MATTHEW 26:39 - BAIBEL (BSI)

³⁹ Pano azuu kitila wupuzu agi pishiqho itsaqi ishi inikhu, “O iPuh, hi shivekulupu shi aghiaye, ajukhu hipau ilauno ikhisuwuvelo! Tishiepimu, igho kumono ogho shilo.”

Sümi Tiqhelimi Bible

³⁹ Eno kitila iphi püzü, pa ye ayeghi lo agi pishiqho pesü hitoi akighini shi, “I pù, tsalá shikulupu shi aghí aye, aghime jikhu hipau I lau no ikhipesü wuve tsülo; ikemu I pulou kumo no O pulou shilo.”

Sumi Naga CL (Re-edited) Bible (BSI)

³⁹ Pa no kitila azüu wuno agi no ayeghi dape inikhu, “I Pu, shikulupu shi aye ajukhu hipau I launo ikhiluve tsülo; tishinamu I gho kumono o pulou shilo.”

MATTHEW 26:39 ပူးပေါင်းရင်းမြစ်များ

BOTHUBO 17:3

Tile Abram ye qhoqhu nhepe pagi pishiqholuve eno Alhou no pa putsa ghi pi,

SAMUEL AKINIU 15:26

Ikemu tsala pano ipulomokeu shi aghiaye pa pelono kiukiumu pa gho apulou lono ilau mlapeniu.”

YEKIKITHI ATUGHIU 21:16

Kungumino pa ulo azuta pesu amlhu mtalo puthugho akeu eno Jerusalem kutsaveniye kutope akeu David no ithulu. Tile David ngo sakiphemiqo yeqhiyephi uakeqo kumtsu panongu gino ayeghilo shosupe itsaqive.

ISAIAH 50:5

AMPEU no vethakulu pesu itsuke, niye tipau hebide chemoe momu pa launo tsughuwuve chemoe.

ISAIAH 53:12

Ikehu ino agigihupu-a lakhi pesu pa tsuni, kijemi ngo kushumi gholo a-a lakhi tsunike. Pano puloniqhiyi pa kuxu tsuve eno alhoksami kishi akuxu shekha shivecheni keno tipau kusajeke. Pano axinemi kutomo alo ngoluvetsu eno panoqo xine pevetsu penikeu shi inikhuke.”

EZEKEL 1:28

Ikehu milisu vehope akeu julho kumtsu tile ake. Phuphuyikeu kuvu huno AMPEU tile akeu jumichi shi ake. Ino tipau ithulukeulo niye agi pishiqho pesu ayeghilo ikiqive. Tileno milakhino iputsakeu sutsa lakhi hitoi chilu,

AKIKIHI 14:5

Tileno Muse ngo Aron pamaye timi kumtsu zulono agi pishiqholuve.

AKIKIHI 16:22

Ikemu Muse ngo Aron pamano ayeghilo agi pishiqho ghi itsaqiveno pi, “O Alhou noye kumtsu kuxu khuki ke. Timi lakhino axine shive keno noye aqoaho kuchopu shou agha ideni kesha?”

MATTHEW 20:22

Ikemu Jisu no ishi khochile, “Nonguye nonguno kiu khu ani keno mtha aphie. Ino shoniye akeu jukhu nonguye sho kulupu kesha?” Pamano ishi pa khochile, “Nikujoye sho lunanie.”

MATTHEW 24:24

Kughengu kichile Mesiya eno kichile tungkupumi ipeghi nani eno panonguno amchipu ngo akumzapu kumla shipe piye puzu, shikulupu shi aye kisheluvekemi ghi sakughuzu sawuve nikeu shi nani.

MATTHEW 26:42

Itaghi, ghuthu akiniu, Jisu no wuno ishi inikhu, “O iPuh, ajukhu hipau ino shomoke loye ikhisuwuvetsu mla kepushi aghi aye, ogho shilo.”

Mark 13:22

Kughengu kichileu Mesiya ngo kichileu tungkupmi ipeghi nani. Eno tokulupu shiaye Alhou no pukhavekemi ghi sakughuzu sawuni kehu panonguno amchipu ngo akumzapu shipiye nani.

Luke 17:16

Pano Jisu pukhu philo ihozu puzu pa shikimthi. Timi huye Samariami lakhi.

John 11:41

Ikelo panonguno atuqu ikhive. Tile Jisu no kunguu jupuku puzu pi, “Apu, ino oshikimthi akeuno nono ino pikeu initsu cheni.

John 14:31

ikemu Apu no ivilo shilo pikeu ino shicheni, tishianguno ayeghilomi pelo niye Apu kimiye cheni kepi ithipenike. Ithulo, ningu hileno wuveni shilo.”

John 18:11

Jisu no Pitor vilo pi, “Ozuta pe asuchhilo suvelo. Niye iPuno aghime jukhu ipelo shopeniye tsukeu shomoni kesha?”

John 5:19

Jisu no panoqo khochile: “Kuchouno ino nongu vilo pini, Anu ye pa kutoshiye kiumu shimlae,papuhno shiaghikeu pano kiu ithulu nikeno ti likhi pano shi cheni. Apuh no kiukiu shini keno Anu ghi tishi cheni.

John 5:30

“Ika-agho loye niye kiumu shimla; Apuh no ivilo pikeulo likhino ino kughathatsu cheni, ikehu ino kughatha keuye achipi, kughengu niye ighoapulou kumono ipuwupuakeu gho apulou shiniyeke.

John 6:38

kughengu niye ighopulou shiniye kungugha lono iqighike kumoe, ikemu ipuwu puakeu ghopulou shiniye ke.

Apostolmi 10:25

Pitor no aki alou iloniye akelo Kornelia no pa sasu kusho, eno pa pukhu philo itsaqi puzu agigihu pa tsu.

FILIPIAMI 2:8

Pa likhi pa pesu aqhokigheu shi eno kros lono thikeu kutolo aghokulushike.

IBRIMI 5:7

Jisu no ayeghilo xuachekelo aghugha kuloghi eno anhezu piji puzu pa kighini pesu akithi lono pa xakulupu shiakeu, Alhou vilo inikhu cheke eno pano Alhou sukumsa akeu ghenguno pa kighini ikhilutsue.

Piyeküsü 19:10

Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.