MATTHEW 23:9 - BAIBEL (BSI)

⁹ Nonguye ayeghilo khuu vilomu ‘Apu’ ipi kukepu kumoe, kughengu nonguye kungughalo akeu Apuh lakhi anike.

Sümi Tiqhelimi Bible

⁹ Eno ayeghi lo khuu vilomu ‘Apù,’ ipi ku kevilo, kughengu nongu ye ‘Apù’ lakhi ani eno pa ye kungugha lo anike.

Sumi Naga CL (Re-edited) Bible (BSI)

⁹ Eno ayeghi lo khuu vilomu ‘Apu’ ipi kevilo, kughengu nongu ye kungugha lo akeu Apu lakhi ani.

MATTHEW 23:9 ပူးပေါင်းရင်းမြစ်များ

KUKAMI AKINIU 13:14

Tungkupuu Elisha ye ighono akithi kusu suve, pano thiveniye akelono Israil kukau Jehoas no pa xuju ighi. “Ipuo, Ipuo!” ipi igha pano qathu. “Noye Israilmi sakuphuu atou shicheke!”

KUKAMI AKINIU 2:12

Elisha no ti ithuluno ighamuku Elija ku, “Ipu, Ipu! Israilmi saphukicheu akughushuu! Noye chevea kesha!” Tishino paye khilemu akiniu Elija ithulumove. Ighono amlo ghime lono Elisha no pawu chijeboboi keu phikuzu hu suxula kini shive.

KUKAMI AKINIU 6:21

Kughou Israil kukauno Siriyami ithulukeno, pano Elisha vilo iniju, “Ipelono panongu heqhivepemo kesha, akijeu? Ino panongu heqhiveosha?”

MALAKI 1:6

Aqokitikhi MPEU no achinemi vilo pi,”Anu lakhiye papu gihu cheni eno aqemi lakhiye pa mipeu gihu cheni. Niye nongu papuke, nonguye kushiye igihumo kya? Niye nongu mipeu ke nonguye kushiye igihumo kya? Nonguno ijumithi cheni eno tishi keghi nonguno ishi inijuke, ‘Ninguye khileno ojumithi cheni kya?’

MATTHEW 23:10

Momu kutami pelo ‘Sakipheu’ ipi nongu kupe kepu kumoe, kughengu nongu sakipheu lakhi akeuye Khristo likhike.

MATTHEW 6:32

Alhou mthakemino pulhapuju hipaqo kumtsu phu acheni; eno nongu paPuh kungughalo akeuno nonguye hipaqo kumtsu avehupu shi akeu pano ithi ani.

MATTHEW 7:11

Tishiaye, nongu alhoksami shianamu thime kivi pesu nongu ti-anuli tsukeu yeh ithi ani aye nongu paPuh kungughalo akeuye tinguno alaushi thime kivi pesu pa vilo khukemiqo tsu nani!

Apostolmi 22:1

“O timiqo o athikuzumiqo eno o apunoqo, ino nongu zulo ilikhi isaphukeu tsa pinike inijulo.”

1 Kor. 4:15

Kughengu nonguno Khristo gholo xukuqhalu akeulo alaghi kichekipiyemi phikhakumla aghie pimu nonguye apuh kutomo kuhake. Kughengu nonguno Khristo gholo xukuqhalu akeulo ino nongu papuh shipuani, tiye lokivipu tsa nongu lau ino sughikeu vechewonoke.

2 Kor. 6:18

eno ino nongu paPuh shive nani, nonguno inuliqo eno ingaqo shive nani, ipi Akughushu Mipeu no pike.”

IBRIMI 12:9

Ike itaghi, ayeghilo nipunoqono nisakiyi qoputhu kelo ninguye panoqo qhoqhu acheni. Tishiaye, ninguye tinguno alaushi angu aghakupu Apu qhoqhu ghi xukepue.

1 John 3:1

Apuno kishi shishe ningu kimiyeve akeno julo. Pa kikimiye ighono kije ke ninguye Alhou nuliqo kepi kuluvae, eno kuchouno ninguye tike. Highenguno ayeghilomino ningu mtha eno Alhou mtha ishike.