MATTHEW 21:19 - BAIBEL (BSI)

¹⁹ Ikelo alaghi phivilo khughubo lakhi aghikeu ithulu puzu pano tipau lau wujue, ikemu tile anipa likhi thono kiumu kuha. Ikehu Jisu no tipa-subo vilo ishipi, “Noye khilemu athi pithi pemoniu!” Paikhavino khughubono thizumuyive.

Sümi Tiqhelimi Bible

¹⁹ Alaphe lo mububo lakhi ithulu kehu, pa no tipau lo wuju ikemu tiye anipaqo likhi thono kiumu pithí aghimoe. Tile no Jisü no mububo vilo pi, “O pelo khilemu akiniù athi pithí pemoniu!” Ikelo paikhavi mububo hu no thizümüive.

Sumi Naga CL (Re-edited) Bible (BSI)

¹⁹ Alaghi phivilo mububo ithulu kehu pa no wu kemu tile anipa likhi thono kiumu küha. Ikehu pa no asübo vilo pi, “No ye khilemu athi pithi pemoniu!” Paikhavi mububo no thizümüive.

MATTHEW 21:19 ပူးပေါင်းရင်းမြစ်များ

ISAIAH 5:2

Pano ayeghi hole eno tipaulo atu kicheve; pano atsayibo akiviu pesu shosu. Tipau mtalo jukutokhe kepu aqo lakhi shipesu qhi, eno atsaithi shephonikeu aqoh lakhu chu. Atsaithi ni-ipeghinikeu pano khe juache, ikemu atsaithi kumtsu qhimboi keu shiaghive.

JEREMIYA 8:13

“Timino pa thi-ghopua keu pekutsuke toi niye iwu timiqo pekutsu nishike; ikemu panonguye atsayibo athi pithimo keu toike; khughubo athi pithimokeu toike; anipa ghi thizumuyive. Tighenguno ino khalaumi pelono aghakhu luvepe nikeu pulovetsuake.”

MATTHEW 21:20

Akhopemiqono ti ithulu puzu apuchopungove eno ishipi, “Kishi puzu khughuboye paikhavino thizumuyive kya?”

Mark 11:14

Jisu no khughuthibo vilo pi, “Timi khuu pelomu hinguno hilauye oxathi chupemoni!” Pano pikeu tsa akhopemino chiluve.

Mark 11:20

Thanau inaqhe panonguno alalo wuchekelo, khughuthibo hu akuhu kutolo thizummyive aghikeu ithulu.

Luke 3:9

Itehighi asubo phivilo amughu bepuani, asubo khikhi no axathi kivi pithimo nikeno yeqhive nani eno amilo vesuve nani.”

John 15:2

Iloka khijehi axathi pithimo keno pano micheve cheni eno axathi pithikeu loka kumtsu alaushi pithi penike pano tipaqo kixiphe cheni.

John 15:6

Khunono igholo kimepe moni keno aloka lakhi toi pa ikhipeve cheni eno thizummuyive cheni. Aloka tipaqoye xukumqono amilo vesuveno pitive cheni.

2 Tim. 3:5

Achineyeh ghushoghili pepulaghi tipaulo akuka kumto akeu phevekeu. Panongu launo putosu alo.

Titus 1:16

Panonguno Alhou ithiakeu tsa picheni, ikemu panongu kumla kughuthano tipau sasu kidimoe. Panonguye aphikumqhupu eno hekibidemike, eno akumla kivi kiumu shilukepu qhemi kumoe.

Jude 1:12

Timi hipaqono kujomono kumtsa tsuqukile chekeu huye nowu kuposhukulu ghulhulo tichetighepuke. Panonguye pano likhi pano heju auve ani. Panonguye khungkusu amulhuno fupe chekeuno tsutsughu sughichemo keu toike. Panonguye tuqu tsalalo axathi pithimokeu subo toike, akuhu lono nhuveno abo akuchopu thivekeu subo toike.

Piyeküsü 22:11

Khunono alhoksa keno tishi alhoksa shilo, eno khunono mithekumo xine keno tishi mithekumo xine shiapelo; khunono akivi keno akivipu shiapelo, eno khunono akimthe keno tishi akimthe shiapelo”