MATTHEW 25:40 - BAIBEL (BSI)

⁴⁰ Akukau huno ishi panoqo khochile nani, ‘Kuchouno ino nongu vilo pini, nonguno ithikuzumi hipaqo gholo akitilau lau kiu shitsu keno nonguye ilau shitsuake.’ ”

Sümi Tiqhelimi Bible

⁴⁰ “Akükau no khochile nani, ‘Kuchou no I no nongu vilo pìní, nongu no I thiküzümi eno I chelimi hipaqo gholo akitilau lau kiu shitsü keno tiye I lau mülà ke.’

Sumi Naga CL (Re-edited) Bible (BSI)

⁴⁰ Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

MATTHEW 25:40 ပူးပေါင်းရင်းမြစ်များ

SAMUEL AKINIU 9:1

Ghulo lakhilo David no ishi iniju “Saul kibolomi khuala anikeo kuha kya? Tsala aghi aye, Jonathan ghenguno ino pa lau kimiyekeu piyenishi ani.”

SAMUEL AKINIU 9:7

David no pi, “Noye msa kevilo opu Jonathan ghenguno niye olau kikimiye piyenanike. Ino osu Saul yeghi thaqhuye otsu chileve nani eno noye alhokuthu igholo kumtsa aghulhu lupa lo ngolu nani.”

KUKAMI AKINIU 4:10

Nikujo kunguu kudau abo aghulo lakhi kuto tsuno azua lakhi, akibepu lakhi, iqakepu lakhi eno akulubo ishi kutope qhitsunie eno kugho kughomu pano ni xuju ighikelo tilehi ngopenie.”

AHOLE 14:31

Nono kumlhomi qhasu cheni aye tipaqo lhokeu Alhou thaigha anike ikemu kumlhomi tsu jekeu ye Alhou mllakeu kumla shianike.

AHOLE 19:17

Kughou nono kumlhomi tsu jeni keno tiye AMPEU punna akeu paphike eno AMPEU no tipau olochile nani.

JEREMIYA 39:17

Ikemu ni, AMPEU no osusho nani eno noye nono musa akeu timi ulo suvetsumo nanike.

MATTHEW 10:40

“Timi khuno nongu ikhilu nikeno ni ikhilu ani, khuno ni ikhiluni keno ipuwu akeu ikhilu ani.

MATTHEW 10:42

Ino nongu vilo pini, ikhopemi gholo akutulau shi anamu paye ikhopemi keke ipi puzu khuno azukumko ajukhu lakhimu yekepu tsuni keno mtsuqheyino pa saxuye khilemu puhavemo nani.”

MATTHEW 18:10

“Nonguye muthamini hipaqo kititi gholo lakhimu jukunatha kepu kumoe, kughengu ino nongu vilo pini, kungughalo panongu wu kungumiye iPuh kungughalo akeu zulo pulhapuju achenike.

MATTHEW 25:34

Tileno Akukauno pa-u ajeu akeqo vilo ishi pi nani, ‘Nongu ipuhno kumghatsukeqo, ighilo! Ayeghiqha lhophe kelono nongu ghenguno kutope puakeu yehkipeqha pe nongu mheghishi lulo.

MATTHEW 25:39

Kughono nono kusukini shi aghikeu momu nono akughukilo aghikeu nino ithuluno oputsa ighi kya?’

MATTHEW 25:45

Tileno panoqo vilo pano ishipi nani,’Kuchouno ino nongu vilo pini, nonguno hipaqo gholo akitilau lau shitsumovekeu hu, nonguye ti ilau shitsumoveke.’

MATTHEW 28:10

Jisu no panoqo vilo pi, “Musakevilo! Wulo eno ithikuzumi vilo Galil lo wulo pilo eno tilano panonguno isasu kusholu nani.”

Mark 9:41

Kuchouno ino nongu vilo pini, nonguye Khristo timiqoke ipi puzu timi khunono azu ajukhu lakhimu nongu piye keno paye asaxu ithuluni putsae.

Luke 19:38

Panongu no pi: “Alhou no akukau kumghatsulo, khuuno Ampeu je lono cheni keno! Kungughalo alakishi eno Alhou jekipi shilo!”

John 20:17

Ikelo Jisu no li vilo pi, “Isasu kiphemla kevilo, kughengu niye Apu lau ideiku mphike. Ikemu ithikuzumiqo lau wulo eno panoqo vilo itsa pitsulo: ‘Niye iPuh eno nongu paPuh lau eno ILhou eno nongu Lhou lau ideiku cheni.’ ”

Rommi 8:29

Alhou no khunoqo azuuno kisheve akeno panoqo ghenguye paNu kimihilo kusaje penike puuno kututashipe qhivae, tishianguno Anu pelo athikuzumi gholo atughiu shipeniyeke.

2 Kor. 4:5

Kughengu ninguye nilikhi ni suqhekeu sheshu chemoe; ninguno Jisu Khristo ye Ampeu ke eno ninguye Jisu je ghenguno nongu qemi kepi asheshu cheni.

Galatiami 5:13

Athikuzumiqo nonguye kuqhophevekeulo kuluvae, ikemu nonguye kuqhopheveake pi tino ajeku kivi shiveno nongu shiaji pulou gho shikevilo, ikemu Alhou kimiyekini vechewo nongu lakhino lakhi qekilelo.

Galatiami 5:22

Ikemu Aghungu xathiye Alhou launo ighikeu kikimiye, alokiqi, alokivi, kheakulu, alokeu, akivi, pichebekulu,

Galatiami 5:6

Kughengu ninguno Khristo Jisu sasu kimepe ani aye aphighu yiko ghana ghamonamu aphiphi ke, ikemu Alhou wu kimiyekini vechewo mla keu kupulu huno akhotoke.

Ephesiami 5:30

kughengu ninguye Khristo phi a-uqoke.

IBRIMI 6:10

Alhou ye amikuchoke ghenguno nonguno mla akeu pa jelono pawu timiqo lau kikimiye pephepiye puakeu eno itehi kutolo titoi shiakeu paye kumsumavemo nani.

1 Peter 1:22

Itehiye nonguno kuchou lau aghokulu shino nongu kuxu shikimthevae eno kupulumi akusamiqo mutsuqheyino kimiyekeu anie, tishiaye nonguno amlo tsuqhiyi shino lakhino lakhi kimiyekilelo.

1 John 4:20

Timi khuno, “Niye Alhou kimiye cheni” ipi puzu athikuzumi mithi cheni keno paye kimkimi lakhike. Kughengu khunono pano ithulu chekeu athikuzumi kimiye chemokeno, paye ithulu chemokeu Lhou kimiye mlae.

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

Piyeküsü 19:16

Pano chijebobo phi uchekeu eno pa pukhulo aje hipau yepukupe pua: “Kukami shou Akukau eno ampimi shou Ampeu.”