MATTHEW 5:16 - BAIBEL (BSI)

¹⁶ Titoi timi zulo nongu kuvu yevuqai masae, tishianguno panonguno nongu kumla kivi ithulu no nongu paPuh kungughalo akeu akishe tsu nani.

Sümi Tiqhelimi Bible

¹⁶ Tihutoi, nongu küvü kütami zülo yepüvü lo, tishianguno panongu no O kümlà kiviqo ithulu no O pù kungugha lo akeu je süqhe tsü nani ke.

Sumi Naga CL (Re-edited) Bible (BSI)

¹⁶ Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

MATTHEW 5:16 ပူးပေါင်းရင်းမြစ်များ

IPEKULU 34:35

eno pagiye yevuqai akeu panonguno ithulu che. Tighenguno pano akiniu AMPEU putsawu moke kutolo itaghi aphi pesu pagi nhapu kitheluve cheke.

AHOLE 4:18

Amikuchomino izuchekeu laghiye tsukinhe ipeche ke toike, atsala ipeghimoke kutolo vuqai kithe eno vuqai kithe acheni.

ISAIAH 58:8

“Tileno inaqhe tsukinhe toi imlo kiqi nongu shou yepuvutsu nani eno nongu ghuzapiyi itheno vive nani. Niye nongu xalunike pulhapuju nongu gholo anani; ijukuvuno sukumxa kumtsu ngono nongu susho nani.

ISAIAH 61:3

Zion lo muloqa akemi vilo amlo ghime thelilo alokivi eno aloino keu tsupeniyeke, amloksa thelilo sheqhekeu le tsupeniye ke. Panonguye AMPEU ampino shosu keu subo toive nani. Panongu kumtsu kiuno achipi keno tipau shi nani, eno Alhou no kiu shitsukeno tipaqo ghenguno pa sheqhe nani.

MATTHEW 23:5

Panonguno mlakeu kumtsu timi pelo ithulupeniye mla cheni. Panonguno akishelo ngo aumlolo kuchoyesu-tsa lothi pukeu bohu kije shikithe cheni eno panoqo phishe chijeboboyi shikithe cheni.

MATTHEW 23:9

Nonguye ayeghilo khuu vilomu ‘Apu’ ipi kukepu kumoe, kughengu nonguye kungughalo akeu Apuh lakhi anike.

MATTHEW 5:45

tishianguno nonguye nongu paPuh kungughalo akeu nuliqo shilu nani. Kughengu pano pawu tsukinhe pelo alhoksami ngo akivimi shou aphiphi shi tsunipe cheni.

MATTHEW 6:16

“Kughou nonguno kumvuni keno, kuhakughami toi agi kuzu piye kevilo, kughengu panoqono agi thibuyi pesu kutami pelo panonguye kumvu anikenapi ithulupe niye shi cheni. Kuchouno ino nongu vilo pini, panonguye panoqo jume ithuluvae.

MATTHEW 6:9

Tishiaye hitoi inikhulo; O niPuh kungughalo kuau, Oje akimtheshi pelu pelo,

MATTHEW 9:8

Timiqono ti ithulu kelo panonguye msave eno Alhou no hitoi keu kuka timi tsukeu ghenguno Alhou sheqhetsue.

Luke 11:2

Jisu no panongu vilo pi, “Hitoi akighini shilo: ‘Apu, Oje akimthe shi qhilu pelo, Oyehkipe ighilu pelo.

John 15:8

Nonguno axathi kutomo pithikeuno iPu jukuvupu shitsulu acheni; eno tishikeuno nonguye ino kutsuluvekemi shilu nani.

Apostolmi 9:36

Jopa lo akukutsu papeluvekemi totimi lakhi ae, lije ye Tabitha. (Grik tsalo li jeye Dorka, tipau kiqiye “Ashe”). Lino akivi kumla eno kumlhomi kimiye-kinilo no ado peveche.

1 Kor. 14:25

eno pa mlolo tuqho tughou akeu lhapheve nani, eno pa gi pishiqhope Alhou mllano ishi piphe nani, “Kuchouno Alhou ye nongu gholo anie!”

