MATTHEW 26:10 - BAIBEL (BSI)

¹⁰ Panonguno kiu piakeno Jisu no ithiae, ikehu panoqo vilo ishi pive “Nonguye kushiye totimi hipau punaqhi ani kya? Lino ighenguno jukighilepu lakhi shivetsuae.

Sümi Tiqhelimi Bible

¹⁰ Tishi akeu ithi akehu, Jisü no panongu vilo pi, “Nongu ye kushiye totimi hipau küpüna ani kea? Li ye akivishi I gihu keu kümlà shivae.

Sumi Naga CL (Re-edited) Bible (BSI)

¹⁰ Jisü no ti vethaluve no panoqo vilo pi, “Nongu ye kushiye atotiu pünaqhi ani kea? Li ye I ghenguno jukighilepu shive tsüae.

MATTHEW 26:10 ပူးပေါင်းရင်းမြစ်များ

NEHEMIA 2:18

Alhou no kishi igholo akeno eno ikuphu akeno eno akukatouno ivilo kiu pikeno tipau ino panoqo vilo pike. Panonguno Khochile, “Ningu ithuno mulapukuni.” Ike panongu u kumto kuqhano akumla kivi shinikeu huthuve.

JOB 13:7

Nonguye kushiye miki ani kya? Eno nonguye Alhou ghenguno pishiqhini kesha?

MATTHEW 26:11

Kughengu kumlhomiye pulhapuju, nongu gholo ache nani, ikemu niye pulhapuju nongu gholo achemo nani.

MATTHEW 26:9

Hipau tsungquyi keu teliye pisa kutomo me shi jepuzu kumlhomi tsukepu shiake!”

Mark 14:6

Ikemu Jisu no pi, “Li lokutolo,nonguye kushiye li shipunaqhi ani kya? Liye akumla kivi lakhi ilau mlatsu anike.

Luke 8:49

Pano atsapiake mtsa Jairus ki lono timi lakhi asutsa pesu ighi. Pano Jairus vilo “Ongaye thivae, tighenguno kutsuchekeu shipuna kevelo.”

2 Kor. 9:8

Alhou ye nonguno avehupu shi akeu eno tinguno alau ghi tsukulupu anike tishianguno nonguno kiu avehupu shinikeno tipau thwokha aghilupe eno akumla kivipu ghenguno lukumkhashi tsupeniyeke.

Galatiami 1:7

Kuchouno kutau tsakiviuye kuhake, ikemu timi khamino nongu xukutho ani eno Khristo tsakiviu shipixinishi kehuke.

Galatiami 5:12

Timi khunoqono nongu punaqhi anikeno tipaqo pelo pututa phighu pichive penishi!

Galatiami 6:17

Hinguno hilauye timi khumu akupuna kiumu itsukevilo, kughengu iphimpilo azaku puakeuye Jisu qemi michike.

Ephesiami 2:10

Ninguye Alhou ghenguno mlakuqha chekeqoke, eno Khristo Jisu gholono akumla kivi shipeniye pano ningu lhoqhike, ningu pelo tipaqo shipeniye Alhou no puzuuno kutope qhiveke.

Kolosiami 1:10

Tishino nonguye Ampeu pulou lono ame kua kuxu xulu, pa lokiqipu shilu, akumla kivi kumtsulo athi pithilu eno Alhou kighithi alau shilu ishi nanike.

2 Thes. 2:17

amlo kuloghi pesu tsu eno nongu shikumto tsuno atsapi lona akumla lonamu akiviu shilu peniyeke.

1 Tim. 3:1

Timi lakhino akukuholo sakiphemi shinishiqhiyi aye paye ashekha aghilepu kumlalo pa mlo belu anie, ipikeu tsa hiye kuchouke.

1 Tim. 5:10

eno akumla kivi shichekeu ghenguno ajepipi cheghikemi, atianuli akivishi saputhu puaghikemi, inami sasukinimi, Alhou qemi pukhu qhutsuchekemi, shilukusami kuphu chekemi eno thwokhalo akumla kivi shichekemi shiaghi masae.

2 Tim. 2:21

Timi khunono alhoksa inapugha keu launo mithelu nikeno avehu akhotopulo pa peithalu nani, kughengu paye akumla kivipulo peitha kulupushi pa Mpeu lau ikhipetsuve keu shi kutope anike.

Titus 1:16

Panonguno Alhou ithiakeu tsa picheni, ikemu panongu kumla kughuthano tipau sasu kidimoe. Panonguye aphikumqhupu eno hekibidemike, eno akumla kivi kiumu shilukepu qhemi kumoe.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

Titus 3:1

Now timiqo vilo ayehkipemi ngo kukami qhoqhu eno panoqo ghokulu shilo pilo eno akumla kivi kumtsu shinikeu kutolulo pilo.

Titus 3:14

Nitimiqoye akumla kivipu lono ado peve nikeu ithi pelo eno kuchouno kuhakemi kuphukepu shipelo; eno panonguye avehu kuhakeu kuxu xukepu kumoe.

Titus 3:8

Hiye kuchou tsa lakhike. Niye opelo hipaqo pikichichi apenishike, tishianguno khunoqono Alhou pululuve akeno tipaqo pelo akumla kivilo amlo tsuqhiyi shipeniyeke. Hipaqoye timi ghenguno akivi eno avehupuke.

IBRIMI 13:21

pa pelo thwokha kivi jeli pesu nongu tsupuzu pa pulou shilupeniu, eno pano Jisu Khristo vechewo pa lokiqipushi nilolo shilupeniu; alhokupuju lono alhokupuju ghenguno pa lau akimthejekipi achepelo! Amen.

1 Peter 2:12

Alhou mthakemi gholo ghushoghili akivi shilo, tishianguno panonguno nongu vilo kusakugha kumlami kepi nguku aghinamu pano ighike Tsalalo panonguno nongu kumla kivi ithulu puzu Alhou akishe tsupe nike.