MATTHEW 4:10 - BAIBEL (BSI)

¹⁰ Tile Jisu no pa vilo pi, “Chevelo, Satan! Kuchoyesulo ishi pipuani,’Noye Ampeu oLhou mllalo eno pa qeu likhi shialo!’ ”

Sümi Tiqhelimi Bible

¹⁰ Jisü no pa vilo pi, “I lau no chevelo, Satan! Kughengu ishi yèpüani: ‘Ampeu O Lhou likhi mülá lo eno pa likhi huthu lo.’”

Sumi Naga CL (Re-edited) Bible (BSI)

¹⁰ Tileno Jisü no pa vilo pi, “Chevelo, Satan! Kughengu ishi yepüani, ‘No ye Ampeu o Lhou mlla lo eno pa likhi huthu lo.’”

MATTHEW 4:10 ပူးပေါင်းရင်းမြစ်များ

YEKIKITHI ATUGHIU 21:1

Satan ye Israilmi gholo akupuna sutsu nishi kumsuve, tighenguno pano David pelo timiqo kihiju penikeu pulovepe.

JOB 1:12

AMPEU no Satan vilo pi, “Tishiaye! pano kiu pighi anikeno ti kumtsu oghoshilo, ikemu pa ampi shou o-u be kevilo.” Ike Satan ye Alhou zulono cheve.

JOB 1:6

Kughou kungughami no AMPEU zulo hekutsuwo ngoke tsala ighi keno Satan ghi panongu gholo no ighie.

JOB 2:1

Itaghi kungughami no AMPEU zulo hekutsuwo ngokeu tsala ighi kelo, Satan ghi panongu gholo ighie.

LESHELE 109:6

Kixikila kughakuthami khami kishe puzu ighumi shou kughaju pelo, pa ghumi pelo pa nguku pelo.

IPEKULU 23:25

Nonguno nongu Lhou, AMPEU mlla aye ino achuqupu ngo azu pesu nongu kumghatsuni eno nowu kusukini kumtsu ikhisuwuve tsu nani.

ISAIAH 30:22

Nongu tsandiyino ajulho shikeu ngo shunayi pesu ajulho kuzukeu ikhipesu tubatuzu toi ishi pi-ghi vepuwu peve nani, “Chevelo!”

MATTHEW 16:23

Ikemu Jisu no tsughu ideghi puzu Pitor vilo ishipi, “Satan, ilau no wuvelo! Noye ipuxa anie, kughengu noye Alhou no kumsukeulo kumo puzu timino kumsukeulo kumsupuku pe ani!””

Mark 1:13

Paye timi kughunamoke-alo atsala lhobidi Satan no pa ghujuae. Tughashi ghi tile ae, ikemu kungumino ighieno pa tucho-heju ae.

Luke 10:18

Pano panongu vilo pi, “Tsutsukukulo musu toi kunguu atsutsu lono Satan ikiqikeu ino ithulue.

Luke 11:18

Tihutoi Satan ghi pa likhi pa kijethauve aye pa kukaqha kishi puthugholu nani kya? Kughengu nonguno pikeuno Belzebul no akuka itsukeu pesu tughami haphe cheni ipi ke.

Luke 13:16

Itehi hile Abraham tikughukomi lakhi khuu Satan no ampe chighi tache tshupe puaghike apineni tsala lo li tshupe puakeu lono kuqhophevemo nani kesha?”

Luke 22:3

Tileno Satan no Judas, Iskariot ipi pichekeu lolo ilove. Paye akhopemi chighi kini gholo lakhi.

Luke 22:31

“Simon, Simon, inilo! Satan ye timino athi mu-u fuleveke toi nongu kumtsu pejunikeu khuluvae.

Luke 4:8

Jisu no pa khochile ghi pi: “Kuchoyesulo ishi yepuani, ‘Noye Ampeu oLhou mllalo eno pa likhi huthulo!’ ”

John 13:27

Judas no asho ikhiluve kemtsa Satan no pa lolo ilove. Jisu no pa vilo pi. “Noye mtazu kiu shikepushi ani keno shilo!”

Apostolmi 26:18

Noye panongu nhethi xukhotsu masa eno akuzu lono akuvulo panongu saghilo. Satan kuka lono Alhou lau saghilo, tishianguno panonguno ipulubekeu vechewo panongu xine pevetsu nani eno shikimtheluvemiqo gholo panongu-a phulu nani.”

Apostolmi 5:3

Pitor no pa vilo pi, “Anania, kushiye Satan pelo omlo qhasuluvepe puzu noye Aghungu Kimthe pishiqhi eno olu jekeu lono pisa ithulukeu hami qhipe puave kya?

1 Kor. 5:5

ike timi tipau huye aphi-ashi kutsavepe nike nonguye pa ikhiphepe Satan tsuvelo, tishianguno Ampeu Tsalani pa ghungu xalutsu penike.

1 Kor. 7:5

Nonguno ado peveno kumvu akighini shiniye kihikuthado ghenguno kushomonikeu shi kumtsa pulo kuqha puaghinike kumoaye akimi anipu dolo milikilekeu shikevilo, ikemu itaghi kumtsa ngoluvelo, tishi anguno nonguno alikhi aghasu mlavekeulo Satan no ghujukeulo ilove pemonike.

2 Kor. 11:14

Tile akumza akepu kuhae, kughengu Satan thotsu akuvu akeu kungumi lakhi kena ipi peniye muqumugha shi cheni.

2 Kor. 12:7

Piyekusu akumzapu jeli ipiyekeu pesu ino qhezauve nosake launo iphi ashilo akusupu lakhi supuatsue, tino Satan ghinimi lakhike eno tino iheqhipeniye eno ipelo ihulo qheza pemoniyeke.

2 Kor. 2:11

Tishikeu huye Satan pelo ningu shou alau heqabelu pemonike; kughengu pano ningu shou amqu jeli shichekeu mthake kumoe.

ZAKINIU 10:20

AMPEU nongu Lhou gholulo eno pa likhi mllalo. Pa lau amikucho shi achelo eno pa jelo likhino nowu tushoqhilo.

James 4:7

Tighenguno nonguye Alhou qhoqhululo. Tughami mujochilelo eno paye nongu launo pove nani.

JOSHUA 24:14

Joshua no pikibe ghi pi, “Tishiaye itehiye AMPEU sumsa eno kuchouno pa qelo. Nopu asunoqono Mesopotamia eno Ijip lo mllachekeu lhouqo hu phevelo eno AMPEU likhi qelo.

1 Peter 5:9

Nongu kupululo mutotoi shino pa lakhalo, kughengu ayeghiqha kumtsulo nongu thikuzumi akupulumiqoye aghime hipaphi sholu anike.

SAMUEL ATUGHIU 7:3

Samuel no Israilmi vilo pi, “Tsala nonguno amlo kumtsu suno AMPEU lau xatsughu ighinishi aye, shoinami lhouqo kumtsu eno Astar lhouliu julho kumtsu phevemasa. Nonguye AMPEU lau kumtsu ikhiphe pesu tsuvelo eno pa likhi mllalo, tishi aye pano Filistiyami kuka lono pano nongu xaphe luve nani.”