MATTHEW 22:16 - BAIBEL (BSI)

¹⁶ Ikehu panonguno panokhopemi khami pelo Herod laumi sasu kumtsa Jisu lau puwu. Tipaqono ishipi, “Kutsuchekeu ninguno ithi anike noye amikuchomi eno timi ghenguno Alhou pulou akeu vehu kuchou nono kutsu cheni, eno kutamiye kishi kumsu aghi nani kela ipi pi chemoe, kughengu noye timino ashouno kiu kiu thotsu shi aghinamu tipau jupesu kutuqukeu shichemoe.

Sümi Tiqhelimi Bible

¹⁶ Phariseemiqo no panongu khopemiqo eno Herod papemiqo puwu no ishi pipe, “Akükütsüu, ningu no ithi akeu ye no ye kikhikighimi eno Alhou laghi kuchou kiqi lono kütsü achenie. No ye kütami no züluve chekemi kumo, kughengu pano ye khuu keno no ye tipau akhotoshi chemo ke.

Sumi Naga CL (Re-edited) Bible (BSI)

¹⁶ Panongu no pano khopemi khami gholo Herod papemi ishi Jisü lau puwu no pipe, “Shikükau, nino ithi anike no ye kuchou eno kuchou shi Alhou laghi shika cheni, eno kütami no o züluve pe chemoe, kughengu no ye ashou koghe juchemoe.

MATTHEW 22:16 ပူးပေါင်းရင်းမြစ်များ

KUKAMI ATUGHIU 22:14

Ikemu Mikaiya no khochile, “Akuxu MPEU je lono niye pano ivilo kiu pilo pinikeno ti pinani thono!”

LESHELE 12:2

Panoqo kumtsu lakhino lakhi vilo akimki tsa pie; muqushe eno amlo kikinino lakhino lakhi pishiqhi cheni.

LESHELE 5:9

Ighumino pikeu tsaye pukhu kulupu kuhae; panongu loloye shikupusapu likhike. Panongu kughokiye lhaphepuakeu kumokike, eno panongu milino pishikiqhi tsa picheni.

LESHELE 55:21

Pa tsapiye akikhe chuqu nguno akumtshauke, ikemu pa mlolo mithi keu ani; pa tsaye teli nguno akumtshauke, ikemu azutakihi toi tsughaminheyike.

AHOLE 29:5

Nono oshou lau kuhakugha shi aye noye olikhi olichhe shipe qhianie.

MALAKI 2:6

Panonguye kiuno achipi keno tipau kutsupiyeche eno akumou kutsupiyemoke. Panonguye isasu kulonikughuvui xucheke; kiuno achipi keno tipau panonguno shikeu likhi kumono kutami ghi alhoksa shimovepe nike panonguno kuphuke.

MALAKI 2:9

Tighenguno ino Israilmi pelo nongu jumithi pe nani kughengu nonguno ipulou ghobideke eno kughou nonguno iw timiqo kutsupiye keno nonguye kumtsu aphiphishi peithamoke.”

MATTHEW 22:24

ishipi, “Kutsuchekeu, Muse no pikeuno, ‘Timi lakhino atianuli kuhano thive aye, pa thikuzuuno pamu nipu achimeu hu sasu kughuna masae, tiye akithiu ghenguno atianuli lhophetsulu kepushi.

MATTHEW 22:26

Athikuzuu akiniu shou ghi tipaphi shive, athikuzuu akuthuu lono akutsuniu kutolo tipaphi shive.

MATTHEW 26:18

Pano ishi panoqo vilopi, “Nonguye aphughilo timi lakhi lau wulo eno pa vilo ishi pilo, Kutsuchekeuno ishi piani; ‘Idoye kupunuvae; niye ikhopemi sasu oki lono Hechekulu Ghulhu shini cheni.’ ”

MATTHEW 26:49

Judas no vejoyi Jisu lau ighi, eno “Akivishi alo, Kutsuchekeu!” ipi puzu pa mumae.

Mark 10:17

Jisu no itaghi izuwuniye che kelauye, timi lakhi poiqhoghi puzu pa zulo qhoqhunhepeno pa vilo ishi iniju, “Kutsuchekeu akiviu, niye lhokta kuxu ithulu nike ghenguno kiu shimasa kya?”

Mark 12:13

Farisimi khami Jisu lau puwu eno pano pikeu vechewo pa kitimeluniye shi.

