MATTHEW 21:21 - BAIBEL (BSI)

²¹ Jisu no ishi panoqo khochile, “Kuchouno ino nongu vilo pini, nonguno akupulu aghi puzu amlolo lipikeu kuha aye, khughubo shou kiu shivekeno nonguye tipau shilu nani, eno tilikhi kumo puzu nonguno naghuto hipau vilo, ‘Iqesusu azughilo ilulovelo’ ipi kelomu tishivetsu nani.

Sümi Tiqhelimi Bible

²¹ Jisü no khochile, “Kuchou no I no nongu vilo pìní, tsalá nongu no lipimo no aküpülü aghí aye, nongu no mububo shou kiu shive keno tilikhi kumo, ikemu nongu no naghuto hipau vilo, ‘wuvelo, O pesü azüghi lo vesüve lo,’ ipi aye tishive nani.

Sumi Naga CL (Re-edited) Bible (BSI)

²¹ Jisü no panoqo khochile, “Kuchou no I no nongu vilo piani, nongu no aküpülü aghi püzü amlo lo lipimo aye, mububo lau kiu shive keno nongu no ti shiluke likhi kumono naghuto hipau vilo, ‘Iqesü azüghi lo ilove lo’ ipi namu tishilu nani.

MATTHEW 21:21 ပူးပေါင်းရင်းမြစ်များ

MATTHEW 14:29

Jisu no “Ighilo” ipi. Ikehu Pitor no ashuka lono ipe puzu azu shouno alachesu Jisu lau wuche,

MATTHEW 17:20

Pano panongu vilo ishi khochile, “Hiye kutaulo kumono nongu kupulu mikhelo kehue. Kughengu kuchouno ino nongu vilo pini, nonguno aghanethi pahi likhimu akupulu aghi aye, nonguno naghuto hipau vilo, ‘Hileno hulau iqewuvelo’ ipi kelo, tino iqewuve nani. Nonguno shimlakeu kiumu kuha nani.

MATTHEW 21:20

Akhopemiqono ti ithulu puzu apuchopungove eno ishipi, “Kishi puzu khughuboye paikhavino thizumuyive kya?”

MATTHEW 8:12

Ikemu Kungugha yehkipelo aghikepushi akeqo huye khalau zumoyikelo vepheve nani, tilano panonguye qa-mlo nani eno aghime launo ahu tsughububushi nani.”

1 Kor. 13:2

Niye tungkupu tsa pikulupu kuka aghiluvi eno muzamughaleyi keu jeli kumtsu eno akighithi jeli kumtsu ithikuto aghi luvi, ikupuluno naghutoqo tukiqhe kulupu kuka aghiluvi, ikemu kimiyekini kuha aye, niye kiumu kuhae.

James 1:6

Ikemu paye amlo lipimono akupulu shi inikhu pelo, kughengu khunono amlo lipini keno panonguye azughilo amulhuno azufukucho pesu tukucho sawuve keu toike.