MATTHEW 26:63 - BAIBEL (BSI)

⁶³ Ikemu Jisu no inaqhoi auve. Achinetouno itaghi pa vilo pi, “Xuakeu Lhou je lono ino ovilo tushoqhi ghi iniju anike, noye Alhou Nu Mesiya kemo kela ningu vilo pitsulo!”

Sümi Tiqhelimi Bible

⁶³ Ikemu Jisü ye inaqhoi ngove. Achinetomi shou atou no pa vilo pi, “I no xü akeu Lhou je lono ashoqhi shi no O nguku ani: Nono Alhou Nu Messiah shi aghí aye ningu vilo pilo.”

Sumi Naga CL (Re-edited) Bible (BSI)

⁶³ Ikemu Jisü no inaqhoi ngove. Achinetou no itaghi pa vilo pi, “Aküxüpu Lhou je lono I no ashoqhi tsa o vilo piani, no ye Alhou Nu Messiah kemo keno ni vilo pilo.”

MATTHEW 26:63 ပူးပေါင်းရင်းမြစ်များ

KUKAMI ATUGHIU 22:16

Ikemu Ahab no khochile “Nono kughouno AMPEU je lono pianikeno kuchou tsa pilo! Niye ghuthu khijehi ovilo pi anikya.”

YEKIKITHI AKINIU 18:15

Ikemu Ahab no inijukide, “Kughou nono AMPEU jelono iputsani keno kuchou tsa pitsulo! Niye ghuthu khije jehi ovilo tipau pilo pini kya?”

LESHELE 42:2

Niye tughuthi keshi akuxupu Lhou phucheni, niye kughono Alhou zulo wuno pa mlla ngolu nani kya pilae?

AHOLE 29:24

Kupkami kusami shikeuye pa likhi pa ghumike. Pano kughakutha alo kuchou tsa piaye pa ghimeqhi kepu shive nani eno pano kuchou pimoaye Alhou no pa ghushove nani.

ISAIAH 53:7

“Mughachhoi pa peithake, ikemu akumtsa shi puqheluveke; paye atsa lakhimu piqhimoe. Bheriti lakhi ghiqhiniye akelo toi, bheri lakhi amhi gholuveniye akelo toi paye atsa lakhimu piqhimoe.

DANIEL 3:16

Shadrak, Meshak eno Abednego pano kuthuno hitoi pi, “Akukau hipatsa loye nilikhi ningukula tsa mu pukaputsa pinishimoe.

ACHINE 5:1

Axine kumllaghoye hikithipu lono shinani. Timi lakhipe aqhazulo thopi tsupenike kuni kelo pano ithulu puakeu momu chilu puakeu vehu pitsumove aye paye tipau xine pumoasa nani.

MATTHEW 16:16

Simon Pitor no ishi khochile, “Noye xuakeu Lhou nu Mesiya ke.”

MATTHEW 26:62

Achinetouno puthughoveno Jisu vilopi, “Timi hipama no oshou ngukube akeulo khochilekepu kuha kesha?”

MATTHEW 27:12

Ikemu achinetomi ngo kichimiqono pa ngukukeulo paye kiumu khochilemoe.

MATTHEW 27:14

Ikemu Jisu no ghechilekeu tsa lakhimu khochilemo, tishikehu Ahng ye shishe akichiqhive.

MATTHEW 27:40

“Noye Achineki xaleveno ghulo kuthulo ti shipe qhiluve nikeu pichekeu hu olikhi oxaluve julo, noye Alhou Nu kenapi aye kros lono iqighive julo!”

MATTHEW 27:43

Pano Alhou shou pukhube acheni eno paye Alhou Nu ke ipi cheni. Tishiaye, Alhou ye itehino pa xapheluni cheni kemo keno junie!”

MATTHEW 27:54

Ghushimi 100 shou akijeu ngo pa gholo ghushimi qono Jisu jughi khe akelo ayeghi ithakeu eno tile kishi akeno kumtsu ithuluno panonguye kichimamaiveno ishipi, “Paye kuchouno Alhou Nue!”

