MATTHEW 3:11 - BAIBEL (BSI)

¹¹ Niye azu pesu nongu baptiz shitsu cheni, tiye nonguye axine lono Alhou lau xaide ghiveapi piyekeu ke, ikemu ithiu milakhi ighini akeuye Aghungu Kimthe eno ami pesu nongu baptiz shitsu nani. Paye inguno shishe akijeue; niye pa pukhu kuqho mu petsu kuzupu kumoe.

Sümi Tiqhelimi Bible

¹¹ “Nongu mlo pebide penike ghenguno ni ye azü pesü nongu baptiz shitsü ani. Ikemu khuu I shelo cheni keno pa ye I nguno akumtou ke, ni ye pa pukhukuqhomu pe küzü kumoe. Pa no Aghungu Kimthe eno ami pesü nongu baptiz shitsü nani.

Sumi Naga CL (Re-edited) Bible (BSI)

¹¹ “Aküxü xaide penike I no azü pesü nongu baptiz shitsüe, ikemu I thiu khuu cheni keno, pa no I nguno akumtou, eno pa pukhukuqho mu ni ye peküzüpu kumoe. Pa no Aghungu Kimthe eno ami pesü nongu baptiz shitsü nani.

MATTHEW 3:11 ပူးပေါင်းရင်းမြစ်များ

ISAIAH 4:4

Pa kuka kumto launo AMPEU no tipa shiayeh shou kughatha eno thakimtheni eno Jerusalem no kuqukeu ngo tilehi ajih kichijivekeu qhuvetsu nani.

ISAIAH 44:3

“Tughuthi akeu yeghi ino azu leqhi tsu nani eno qhaike yeghi shou aghoki qowupe nani. Otianuliqo shou ino ikuka lepuku nani eno olaghamiqo shou ikukumgha lepuku nani.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

MATTHEW 3:6

Timiqono panoqo xine pipheve eno pano panongu Jordan lono baptiz shitsue.

Mark 1:4

Johan Baptist no timi kughunamokeu-a lono timiqo baptiz shitsu eno panongu vilo asheshu: “Nongu xine lono xaide ighino baptiz shilulo eno Alhou no nongu xine qhivetsu nani.”

Luke 1:17

Tungkupu Elija kuka kumto toi pano Alhou ghinimi shi wu nani.Pano apuh noqo eno anuliqo saidewo kughokulu shitsu nani. Pano hekibidemiqo amikuchomi kukumsu lalo saideghi nani; eno kutope akeqo Ampeu wu timi shitsu nike hekutsu nani.”

Luke 3:16

Tighenguno Johan no panongu vilo pi: “Ino azu lono nongu baptiz shitsu cheni,ikemu inguno akijeu milakhi cheni, eno niye pa pukhukuqho kutsugha kighi ghi kuqho mzae, paye Aghungu Kimthe eno ami pesu nongu baptiz shitsu nani.

Luke 3:3

Pano Jordan sukumxa qha kumtsulo wuno asheshu ghi pi: “Xukitheno baptiz shilulo, eno Alhou no nongu xine pevetsu nani.”

John 1:15

Johan no ighamuku pa ghili ishi ashepe shitsu. Pano pi, “Ino khuu ghili pesu, ‘Khuu ithiu cheni keno paye inguno akiqheuke, kughengu ipunu mphi lono paye acheghivae’ ipi pichekeu hu pake.”

John 1:30

Ino, ‘Timi lakhi ithiu cheni, ikemu paye inguno akiqheue’ ipichekeu huye pake, kughengu paye ipunu mphi lono acheke.

Apostolmi 1:5

Johan no azu pesu baptiz shitsue, ikemu atsala kutomo womono Aghungu Kimthe pesu nongu baptiz shivetsu nani.”

Apostolmi 19:4

Paul no pi, “Johan no baptiz shitsu chekeu huye timi khunoqono xukithelu akeno tipaqo ghenguno ke. Pano timiqo vilo pichekeuno, pa thiu milakhi chekeu shou pulubelo picheke, ike tiye Jisu pi ake.”

Apostolmi 8:36

Panonguno chesusu iqichekelo azu akeu-alo ighi, ike khashishivekemi huno pi, “Julo, azu hi ani. Baptiz shiluve nikeulo kiualano ilakha kepu ani kesha?” [

Apostolmi 8:38

Khurkulu ngolepi pano ahza tsu eno Filip ngo akijeu pama kinikujo iqi puzu azulo ilo, eno Filip no pa baptiz shitsu.

1 Kor. 12:13

Tikithipu lono ningu Judami na, Judakumomi na, aquaxemi na, kutami qholo ngomokemi pimu kumtsu Aghungu lakhino aphimpi lakhilo baptiz shike eno ningu kumtsu pelo tipau Ghungu yelu peke.

Ephesiami 3:8

Niye Alhou timiqo gholo kumtsu nguno aku amighiu ke, ikeghi Khristo gholo kihikhamlakeu kini akeu Judakumomi vilo atsakiviu pikulha penike Alhou wu kupukini itsuke,

Titus 3:5

pano ningu xalue, tiye ninguno akumla kivi kiwala shiluke ghenguno kumoe, ikemu pa ampino kimiyekini kehu lhokikithe shi qhukimithe keu vechewo eno Aghungu Kimthe no akuxu kithe shitsukeu vechewo pano ningu xalue.

1 Peter 5:5

Titoi nongu lhothemiye kichimi qhoqhulo. Nongu kumtsuno lakhino lakhi lau qekile nike akumtsha kughuvu pepulo, kughengu pipuakeu toi, “Alhou no qhezakemi lakhave cheni, ikemu akumtshami lau kukumgha tsu cheni.”