MATTHEW 5:12 - BAIBEL (BSI)

¹² Alokiqipushi alovilo, kughengu kungughalo osaxu kije kutope ani. Nongu zuu tungkupumi achekeqo ghi timiqono tihutoi shikimighi cheke.”

Sümi Tiqhelimi Bible

¹² Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi pishi-puju acheke.

Sumi Naga CL (Re-edited) Bible (BSI)

¹² Alovilo eno amlokiqi shialo, kughengu kungugha lo nongu saxü ye kije ani, eno nongu lau shike toi panongu ye nongu züu tungkupmi ghi ghimeqhi püanike.

MATTHEW 5:12 ပူးပေါင်းရင်းမြစ်များ

BOTHUBO 15:1

Hipa tikhau AMPEU tsa kungunhetsu lono Abram lau ighino pi, “Abram, musa kevilo, ino oshokha kulupu zuto ke ino ojume ighono kije shitsuni.”

KUKAMI ATUGHIU 18:13

Jezebel no AMPEU wu tungkupumi heqhi ake ghulokilo ino pano 100 pesu lhopungu nguno amqo kini shino atuki lo kusuvetsuno achuqupu eno azu panongu tsukeu ghili noye chimla kesha?

KUKAMI ATUGHIU 18:4

kughou Jezebel no AMPEU wu tungkupumi heqhi akeno Obadia no pano 100 sasu amqo kini shino atuki lo kusuve eno achuqupu eno azu pesu ighino panongu loji ae).

KUKAMI ATUGHIU 19:2

Lino asutsa lakhi Elija lau puwu: “Nono kiutoi tungkupumi lau mlakeno thoghi tsalalo hipa ghulokilo okuxu ghi panongu toi pithilumo aye alhouqo pelo niu heqhi pithive peniu!”

KUKAMI ATUGHIU 21:20

Kughou Ahab no Elija ithulukeno pano ishipi, “Ighumi, noye iphuluvea nala!” “Iyei, ino okughaluvae,” ipi Elija no khochileve. “AMPEU zulo kiuno achipi kumokeno noye tipaulo ighono amlo tsushe auvae.

KUKAMI ATUGHIU 22:8

Ahab no khochile, “Milakhi aphie, tiye Imla nu Mikaiya aphie. Ikemu niye paju ilochemoe, kughengu paye khilemu ighenguno akivi tungkuptsa pitsu moe; ikemu alhokuthu alhoksa likhi picheni.” “Noye khilemu tishi pikepu kumoe!” pi Jehosafat no pa khochile.

KUKAMI AKINIU 1:9

Tileno pano kijemi lakhi gholo timi lhopungu kuto tsuno Elija saghi lopi pipuwuve. Kuchono akijeu huno Elija ye ato lakhilo iqa aghikeu phuluno ishi pa vilo pi, “Alhou wu timio, akukauno ovilo hilau iqighilopi ahza otsu ani.”

YEKIKITHI AKINIU 16:10

Hipatsa no Asa pelo tungkupu shou amlo idevepe ike pa kughape ayikighi no tshupe qhivepe. Hipa ghuloki lono huthu puzu Asa no timi khami kijipusa thuve.

YEKIKITHI AKINIU 36:16

Ikemu panonguno Alhou ghinikishimi thaigha ke, pa tsa kukuthave tsu eno pawu tungkupmi junuqhi ke. Tishive kehu ashekhalo AMPEU loghu pawu timiqo shou kije ikughive kehu tipau lono pokulupu shimlave.

NEHEMIA 9:26

“Ikemu owu timiqoye ohebide eno ogholumove; panonguye oyezah pe pano thikhau qhive. Panongu vilo olau ideghilo pike ghenguno panongu kutughutsukemi tungkupmi pithivetsu. Panonguno anguno anguno othaighake,

LESHELE 19:11

Tinguno alauno, tipaqono ni oqeu ghutu tsu cheni; tipaqo pelukeulo ajume kije ani.

LESHELE 58:11

Timino ishi pinani, “Kuchouno amikuchomi ghenguno asaxu ani; kuchouno ayeghilo xakuthau Alhou anike.”

AHOLE 11:18

Kixikilamiye ajume ghi pishikiqhi qelu cheni ikemu nono achipiu shiaye asaxu kuchou ithulu nani.

ISAIAH 3:10

Amikuchomiye alokivishi nani eno panoqo ghenguye akivipu shilu nani. Panonguno kiu mlaqhilu keno tipau pepimhe alu nani.

JEREMIYA 2:30

Ino nongu ghimeqhiju kemu kiumu akivipu shimlake; nonguye ipelo nongu achipiulo shikithetsu pemoke. Abongushu loghu toi, nonguno nowu tungkupumi ghiqhiveke.

JEREMIYA 26:8

AMPEU no ivilo pilo pi ahza tsukeu kumtsu ino pitave kemtsa panonguno itsuquluveno ighamuku pi, “Noye hipau ghenguno pithive kepushivae!

JEREMIYA 37:14

Ino khochile keuno, “Tishimo thono! Niye qhive no poveniyeke kumoe.” Ikemu Iriya no itsa initsumono ikughaluve eno kijemiqo lau sawuve.

