MATTHEW 21:31 - BAIBEL (BSI)

³¹ Hipama dolo khikhiuno apuh pulou shitsu kya?” “Akichiuno” ipi panonguno khochile. Tileno Jisu no panoqo vilo ishipi, “Kuchouno ino nongu vilo pini, asuqha kuqhami eno kutuqhalimino nongu zuuno Alhou yehkipe qholo ilolu anie.”

Sümi Tiqhelimi Bible

³¹ “Hi pama dolo khikhiu no apù no pulo akeu shilu kea?” “Atüghiu noe,” ipi panongu no khochile. Jisü no panongu vilo pi, “I no kuchou no nongu vilo pìní, zame küqhami eno kütüqhamiqo no nongu züu no Alhou kükaphu qholo ilo auvae.

Sumi Naga CL (Re-edited) Bible (BSI)

³¹ Hi pama dolo khikhiu no apu pulou shitsü kea?” Panongu no khochile, “Akichiu no,” Jisü no panoqo vilo pi, “Kuchou no I no nongu vilo piani, asüqha küqhami eno kütüqhalimi no nongu züuno Alhou yekipe lo ilolu anie.”

MATTHEW 21:31 ပူးပေါင်းရင်းမြစ်များ

JOB 15:6

Ino kumono olikhi okichilo ipekighi no othave anie eno omutsuno onguku anie.

EZEKEL 33:11

Panoqo vilo pilo ike kuchouno niye xuakeu Lhou ke ghenguno niye axinemi lakhi thikeulo aghaqi chemoe. Niye pa pelo axine lono tave penishike eno xuluve penishike. Israil, nonguno alhoksa shiakeu tavelo. Nonguye kushiye thiani kya?

MATTHEW 12:50

Kughengu timi khuuno iPuh kungughalo akeu ghoapulou shini keno tipaqono ithikuzumi, ichelimi eno izake.”

MATTHEW 18:3

pano ishi pi: “Kuchouno ino nongu vilo pini, nonguno akuxu kililu puzu itimi hutoi shilumoke thaqhuloye nonguye Kungugha yehkipe qholo ilomla nani.

MATTHEW 20:16

Jisu no ishi kishekha ghi pive, “Ikehu atikhamino atughu shive nani eno atughumino atikha shive nani.” Kughengu kutomo kulue ikemu aghuloshi kishelue.

MATTHEW 21:30

Apuh no wupuzu ayitiu vilo ghi tipatho pi. Pano ‘Tishini thono, akijeu’ ipi khochile, ikemu pa ye humove.

MATTHEW 5:18

Kughengu kuchouno ino nongu vilo pini, atsutsu eno ayeghi haumoke kutolo Ayezah lo chosupuakeu momu hetha puakeu thwokha kumtsu shi kishekha moke kutolo lakhimu hauvemo nani.

MATTHEW 5:46

Nongu kimiyekemi likhi nonguno kimiye aye, kushiye Alhou pelo asaxu otsupe nike huqhe ani kya? Asuqha kuqhami thotsu tipaphi shichemo kesha?

MATTHEW 6:5

“Nonguno kughou inikhu nikeno kuhakughami toi shi kepu kumoe, kughengu panonguye Sinagog chekulo eno alaghila phelo puthughono inikhuni keuno pano lokutu cheni, tishianguno timi pelo panoqo ithulupe niye tishi cheni. Kuchouno ino nongu vilo pini, panonguye panongu jume ithuluvae.

MATTHEW 7:21

“Ivilo, ‘Ampeu, Ampeu,’ ipi ikukemi kumtsuno Alhou yehkipelo ilolunike kumoe, ikemu khunoqono iPuh kungughalo akeu pulou shi cheni keno tipaqono ilolu nani.

MATTHEW 9:9

Jisu no tipa-a qhiveno chesu wuche kelo, pano asuqha kuqhami lakhi ithulu, pa jeye Mathi eno paye pawu hiyam lo iqa aghi. Jisu no pa vilo ishipi, “Igholo ighilo.” Tile Mathi no ithu puzu pa gholo wuve.

Luke 15:10

Ino nongu vilo pini: Titoi Alhou wu kungumi lokivi ghi axinemi lakhi xukithelu keu shou anie.”

Luke 19:22

Pano pa vilo pi: ‘No aqeu lhoksau ino otsa pesu okileveni! Nono ithikeuno niye tsatsaikemi, khikhi iwu kumo keno tipau luve cheni, eno khikhi ino shosumo keno tipau xolu cheni.

Luke 7:29

Timi kumtsu eno akhotono zahme kuqhamino pa tsa chilu; panonguye Alhou mikuchono ighiju akeulo aghokulumi shie eno Johan pelo baptiz shitsupe.

John 3:3

Jisu no pa khochile, “Kuchouno ino ovilo pini, timi khukhumu punu kithemo keloye Alhou yehkipe ithumlae.”

John 3:5

Jisu no pa khochile, “Kuchouno ino ovilo pini, timi khukhumu azu eno Aghungu Kimthe lono punu kithemo keloye Alhou yehkipelo ilomlae.

Apostolmi 17:30

Timino mthakeu ghuloki loye Alhou no jukumghale vetsuche, ikemu itehiye pano aqha kuchopulo timi kumtsu vilo xukithelu lopi ahza tsu ani.

Rommi 3:19

Ninguno ithi anike, Ayezahlo pi puakeu kumtsu Ayezah qholo akemiqo vilo pi anike, tishianguno timino jekukivi shichekeu kumtsu hakhave no ayeghiqha kumtsu Alhou kughakutha qholo saghiniye ke.

Rommi 5:20

Axine shikeu kighishenike ghenguno Ayezah iloghi; ikemu khile axine shikeu kighisheni keno, Alhou no kupukini shishe alau shi kighishe tsue.

2 Peter 3:9

Timi khamino kumsukeuno Ampeu ye pano piqhive keulo asheshi auve cheni kughashi kemu paye tishimo nani. Ikemu paye nongu lau kheakulu shi anike, kughengu paye timi khuu pelomu puhavepe nishimoe, ikemu kumtsu pelo axine lono xakide ighivepe nishi ani.