MATTHEW 27:32 - BAIBEL (BSI)

³² Panonguno wuchekelo Kurinia noghami Simon ipikeu sholu, ike ghushimino tsumomo pa pelo Jisu wu kros xapupe.

Sümi Tiqhelimi Bible

³² Panongu no khalau wuche kelo, Cyrenemi lakhi Simon ipikeu sholu, ikelo ghüshimiqo no anguka lono pa pelo Jisü’w kros xapu pe.

Sumi Naga CL (Re-edited) Bible (BSI)

³² Panongu no wuche kelo Cyrene noghami Simon ipikeu sholu. Ghüshimi no anguka lono pa pelo Jisüw kros xapupe.

MATTHEW 27:32 ပူးပေါင်းရင်းမြစ်များ

KUKAMI ATUGHIU 21:10

Timi ghusho chekemi atuna lakhi pesu pa gizulo kughuqalo eno pama pelono paye Alhou eno akukau ghushovea ipive pelo. Tishino pa sasu aphughi khalacheu saipeno atuno veqhi pithivelo.”

KUKAMI ATUGHIU 21:13

Timi ghusho chekeu atuna pamano Nabot ye Alhou eno akukau ghusho vea pi ngukuthuve eno pa sasu aphughi khalacheu saipeno kughupe puakeutoi atuno pa veqhi pithive.

ACHINE 4:12

kumtsu xapusu ngo chekeu ghazu nguno khalau achineyeh kiqi lono mithe puakeu alo wulo, ayevuqo leqhi chekeu-alo eno pano tilauno asuno ami shikeu shouno tipaqo pitilo.

ACHINE 4:21

Tipathiu pano amshitsu kumo pesu aqono ngochekeu ghazu khalau wuno pitilo, tiye pa likhi pa xine ghenguno amshitsu mllakeu pano pitikeu toi shilo. Hiye aqoaho xine ikhisuwu veni ke akumllagho shikeuke.

ACHINE 4:3

Achinetouno axine shive no timiqo shou angusu sughive aye pano amshitsu alhothe tukutiye kiumu kuhakeu pesu tsulo eno pa xine ghenguno AMPEU lau tipau heqhipe agha shilo.

MATTHEW 16:24

Tisheno Jisu no pa khopemi vilo pi, “Timi khunono ipape nikeno, pa likhi paye khuu keno kumsumave puzu pawu kros xapuno ipapelo:

MATTHEW 5:41

Ghushimi noghakhu kheakemi lakhino ovilo tsukhomo pa kho kilomiter lakhi xapuwupe aye kilomiter kini kutolomu puwutsulo.

Mark 15:21

Panonguno wuchekelo Simon ipikeu cheghike kusholu. Paye Kurinia noghami Aleksander ngo Rufa pama papuh, eno paye aphu lono aphughilo wucheghi. Ghushimino tsumomo Simon pelo Jisu kros xapupe.

Luke 23:26

Timiqono Jisu sasu wuveno alalo chechekelo timi lakhi Kurinia noghami Simon ipikeu sholu, paye aphu lono aphughilo wucheghi ke. Panonguno Simon tsuquluve eno kros pesu pa shou betsu puzu pa pelo Jisu papeghi xapupe.

John 19:17

eno paye khalau ipeveno pawu kros xapusu “Aboghe” ipichekeu-alo wuve. Ibrimi tsa loye tiye “Golgotha” ipi cheni.

Apostolmi 11:20

Ikemu panongu gholo khamiye Kuprami eno Kuriniami kehu panoqono Antiok tokelo Ampeu Jisu wu atsa kiviu hu pesu Grikmi vilo ghi asheshu tsu.

Apostolmi 13:1

Antiok akukuhou lo tungkupmi ngo kutsuchekemi akhae: Barnaba ngo Simon hipau pesu “Tsubuyi” ipi kuchekeu, Kurinia lono ighikeu Lukia, Manaen khuu ahng Herod sasu kumtsa lojiputhu keu eno Saul ishi ae.

Apostolmi 2:10

Frugia eno Pamfuliami, Ijip ngo Kurene phivilo Libiya qhalomi, khamino Rom kudauno itsusu ighikemi,

Apostolmi 6:9

Ikemu Aghoshi Sinagog ipi kuchekeu lo kihikusumi Kuriniami, Aleksandriami, Kilikiami, Asiami ighi kumqono lachile Stifan sasu kighethu.

Apostolmi 7:58

aphughi lono pa sunhepheve eno atu pesu pa veqhi pithive. Tipaulo thopimiqono panoqo phi xapesu apumi lakhi Saul ipikeu pukhu philo qhive.