ighini chekeu yeghiqhalo pa kimthe-jukuvu lakhulo iqani keno, nongu ipapechekemiqo ghi alakhu chighikinilo iqa puzu Israil shiayeh chighikini shou kughathakeu shi nani.

MATTHEW 21:21

Jisu no ishi panoqo khochile, “Kuchouno ino nongu vilo pini, nonguno akupulu aghi puzu amlolo lipikeu kuha aye, khughubo shou kiu shivekeno nonguye tipau shilu nani, eno tilikhi kumo puzu nonguno naghuto hipau vilo, ‘Iqesusu azughilo ilulovelo’ ipi kelomu tishivetsu nani.

MATTHEW 21:31

Hipama dolo khikhiuno apuh pulou shitsu kya?” “Akichiuno” ipi panonguno khochile. Tileno Jisu no panoqo vilo ishipi, “Kuchouno ino nongu vilo pini, asuqha kuqhami eno kutuqhalimino nongu zuuno Alhou yehkipe qholo ilolu anie.”

MATTHEW 23:36

Kuchouno ino nongu vilo pini, itodolo akemiqo shou hipaqo kumtsu lame aghime ikughi nani!”

MATTHEW 24:2

Panongu vilo pano ishi pitsu, “Nonguye hipaqo kumtsu ithulu ani kema? Kuchouno ino nongu vilo pini, hile atu lakhimu lakhi shou bepe ngo move nani, hipaqo kumtsu tule qhive nani.”

MATTHEW 24:47

Kuchouno ino nongu vilo pini, pa mipeuno aqeu tipau pelo akuakini kumtsu pa lau kulhuqhive tsu nani.

MATTHEW 25:12

Ikemu kulapuuno ishi khochileve, ‘Kuchouno niye nongu mthae.’

MATTHEW 25:40

Akukau huno ishi panoqo khochile nani, ‘Kuchouno ino nongu vilo pini, nonguno ithikuzumi hipaqo gholo akitilau lau kiu shitsu keno nonguye ilau shitsuake.’ ”

MATTHEW 25:45

Tileno panoqo vilo pano ishipi nani,’Kuchouno ino nongu vilo pini, nonguno hipaqo gholo akitilau lau shitsumovekeu hu, nonguye ti ilau shitsumoveke.’

MATTHEW 5:26

Kuchouno ino nongu vilo pini, oshou asuchukeu pisa akuhu kutolo tsukhamphi loye noye tile auve nani.”

MATTHEW 6:16

“Kughou nonguno kumvuni keno, kuhakughami toi agi kuzu piye kevilo, kughengu panoqono agi thibuyi pesu kutami pelo panonguye kumvu anikenapi ithulupe niye shi cheni. Kuchouno ino nongu vilo pini, panonguye panoqo jume ithuluvae.

MATTHEW 6:2

“Ikehu kughou timino kiuala avehupu shi aghikelo nono tsu keu pesu ojekipi shikevilo, tiye kuhakughamino Sinagog lo eno alaghila lono tishi cheni, tiye timi pelo panoqo sheqhe peniyeke. Kuchouno ino nongu vilo pini, panonguye pano jume ithuluvae.

MATTHEW 8:10

Jisu no hipatsa chilu puzu akichiqhive, eno pa papechekemi vilo pi, “Kuchouno ino nongu vilo pini, Israilmi gholomu akupulu hitoi keu niye phumla aphie.

Mark 10:15

Kuchouno ino nongu vilo pi ani, khunono itimi lakhi toi shieno Alhou pelo pa shou akukau shipemoni keno paye Alhou yehkipelo ilomla nani.

Mark 10:29

Jisu no pi, “Kuchouno ino nongu vilo pini timi khuuno ighenguno eno alokivipu sutsa ghenguno chepu-cheli, apu-aza,ati-anuli momu aki-alu pheveni keno,

Mark 11:23

Kuchouno ino nongu vilo pini, nongu khuno naghuto hipau vilo, ‘Iqesu azughilo ilu lovelo’ ipinikeno, omlolo lipi mono tiye shikupu nani putsakepi pulu aye oghenguno ti shivetsu nani.

Mark 12:43

Jisu no pa khopemi ku kutsu puzu pi, “Kuchouno ino nongu vilo pini, topu chimemi hipauno qhasutsu akemi kumtsu nguno alau suvetsuae.