MATTHEW 4:3

Ghukujuu no pa lau ighino pi, “Noye Alhou Nu ke aye atu hipaqo vilo asho ilhove lopi ahza tsulo.”

Mark 14:61

Ikemu Jisu no inaqhoive eno kiumu khochilemo. Itaghi achinetouno pa vilo iniju, “Noye Alhou akumghau Nu, Mesiya kesha?”

John 1:34

Ino ti ithuluvae eno nongu vilo ino ashepe shitsu anike paye Alhou Nue.”

John 1:49

“Kutsuchekeu, noye Alhou Nue! Nono Israilmi kukaue!” ipi Nathana-el no Jisu khochile.

John 10:24

Judamino pa suhope kumqoluve eno pa vilo pi, “Noye ningu pelo khitohi okhelho apeniye kya? Nono Mesiya keaye nivilo vejoi pitsulo.”

John 10:30

Ni eno Apuh ye lakhie.”

John 10:36

Ino ‘Niye Alhou Nu ke’ ipi keghenguno Apu no kishepheno ayeghiqhalo puwukeu vilo nonguye, ‘Niye Alhou thaigha anie!’ ipini kesha?

John 18:37

Ikelo Pilat no pa iniju, “Tishiaye noye akukau lakhi kesha?” Jisu no khochile, “Niye akukau lakhi kepi nono pianie. Ipunukeu eno ino ayeghiqhalo ighikeu kimijiye highenguno ke: Kuchou ghili ashepe tsuniyeke. Khunono kuchou laumi keno paye isutsa inicheni.”

John 19:7

Judami qono pa khochile, “Paye thimasa kepu niyezah lakhi ani, kughengu pano pa likhi pa pesu Alhou Nu kepi chenike.”

John 19:9

Pano akighikilo ideilo eno Jisu vilo pi, “Noye khilano ighi kya?” Ikemu Jisu no kiumu khochilemo.

John 20:31

Ikemu hile yesupe puakeuye nongu pelo Jisu ye Mesiya, Alhou Nu kepi pululu peniyeke eno tipau kupulu vechewo paje lono akuxupu alupeniyeke.

John 6:69

Nino pulu eno ithikeuno noye Alhou launo ighikeu Akimthe lakhike.”

John 8:25

“Noye khu kya?” ipi panonguno pa vilo iniju kelo, Jisu no pi, “Inahu abothu lono nongu vilo pivekeu huke.

2 Kor. 1:19

Kughengu Alhou Nu Jisu Khristo pesu nongu gholo Sila, Timothi eno isheshu huye “Iye” “Moe” ipikeu tsa kumoe, ikemu Alhou no “Iye” ipikeuye pake.

1 Peter 2:23

Kughou pa thaigha keno paye thaighakeu tsa pesu ghechilemoe; kughou pano aghime shivekeno paye khumu shikumsamoe; ikemu achipi lono xathachekeu Kughakuthau, Alhou lau pawu lajupu bepe qhiveke.

SAMUEL ATUGHIU 14:24

Israilmi ye tipa tsalalo amzu launo ighono qeive, kughengu Saul no ighono akumto shoqhi zah hitoi tsupe pua: “Khuu khuumu ishi ino ighumi lau amkhu lumla aphi lono achuqu chuvekeuye pa shou ghushokeu shive nani.” Ikehu khuunomu atsala kupuju kumu chumoe.

SAMUEL ATUGHIU 14:26

Asubo kumtsulo akhi ngozu no chhitoi ae, ikemu khuunomu tipaqo chumoe, kughengu panongu kumtsu Saul no ghushove nosake msa ae.

SAMUEL ATUGHIU 14:28

Ikemu timi lakhino pa vilo ishi pi, “Ningu muzuthi keulono akulho shikhavae ikemu opuno ni shikumsa ghi, ‘Khuu khuumu ishi tsalalo chu-shovekeu hakusapue’ ipi puani.”