MATTHEW 24:7 - BAIBEL (BSI)

⁷ Kughengu ashiayeh lakhino ashiayeh lakhi sasu aghushi nani, ayehkipeqha lakhino ayehkipeqha lakhi le nani. Puqumiyekeu ngo ayeghi ithakeuno aqha kumtsulo anani.

Sümi Tiqhelimi Bible

⁷ Shiye lakhi no shiye lakhi mjochile ipeghi nani, eno kükaphu lakhi no kükaphu lakhi mjochile ipeghi nani. Püqümiye keu eno ayeghi küghüthaqo a-a kütüta lo anani.

Sumi Naga CL (Re-edited) Bible (BSI)

⁷ Kughengu shiye lakhi no lakhi sasü aghüshi nani, kükaqha lakhino lakhi le nani, püqümiye ngo ayeghi küghütha no a-a kütüta lo ipeghi nani.

MATTHEW 24:7 ပူးပေါင်းရင်းမြစ်များ

YEKIKITHI AKINIU 15:6

Shiyeh lakhino shiyeh lakhi nedaqoda cheke kughengu Alhou no panoqo shou akupuna ngo kutakihi keu sughiche.

ISAIAH 19:2

AMPEU no pi, “Ino Ijip ghakhumi dolo aghukishi xukutho nani eno athikuzuuno athiukuzuu sasu eno akitomino akitomi sasu, aphughi lakhino lakhi sasu, akukaqha lakhino lakhi sasu aghushi nani.

ISAIAH 29:6

Aqokitikhi MPEU no tsutsukusu pasapagha khumuyi keu eno ayeghi kughutha gholono oxaphelu nani. Pano miyitsu pasapagha eno ghuleqhikeu mi kuyiqu puwu nani.

EZEKEL 14:21

Akughushu MPEU no piakeuye hike: “Ino iwu aghimepu akusa akusau bidi pesu Jerusalem shou puwuni chenike, tiye aghukishi, puqumiyekeu, tughashi eno kusukini timi ashi-aghau aphiphishi kutsave peniyeke.

EZEKEL 21:27

Ixapinyi! Ixapinyi! Ino aphughi pesu ixapinyivekeu shi nani. Ikemu ino khuu pelo aphughi ghimeqhi penikeu shiani keno tipau ighi mphi loye hipau shimo nani. Pa ighi kethiuno ino tipau shipe nike pa tsu nani.

ZEKHARIA 14:13

Tipa ghulokilo AMPEU no panoqo pelo izuvulaivepe nani eno Musaichive pe nani, ikelauno lakhino lakhi pa phivilo aghikeu heqhi buqhikileuve nani.

Luke 21:11

eno ayeghi kughutha kije, puqumiye keu, pusa kusu aqha kumtsulo ighi nani; eno akichiqhipu kije eno timi shikughuthu kepu michipu kije atsutsu lono ipeghi nani.

Apostolmi 11:28

Panoqo gholo Agaba ipikeuno puthugho puzu Aghungu kuka vechewo ighinike ghili pikeuno ayeghiqha kumtsu shou puqumiye keu lakhi kije cheniepi. Klaudia no akukau shi ake lono hipau shikupue.

Apostolmi 2:19

Kunguu atsutsulo ino akichiqhipu shipiyeni, eno aqhou ayeghilo amchipu shipiyeni. Ahji ngo ami eno amchhi phoboyi nani;

IBRIMI 12:27

“Itaghi ghuthu lakhi” ipikeu tsahuye lhophepe puakeu thimeye sukughutha nani eno ikhive nani, tishianguno sukughutha mlakeu thimeno acheuve nani.

Piyeküsü 6:12

Kughono Bheritino mekhakeu akutsughou suphono lhaphe keno, ino jukelauye ayeghi shishe ilu ighi, eno zumoive, eno aqhiye ahji toi huchuhuyive.

Piyeküsü 6:5

Kughou Bheritino mekhapuakeu akuthuu suphono lhaphe keno, akuxu akeu lhoxu akuthuuno ishi pikeu ino chilu, “Ighilo!” Ino jukeloye khurshi tsubuyikeu lakhi aghi, eno tipau shou iku puzu chekeuye mighikepu ahhu lakhi pa ulo pea.

Piyeküsü 6:6

Akuxu akeu lhoxu bidi gholono ipeghikeu sutsa toikeu lakhi ishi pikeu ino chilu, “Atsala lakhi jume asho thi kilogram lakhi eno tsala lakhi jume barli thiye kilogram kuthu. Ikemu oliv teli subo eno atsayiluye shipusa kevilo!”

Piyeküsü 6:8

Ino jukeloye, phalayikeu khurshi lakhi aghi. Tipau shou iku puzu chekeu jeye akithi eno Hades no tipau punukhoi papeche. Panongu pelo aghukishi, puqumiye, kusukini eno tughashi peitha puzu ayeghilo timi kikije bidi shikelo lakhi pithivepeni keu shi akuka tsupe pua.