Mark 13:30

Kuchouno ino nongu vilo pini, hipau tiqhelimi thimphi lono hipaqo thwokha shikupu nani.

Mark 14:18

Panongu iqano chuakelo Jisu no ishi pi, “Kuchouno ino nongu vilo pini, nongu gholo milakhino ikughape thechu shive nani, igholo chuakemi lakhinoke.”

Mark 14:25

Kuchouno ino nongu vilo pini, Alhou yehkipe lono atsayiji akitheshi shonike tsala kutolo niye itaghi khilemu hi shomo nani.”

Mark 14:30

Jisu no Pitor vilo pi, “Kuchouno ino ovilo pini, itiji awuduno ghuthu akiniu ighamphi lono noye ghuthu kuthu imthakepi pi nani.”

Mark 14:9

Kuchouno ino nongu vilo pini, ayeghiqha kuchopulo khilekhilemu lokivipu-tsa pesu asheshu kelo li kumsumamokeu shighi lino kiu shitsukeno tipau piwo nani.”

Mark 3:28

“Kuchouno ino nongu vilo pini, timi xineqo kumtsu eno panonguno kixikila tsa piqhi puaghikeu kumtsu pevetsu kulupu shi nani.

Mark 6:11

Nonguno aphu lakhilo ighi kelo timino nongu sasumo aye momu nongu tsa initsumo aye tileno wuvelo eno panongu shou thopiu shipe nike nongu pukhulo ayeghimukhu dalukeu kukhuqhivelo.”

Mark 8:12

Jisu no amlo ghujulo tuthu kishe toi pa tuthu sheno pi,”Kushiye hipa tiqhelimi qoye amchipu phucheni kya? Kuchouno ino nongu vilo pini, hipa tiqhelimi lau amchipu tsumo nani”. Tishino paye panoqo launo cheve eno ashukalo ilono azughi kathasu tuxau ikuve.

Mark 9:1

Jisu no panoqo vilo pi: “Kucho-kuchono ino nongu vilo pini, hilehi puthugho akemi gholo khamiye Alhou yehkipe akuka kumto ighikeu ithumlake kutolo thimo nani.”

Mark 9:41

Kuchouno ino nongu vilo pini, nonguye Khristo timiqoke ipi puzu timi khunono azu ajukhu lakhimu nongu piye keno paye asaxu ithuluni putsae.

Luke 11:51

hi Abel ghiqhi kelono wo Zakharia khuu akumllagho kipiti khache ngo akimthe-a kuma dolono ghiqhive keu kutolo jih hipau tiqheli shou ikughipe nani.

Luke 12:37

Aqemi khunoqono ampiuno ighikelo zuida ithu tsukhuyi aghikemiqo kumghae. Ino nongu vilo pini, ampiuno chighiche khapu puzu pano panongu kughuqano panongu loji nani.

Luke 13:35

Julo, nongu kibo kumtsu phevae. Ino nongu vilo pini, nonguno, ‘Ampeu je lono ighikeu Alhou no pa kumghatsu peni,’ ipi pimoke kutolo nonguye ni ithulumo nani.”

Luke 16:17

Ikemu Muse no sughikeu zahkutsu lo chosukeu aghuloumu adou shive nike nguno alau atsutsu eno ayeghi puhavekeuno mlalei keu.

Luke 18:17

Kuchouno ino nongu vilo pini, khunono itimi lakhi toi Alhou yehkipe salumo nikeno tile ilomla nani.”

Luke 18:29

Jisu no panongu vilo pi, “khunono Alhou yehkipe ghenguno akibo momu atianuli qhiveni keno,

Luke 23:43

Jisu no pa vilo pi: “Ino ovilo hi piani, ishi tsala lono noye igholo kungughalo aniae.”

Luke 4:24

Pano pi: “Kuchouno ino nongu vilo pini, tungkupmi lakhiye pano phuyina loye pa ikhilu chemoe.

John 1:51

Pano pa vilo pi, “Ino kuchouno nongu vilo pini, kungugha khaqhive puzu Alhou wu kungumino Timi Nu shou ikuju eno iqiju akeu nonguno ithulu nani.”

John 10:1

“Kuchouno ino nongu vilo pini, timi khuuno ahukikha vechesu bherikilo ilomono ala kutauno zumilisu iloghini keno paye kupukami eno suxakulumi lakhie.

John 10:7

Jisu no itaghi panoqo vilo pi, “Kuchouno ino nongu vilo pini: Niye bheriqo ghenguno ahukikha ke.

