MATTHEW 2:11 - BAIBEL (BSI)

¹¹ Panonguno aki alou iloghi kelo anu ngo aza Maria pama ithulu, tile panonguno qhoqhunhepe pa mllae. Panonguno agho puchekeu lhaphe puzu shuna, tsungquyikeu mukhu eno tsungquyikeu teli ishi pesu agho pa tsue.

Sümi Tiqhelimi Bible

¹¹ Panongu no aki lo iloghi kelo, angá ye pazá Mary gholo aghí keu ithulu, eno panongu no qhoqhünhe no pa müláe. Tipathiu panongu no panonguw aghò puche keu ikhiphe no ameshoyi, axokütsüngüta eno müsüghüta ishi pesü aghò pa tsüe.

Sumi Naga CL (Re-edited) Bible (BSI)

¹¹ Panongu no aki alou ilo anu gholo paza Mary ithulu, tileno panongu no itsaqi pa mlla. Tishino panongu no agho jeli puche keqo ameshoyi, tsüngqüikeu mukhu, eno müsüghüta ikhiphepe pa chhe.

MATTHEW 2:11 ပူးပေါင်းရင်းမြစ်များ

BOTHUBO 43:11

Ike panongu papu Israil no panongu vilo pi, “Tishikepu shiaye hi shilo, niyeghi lono ipeghikeu akini pesu timi hu agho chhekepushi nongu kholo hipaqo supulo: i-yikeu ta kitila, akhingozu kitila, axokutsungu ta ngo vekutsungu kepu mukhu, almon lothi ngo thaithi lothi toikeu ngo ishi.

KUKAMI ATUGHIU 10:10

Tishieno lino sughikeu agho pesu akukau Solomon tsu: tiye shuna kilogram 4000 shou, axokutsungu kutomo eno achiku ishike. Lino axokutsungu pa tsukeuye puzuu ithulu chekeu nguno akiqheu ke.

KUKAMI ATUGHIU 10:2

Li gholo aqemi kemel lono axo vekutsungu keu ngo shuna kutomo eno akughuputu ishi xapu Jerusalem lo ighi, lino Solomon sholukelo lino amlolo puchekeu kumtsu pesu inijuthuve.

LESHELE 2:12

Khokhoshi pa zulo itsaiqilo, tikumoaye, pano aloghu ide ithughive nani eno nonguye zuleno thive nani. Khunono pa suijelu cheni keno tipano lokivipue.

LESHELE 45:8

Ophimini kumtsu mur-xo ngo aloi xono tsungqui anike. Akuhahu pesu ananu shikeu akighikilo alejomino olopivitsuke.

LESHELE 72:10

Spain lo akukau ngo zudoyeghilo kukamiqo no agho pewo pa gihu nani; Arabia ngo Ethiopia lo kukami ghi agho pewo pa mlla nani.

LESHELE 72:15

Axupushulo, akukau! Arabia lono shunayi pa tsu peniu ado kumtsulo pa ghenguno inikhu tsu apeniu; Alhou kukumgha pulhapuju pa shou apeniu!

LESHELE 95:6

Ighilo, ningu itsaiqi puzu pa mlanike; ningu AMPEU niLhokeu zulo qhoqhunhe nike!

IPEKULU 30:23

“Tsungquikeuta akiqheu lulo, tiye musughuta kilogram tsugho, ngoini munakeu akusa kuhu kilogram kuthu ngoyini muna keu akhoi kilogram kuthu,

IPEKULU 30:34

AMPEU no Muse vilo pike, “Ngoyinikeu ta hipaqo akimighi aqhemi shi lulo: stakta, onicha, galbanum, muqhamiqhikeu musughuta.

ALE KIMCHI 3:6

Asayeqha kudauno amichhi phoikughi ake toikeu Musughuta ngo tsungquikeu tano tsungqui alhikishimino jechekeu tsungquikeu mukhu ighi akeu hipaqoye kiu kya?

ISAIAH 60:6

Kemel loji shekujo kumzapushi Midiya ngo Efa kudauno ighi nani. Panonguno Sheba kudauno shunayi ngo tsungquikeu ta sughi nani. AMPEU no kiu mlakeno timiqono tipau tsakiviu lhe nani!

ACHINE 6:15

Tishi puzu asho mukhu kie lakhi ngo teli lulo eno tipau shou tsungquikeu zu suno akiptia lono tipaqo pitilo, tiye kumtsu qhoi AMPEU lau mllavekeu shi kumsumamla keu michi shipelo. Akumllagho hipau xoye AMPEU lopu shichenike.

MALAKI 1:11

Ayeghi cheku lakhi lono lakhiu kutolo timiqono igihu cheni. Aqha kumtsulo panonguno tsungquikeu ta pitipe itsu cheni eno ino ikhikulupu lhoxu heqhipe mlla cheni. Panongu kumtsuno igihu cheni!

MATTHEW 1:18

Jisu Khristo punu ye hitoi shilue. Paza Maria ye Josef sasu kughuna nikeu shi kishekulu xathave, ikemu pama kulakupu shimphi lono liye Aghungu Kimthe launo anga mishipu aghive.

MATTHEW 12:46

Jisu no timiqo putsa aphilono pa za ngo pa thikuzumi ighi puzu khalacheu puthughono pa putsani kepi inijua.

MATTHEW 14:33

Ashukalo akeqono Jisu sheqheghi ishipi, “Kuchouno noye Alhou Nue!”

MATTHEW 2:10

Panonguno ayepu ithulu kelo, panonguye alokiqi launo shishe alokivi shive.

MATTHEW 2:2

“Judami kukau shipeniye anu punukeu hu khile ani kya? Ninguno kipelauno pa yepu ipeghikeu ithuluvae, eno ninguye pa mlla niye ighi ani.”

Luke 2:16

Panonguno akimighi shi ighieno Maria ngo Josef eno anga no amshi khulo zu aghikeu phulu.

Luke 2:38

Tishi ake dolo lino ighino Alhou shikimthikeu tsu eno anu ghili pesu Alhou no Jerusalem xachilelu nikeu kheakemi kumtsu pithi.

John 19:39

Puzuu putho lono Jisu lau ighikeu Nikodema ghi tsungquyikeu-ta ngo musughutha kitekungokeu ahu-kimighi lhopungua toike pesu Josef gholo ighi.

Piyeküsü 19:10

Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.

Piyeküsü 5:8

Kughou pano likuzu kaku ikhilu keno, akuxu akeu lhoxu bidi ngo muchomi mukubidi no Bheriti zulo itsaiqi. Panongu lakhi khino akighi lebo ngo tsungquikeuno abohu chhitoikeu pesu ae, tipaqoye Alhouw timiqo kukhukighinike.

SAMUEL ATUGHIU 10:27

ikemu timi khami kumu avehu kuhakeqono pi, “Kishi puzu timi hipauno nilau kiu akivi kumla shilunia?” Panonguno Saul piputha eno kumu agho suwo pa tsumoe. Ikemu paye inaqhoive ke.