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

MATTHEW 6:16

“Kughou nonguno kumvuni keno, kuhakughami toi agi kuzu piye kevilo, kughengu panoqono agi thibuyi pesu kutami pelo panonguye kumvu anikenapi ithulupe niye shi cheni. Kuchouno ino nongu vilo pini, panonguye panoqo jume ithuluvae.

Luke 13:34

“O Jerusalem, Jerusalem! Alhou no olau tungkupmi puwukeu pithive, aghinikishimi olau puwu kemi atu pe veqhive! Awuquno achisibo qholo ati vakutsuke toi niye ghuthu kutomo i-u pe owu timiqo vapeni shi cheke ikemu nonguno ipelo tishi pemoe!

Luke 6:23

Kughou tishini keno alokivi shilo eno alovi kelauno ilhelo, kughengu jualo, kungughalo nongu jumeye kije ke. Panongu puasuqo ghi tipaphi shi tungkupmi peitha cheke.

Luke 6:35

Ikemu oghumiu kimiyelo eno pano lau akivi shilo, punalo eno tsuchile penikeu laju kevilo. Tishianguno noye ajume kije anani eno shishe Akiqheu Lhou nuli shilu nani; kughengu paye shikimthimokemi eno kusakughami lau akivi shie.

Apostolmi 16:25

Ikemu zubumtalo Paul ngo Sila pamaye Alhou lau akighini shi, ale phe eno akughumi kutamino pama tsa ini ae.

Apostolmi 5:41

Apostolmino Judami Hoho lono alokivishi cheve, kughengu Jisu je ghenguno shikukujo pekepushi Alhou no panonguye akuzuepi kishelupe kehu.

Rommi 5:3

Tinguno alauno ningu wu shilukusaqo lomu alokvishi acheni,kughengu nino ithi akeuno shiluksano kutuukulushi theqhilukeu iqiphe cheni,

1 Kor. 3:8

Abo shosukeu timi ngo azu pusukeu timi pama dolo kutuqukeu kiumu kuhae, pututano mla-sukeu qhemi pututa jume Alhou launo ithulu nani.

2 Kor. 4:17

Ninguno ghicheghime dolo ikhonhei sholu akeu huye kiunomu pe kimghimlakeu lhokta kimthe jukuvu lakhi saghitsu nani.

FILIPIAMI 1:29

Kughengu Khristo jelono nonguye pulube nikeu likhi kumono pa ghenguno aghime shinikepu dokivi kophepe nongu tsuke.

FILIPIAMI 2:17

Aghakishilo ihji pesu lepuku keuno nongu kupulu Alhou lau tsukulupu shiaye tiye ilokivipu nongu kumtsu sasu kusajelu anike.

Kolosiami 1:24

Nongu ghenguno ino aghime sholukeulo niye itehiye alovi ani. Kughengu iphilo aghime sholuakeu vechewo Khristo no pa phimpi, akukuhou ghenguno aghime shikepushi akeu ino shikuputsu anike.

Kolosiami 3:24

Ampeu launo osaxu shighi nono amheghi ithulu nani kepi kumsululo. Kughengu nono qeakeu Ampeu kuchouye Khristo ke.

1 Thes. 2:15

Judamino Ampeu Jisu eno tungkupmiqo pithive eno ningu hapiyepighiveke, Alhou mlo shipusa eno timi kumtsu ghumi shi ani!

IBRIMI 10:34

Nonguno akughumi sasu imekuqhae eno kughono nongu wu tinhemgha kumtsu sukisheluvetsu keno nongu mlo hauvemono kutuuluveke, kughengu nonguye kuakini akiviu khikhino alhokupuju ache nani keno tipau achephikepi nonguno ithi akehue.

IBRIMI 11:26

Mesiya ghenguno timino pa peitha pusakeulo Ijip yeghilo kua-kini kumtsu nguno amekushou shi kihiluve; kughengu paye ighinikeulo asaxu akeu shou jupuku acheke.

IBRIMI 11:33

Akupulu vechewo panoqoye akukaqha lelue, achipiu xakutha peithatsue eno Alhou no piqhipuakeu kuchou kepi phulu, abongushuu baxa lakhalue,

IBRIMI 11:6

Akupulu kuhakeloye timi khumu Alhou mlo kiqipu shi mlae. Kughengu khunono Alhou lau ighini keno paye Alhou acheni eno pa phusu ighikemiqo pano asaxu tsuchenikepi akupulu aghimasae.

James 1:2

Ithikuzumiqo, kughou nonguno akijikusa jeli sholuni keno tikumtsulo nonguye mughashe ani kepi kumsululo,

James 5:10

Athikuzumiqo, tungkupmi khunoqono Ampeu jelono piche keno panoqo kumsululo eno panonguye kishi aghimeshi kheakulu shi chekeno tipau pesu kichekipiye shilulo.

1 Peter 4:13

Ikemu Khristo ghime sasu kusaje anikepi alovilo, tishianguno pa kimthe jukuvu pephepiye kelo nongu ghi alokivino chhitoi peniyeke.

RUTH 2:12

Nono mulavekeu lo AMPEU pelo olochile peni. Eno Israilmi MPEU Alhou chishibo qholo oshokhalu penike ghengu ighini keulo ojume tsupeni!”