John 12:24

Kuchouno ino nongu vilo pini, athi lothi lakhiye ayeghilo ikiqi ilono thive moke thaqhuloye tilikhi patho acheni; ikemu tipauno thive aye alothi kutomo pithilu cheni.

John 13:16

Kuchouno ino nongu vilo pini, aquaxemi lakhiye pampeu nguno akijeu kumoe; momu aghinikishimi lakhiye pa puwuakeu nguno akijeu kumoe.

John 13:38

Jisu no khochile, “Noye kuchouno ighenguno okuxu pephetsuluni kesha? Kuchouno ino ovilo pini, awuduno ighanike zulo ghuthu kuthu kutolo noye imthae pinani.”

John 14:12

Kuchouno ino nongu vilo pini, khunono ipuluni keno paye ino mlakeu kumla ghi mlalu nani, eno ino Apu lau wuniake ghenguno paye hipaqo kumla nguno akumla kije mlalukha nani.

John 16:20

Kuchouno ino nongu vilo pini: Nonguye igha qah nani ikemu ayeghiqhano alokivi shi anani; nonguye amloksa shi nani ikemu nongu mlokusa hu alokivipu shive nani.

John 16:23

Tipa tsala ighi kelo nonguye ivilo kiumu khumo nani. Kuchouno ino nongu vilo pini, “nonguno ije lono Apu vilo kiu-kiu khuni keno pano tipau nongu tsu nani.

John 21:18

Kuchouno ino ovilo pini, kughou nono apumi shichekeno olikhi ophi chighiche khapuche eno nono khilehi puloni keno tilehi wuche; ikemu kughou nono muchomi shiveni keno, noye o-u chhope ngo puzu kutamino chighiche okhapipe nani, eno nono khile pulomo keno tilehi oxapuwu nani.”

John 3:11

Kuchouno ino ovilo pini, nino kiu ithi ani keno tipau picheni eno nino kiu michiluvea keno tipau ashepe shitsu cheni, ikemu nonguno nino ashepe shitsukeu ikhilumoe.

John 3:3

Jisu no pa khochile, “Kuchouno ino ovilo pini, timi khukhumu punu kithemo keloye Alhou yehkipe ithumlae.”

John 3:5

Jisu no pa khochile, “Kuchouno ino ovilo pini, timi khukhumu azu eno Aghungu Kimthe lono punu kithemo keloye Alhou yehkipelo ilomlae.

John 5:19

Jisu no panoqo khochile: “Kuchouno ino nongu vilo pini, Anu ye pa kutoshiye kiumu shimlae,papuhno shiaghikeu pano kiu ithulu nikeno ti likhi pano shi cheni. Apuh no kiukiu shini keno Anu ghi tishi cheni.

John 6:26

Jisu no panongu khochile, “Kuchouno ino nongu vilo pini: Nonguye amchipu kumla ithuluke ghenguno kumo puzu nongu ghakiqishi asho chuluke ghenguno iphu cheni.

John 6:32

Tileno Jisu no panoqo vilo pi, “Kuchouno ino nongu vilo pini: Muse no kungugha lono asho nongu tsuke kumoe, iPuh no kungugha lono kuchou sho nongu tsue.

John 6:47

Kuchouno ino nongu vilo pini: timi khuno pulu ani keno lhokta kuxupu ani.

John 6:53

Jisu no panoqo khochile, “Kuchouno ino nongu vilo pini: nonguno Timi Nu shi aji chumo eno shomo aye nonguye nongu lolo akuxupu kuha nanie.

John 8:34

Jisu no panoqo vilo pi, “Kuchouno ino nongu vilo pini, khuuno axine shini keno paye axine quaxemi lakhi.

John 8:51

Kuchouno ino nongu vilo pini, timi khunono itsa peluni keno paye khilemu thimo nani.”

John 8:58

Jisu no pi, “Kuchouno ino nongu vilo pini, Abraham zuuno niye aighivae.”

1 Peter 1:25

Ikemu Ampeu tsaye alhokupuju acheni.” Atsa tipauye nongu lau Atsakiviu khikhi pikulha keno tike.

Piyeküsü 20:11

Tileno ino akuka lakhu akuloghi lakhi metsughoikeu eno tipau shou iqa akeu ngo ishi ithulu. Ayeghi ngo kungugha pa zulono yeuveno ithumlave.