MATTHEW 22:24 - BAIBEL (BSI)

²⁴ ishipi, “Kutsuchekeu, Muse no pikeuno, ‘Timi lakhino atianuli kuhano thive aye, pa thikuzuuno pamu nipu achimeu hu sasu kughuna masae, tiye akithiu ghenguno atianuli lhophetsulu kepushi.

Sümi Tiqhelimi Bible

²⁴ “Akükütsüu, Moses no pikeu ye tsalá timi lakhi no anuli shimo no thive aye, pa thiküzüu no pa nipu valuve no anuli-kughuko tsü püzü pa ghenguno saputhu tsü moayesae ipie.

Sumi Naga CL (Re-edited) Bible (BSI)

²⁴ “Shikükau, Moses no pi, ‘Milakhi no atianuli kühano thive aye, pa thiküzüu no pamu nipu sasü külave no pa sala atianuli shitsü masae.’

MATTHEW 22:24 ပူးပေါင်းရင်းမြစ်များ

BOTHUBO 38:11

Tile Juda no pamukishiu Tamar vilo pi, “Inu Shela no kichimi shimoke kuto opuno kilo wono chime aghilo.” Juda no hi pikeuye kutau ghenguno kumono pamu pama toi Shela ghi pithivetsu nosakeu musave. Ikehu Tamar ye idewo papu no kilo acheuve.

BOTHUBO 38:8

tile Juda no Onan vilo pi, “Omu nipu valuvelo, eno ochi sasu zulo tishianguno omu tikughukotsu kepushi.”

MATTHEW 22:16

Ikehu panonguno panokhopemi khami pelo Herod laumi sasu kumtsa Jisu lau puwu. Tipaqono ishipi, “Kutsuchekeu ninguno ithi anike noye amikuchomi eno timi ghenguno Alhou pulou akeu vehu kuchou nono kutsu cheni, eno kutamiye kishi kumsu aghi nani kela ipi pi chemoe, kughengu noye timino ashouno kiu kiu thotsu shi aghinamu tipau jupesu kutuqukeu shichemoe.

MATTHEW 22:25

Ningu gholo athikuzumi tsuni acheke, akichiuno akibo shi puzu atianuli shimono thive eno pa nipu achimeu huye pa thikuzuuno valuve.

MATTHEW 22:36

“Kutsuchekeu, Ayezah lo khipauno ahza tsupuakeu akhotou kya?”

MATTHEW 7:21

“Ivilo, ‘Ampeu, Ampeu,’ ipi ikukemi kumtsuno Alhou yehkipelo ilolunike kumoe, ikemu khunoqono iPuh kungughalo akeu pulou shi cheni keno tipaqono ilolu nani.

Mark 12:19

Ikehu panonguno Jisu vilo pi, “Kutsuchekeu, Muse no ayezah hipau nighenguno yepuatsu ke timi lakhino anipu lupuzu atianuli shimono thive aye, pa thikuzuuno pa nipu lumayesa, tishianguno thivekeu jelono atianuli lhophe tsukepu shini kehu.

Luke 20:28

“Kutsuchekeu, Muse no hipau yezah yehpe nitsu puani, ‘Timi lakhino anipu lu puzu atianuli kuha ikemu pano thive aye, timi tipau thikuzuuno anipu tipau lumasae, tishianguno pama tianuliye akithiu ti anuli ipi kukepushi.’

Luke 20:33

Ikelo, kughou kithimi xuputhuke tsalalo liye khuu nipu shive nani kya? Kughengu liye pano tsuni kumtsu nipu shipuani kehu.”

Luke 6:46

“Kushiye ‘Ampeu, Ampeu’ ipi ikucheni eno ino pikeuye shichemo kya?

RUTH 1:11

Ikemu Naomi no pi, “Idewovelo, ninga nokujo ! Kushiye nokujo ye igholo wuniepi ani kya? Ipo lo anuli aphianguno pe nokujo kimi shilupe kepuonomu?

RUTH 3:13

Putho shi aphi kutolo hilau ngovelo eno thanauno timi huno ovalu nikeu pulo anikeo mokela inijuni. Pano ‘alo’ ipi aye ta, ikemu pano mopiaye ino ovaluni putsa pi AMPEU je lono tushoqhi anie. Inaqhe kuto zu aghilo.”

RUTH 4:5

Tile Boaz no pi, “Naomi lau no alu qhuke tsala lono akithiu nipu Muabliu Rut ghi owu akeo! Tishi anguno alu hu akithiu mheghi shi pualu kepushi.”