Mark 12:14

Ike panonguno ighieno Jisu vilo ishi pi, “Kutsuchekeu, ninguno ithi anike noye amikuchomi eno ogizuloye timi kumtsu aphiphi shi peitha cheni; kughengu noye timino kiu kiu thotsu shiaghie pinamu tipau jupesu akhotou shitsu chemoe, ikemu noye timi ghenguno kuchouno Alhou pulouye kiu keno tipau pesu kutsu cheni. Nivilo hi pitsulo, Rom kukau Kaisar lau asuqha tsukeu achipi keo mokya? Ninguye panoqo tsukepu keo momu ninguye tsumo kepu kya?”

Mark 3:6

Farisimino ipeve puzu mtazu Herod kusamiqo sasu kushono panonguye Jisu pithive nike kughuve.

Mark 8:15

Ikehu panongu pelo kutokupuyi peniye pano ishi pi, “Jukutoluvelo, Farisimi ngo Herod kholaqhi lono kutokupuyi lulo!”

Luke 20:21

Tuqhouno agho chuve keqo huno Jisu vilo pi: “Kutsuchekeu, nono kiu pi eno kutsu cheni keno tiye achipiepi nino ithi anie. Noye agi juchemo, ikemu Alhou laghi kuchou kutsu chenie.

Luke 7:40

Jisu no pa putsa ghi pi, “Simon, niye ovilo kiuala pikepu shi anie.” Tile pano khochile pi, “Kutsuchekeu, kiu kela pilo.”

John 14:6

Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

John 18:37

Ikelo Pilat no pa iniju, “Tishiaye noye akukau lakhi kesha?” Jisu no khochile, “Niye akukau lakhi kepi nono pianie. Ipunukeu eno ino ayeghiqhalo ighikeu kimijiye highenguno ke: Kuchou ghili ashepe tsuniyeke. Khunono kuchou laumi keno paye isutsa inicheni.”

John 7:18

Timi khuuno pa likhi pa lotsu lono pini keno pa jekipipu phuchenie. Ikemu timi khuno pa puwupuakeu jekipipu phuni keno tiye akumzumi eno tipano qholoye akimki kumu kuhae.

2 Kor. 2:17

Ninguye kutami kutomono ame mulaleyikeu lhidi nhemgha peitha ake toi Alhou tsa peithakemiqo kumoe; ikemu Alhou no ningu puwukeu ghenguno, ninguye kuchou picheni, Alhou zulo Khristo qemi kehu ninguno picheni.

2 Kor. 4:2

Ninguye tuqhotugho kumla eno akukujopu kumla jeli kumtsu qhikhavae; ninguye muqumugha shi chemoe momu Alhou tsa suchighi chemoe, ikemu kuchou ghili pepheghi ninguye Alhou zulo xuacheni eno timi kumtsu kivikusa lokutsu zulo ninguno xu cheni.

2 Kor. 5:16

Tighenguno ninguye timi kuxu ghola qhemi pesu khuu shou mu xatha chemoe. Ghuthu lakhiye ninguno timi kuxu ghola qhemi pesu Khristo shou xathaju che kemu itehiye khilemu tishimovae.

Galatiami 1:10

Hitoi pikelo niye timi lopu phu ani kesha? Ikeo timi pelo ni ikhilupeniye shi ani kya? Itehi kuto ino timi pelo ni ikhilu peniye shi aghiaye niye Khristo qeu shikepu kumoe.

Galatiami 2:6

Ikemu sakiphemi kepi chekeqo hu kuchouno panonguye tishi keo mokeno ighenguye kiumu kimhe akepu kuhae, kughengu Alhou ye ashou koghe jupesu xatha chemoe, ike sakiphemi tipaqo ghi akukumsu kithe kutau kiumu ipithimoe.

ZAKINIU 33:9

Panonguye kumzapu oqhoqhu keu piye, tiye apuaza, athikuzumi momu atianuli nguno alaushi. Panonguno nono ahza tsukeu gholu eno owu puloshoqhi lau amikucho shie.

1 Thes. 2:4

Ikemu Alhou no ni ikhikulupu shiaghive eno atsakiviu pesu ipichetsu keu toi ninguno pi acheni. Ninguye timi pulou shiniyeke kumoe ikemu nimlo lhejuchekeu Alhou pulou shiniyeke.

James 3:17

Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.