2 Kor. 9:13

Nonguno hipakumla shikeu huno nongu kupulu mutsumisheyi shitsu ani kehu nonguno Khristo tsakiviu gholu keu ghenguno eno kumtsu sasu pofushi kusajekeu ghenguno timi kutomono Alhou lau akimthe jukuvupu tsu nani.

Galatiami 1:24

Ike ino tishilukeu ghenguno panonguno Alhou she ani.

Ephesiami 2:10

Ninguye Alhou ghenguno mlakuqha chekeqoke, eno Khristo Jisu gholono akumla kivi shipeniye pano ningu lhoqhike, ningu pelo tipaqo shipeniye Alhou no puzuuno kutope qhiveke.

Ephesiami 5:8

kughengu ghuthu lakhiye nonguye akuzulo acheke, ikemu Ampeu wu timi shive akehu nonguye akuvulo akemi toi chechelo.

1 Thes. 2:12

Ninguno nongu mlo shikumtotsu, ninguno nongu lokughunotsu eno Alhou no pa yehkipe eno pawu akimthe jekipilo nongu kulukehu pa pulou lono xupenike ninguno nongu hakitecheke.

1 Tim. 2:10

ikemu Alhou lau amlo tsuqhiyi chekemi totimi ghenguno akuzupushi akeuye akumla kivi pepukepue.

1 Tim. 5:10

eno akumla kivi shichekeu ghenguno ajepipi cheghikemi, atianuli akivishi saputhu puaghikemi, inami sasukinimi, Alhou qemi pukhu qhutsuchekemi, shilukusami kuphu chekemi eno thwokhalo akumla kivi shichekemi shiaghi masae.

1 Tim. 5:25

Tihutoi akumla kivi ghi mutsuqheyive cheni, eno mutsuqheyimono aghi namu kusuvemla nani.

1 Tim. 6:18

Kinimiqo vilo akivipu shilopilo eno akumla kivi nibonilei shilopilo, kutami sasu kupukunoshi kusajeni keu kutope alo pilo.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

Titus 2:7

No ampino thwokhalo akumla akughutha kivi shipuzu timi pelo oju pesu xupelo. Okukutsulo mutsumisheyi shilo eno mishisheyi shilo,

Titus 3:14

Nitimiqoye akumla kivipu lono ado peve nikeu ithi pelo eno kuchouno kuhakemi kuphukepu shipelo; eno panonguye avehu kuhakeu kuxu xukepu kumoe.

Titus 3:4

Ikemu kughou Alhou wu iqemokeu kikimiye ngo akivipu hu pephepiye keno,

IBRIMI 10:24

Ninguye kisheno kimiyekileni eno akumla kivi shinikeno lakhino lakhi hakuthonike alokumsu shini nolo.

1 Peter 2:12

Alhou mthakemi gholo ghushoghili akivi shilo, tishianguno panonguno nongu vilo kusakugha kumlami kepi nguku aghinamu pano ighike Tsalalo panonguno nongu kumla kivi ithulu puzu Alhou akishe tsupe nike.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

1 Peter 3:1

Nongu anipunoqoye nongu kimiqo qhoqhu gihulo, tishianguno panoqo gholo Alhou tsa pulumokemi namu nongu ghushoghili lono panoqo zuluvekepu shiluve nani,

1 Peter 3:16

Nongu wu kiviksa lokutsu hu mutsumisheyi shipe pualo tishianguno kutamino nongu ghusho keulo, nonguno Khristo papemike ghenguno khunono nowu ghushoghili kivi hu pipusa nikeno pano tsapino panoqo shikukujove nani.

1 Peter 4:11

Khunono asheshu cheni keno paye Alhou tsa pesu asheshulo, khunono kutami qe cheni keno paye Alhou no tsukeu kumto pesu qelo, tishianguno thwokhalo Jisu Khristo vechewo Alhou kimthe jekipipu shilupenike. Alhokupuju lono alhokupuju kutolo akimthe jukuvu eno ayehkipeqhaye pawuke. Amen.

1 Peter 4:14

Nonguno Khristo timi shiveke ghenguno timino nongu thaigha aye tiye nongu lokivipue; tipau kiqiye Akimthe jukuvupu Ghungu, Alhou Ghungu no nongu shou anike.