MATTHEW 19:28 - BAIBEL (BSI)

²⁸ Jisu no panoqo vilo pi, “Kuchouno ino nongu vilo pini, kughou Timi Nu no ighini chekeu yeghiqhalo pa kimthe-jukuvu lakhulo iqani keno, nongu ipapechekemiqo ghi alakhu chighikinilo iqa puzu Israil shiayeh chighikini shou kughathakeu shi nani.

Sümi Tiqhelimi Bible

²⁸ Jisü no panongu vilo pi, “Kuchou no I no nongu vilo pìní, thowkha kümtsü akithé shikitheve kelo, eno kughou Timi Nu no pa juküvü küká lakhü lo iqani keno, nongu I pape chekemiqo ghí aküka lakhü chighikini lo iqa no Israelmi lagha chighikini shou xaküthau shi nani.

Sumi Naga CL (Re-edited) Bible (BSI)

²⁸ Jisü no panoqo vilo pi, “Kuchou no I no nongu vilo piani, ayeghiqha kithe lo kughou Timi Nu no pa juküvü lakhü lo iqani keno, nongu I pape chekeqo ghi kükalakhü chighikini lo iqa no Israel shiaye chighikini shou küghathabe nani.

MATTHEW 19:28 ပူးပေါင်းရင်းမြစ်များ

KUKAMI ATUGHIU 18:31

Jakob khuu AMPEU no pa je Israil kuvetsu keno pa nuli chighi kini kiqi lono atu ikhilu.

YEKIKITHI AKINIU 9:19

Puka iku keulo abongushu julho chighi kini ake, tiye puka iku keu lakhikhi kichi shekhalo lakhi khi ake. Akuka lakhu hikithipuye khuno yehkipeqhalo pinamu khilemu ache ghimo keuke.

EZRA 6:17

Shikimthe pe khaqhikeu tsalalo amshitsu alhothe 100, bheri 200, bheriti 400 anetsu chighikini Israil shiyeh chighikinino axine shivekeu axine kumllagho ghenguno tsukeu pesu heqhi mllake.

IPEKULU 15:27

Tishiwo thoghiu panonguno Elim lo ighie, tilehi azupuki tsuni eno amsabo lhotsuni ake. Panonguno tilehi azu phivilo aphiki shike.

IPEKULU 24:4

Muse no AMPEU zahkutsu kumtsu yepe qhive. Thanau itheno pano naghuto pukhu phivilo akiptia lakhi shipe qhino Israil shiayeh chighikini jehi pano atuqu chighi kini pewo qhi.

IPEKULU 28:21

Atu hipau chighikini lakhikhilo Jakob nu je lakhi yepukulo, tiye Israil lagha zuqhushi qhilo.

ISAIAH 65:17

AMPEU no pi, “Julo, niye kungugha kithe eno ayeghi kithe lhophe ani; wovekeulo shivekeqo kumtsu kumsumave nani momu akukumsulo ighimove nani.

ISAIAH 66:22

“Ayeghi kithe eno kungugha akitheye ikukano puqhe ake toi, nolaghami eno nongu jeye haumono acheuve nani.

ACHINE 24:5

Asho mukhu kilogram chighi kini lulo eno ashopa chighi kini shupughape qhilo.

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

MATTHEW 19:27

Tile Pitor no chhechile ghi ishipi, “Julo, ninguye thwokha kumtsu qhiveno opape cheni. Tishiaye, ninguye kiu ithulu nani kya?”

MATTHEW 20:21

Jisu no li vilo ishi iniju, “Noye kiu lunishi ani kya?” Lino ishi khochile, “Oyehkipe ighikelo inu hi pama pelo lakhino o-u ajeu kudau eno lakhino o-u piyiu kudau iqape kepushi piqhive tsulo!”

MATTHEW 25:31

“Kughou Timi Nu no ajukuvu lono kungumi kumtsu pa gholo sasu ighini keno tile pano pawu akimthe jukuvu lakhulo iqa nani.

MATTHEW 6:33

Ikemu Alhou yehkipe eno pa chipiu mikucho paghi nonguno phulo, tishiaye hipaqo kutau kumtsu nongu kupha tsu nani.

MATTHEW 8:20

Jisu no pa khochile, “Sherqoye ngokepu tuki acheni, eno aghauqono apusu ani; ikemu ni Timi Nu ye pa kutsu mukhu kepu-a ghi kuhae.”

Mark 10:37

Pamano ishi khochile, “Kughou ojekipi kukaqhalo akuka lakhulo nono iqani keno, nikujo pelo lakhino o-u ajeu eno lakhino o-u piyiu iqalu pelo.”

Apostolmi 3:21

Alhou no puzuuno pawu tungkupmi pelo azunathaghi pipuakeu toi, thwokha shikithe chilemoke kuto paye kungughalo aghimasae.

2 Tim. 2:12

Ninguno puqhekulushi aye, ningu ghi pa gholo ka nani. Ninguno pa peve aye, pa ghi ningu peve nani.

JOSHUA 3:12

Tighenguno Israil lagha chighikini dolono alagha lakhilo lakhikhi kishelo.

2 Peter 3:13

Ikemu Alhou no piqhivekeu toi ninguye kungugha kithe eno ayeghi kithe khileno amikucho cheni keno tipau kheani.

Piyeküsü 11:16

Ikelo muchomi mukubidi khunoqomi Alhou zulo alakhulo iqa akeno tipaqono panongu gi pishiqho pesu itsaiqino Alhou mllaghi ishipi,

Piyeküsü 12:1

Tileno atsutsulo akichiqhi kepu lakhi ipeghi, totimi lakhino tsukinhe upu, li pukhuno aqhi nepe eno li kutsukuqholo ayepu chighikini ae.

Piyeküsü 20:4

Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.

Piyeküsü 21:5

Tileno akuka lakhulo iqa akeu huno ishipi, “Itehiye ino thwokha akithe shitsu ani!” Pano highi ivilo ishipi, “Hipau yelulo, kughengu atsa hipaqoye kuchou eno pukhube kulupuke.”

Piyeküsü 22:2

aphughilo alaghila mta zusu qowu ae. Aghoki hukukuu eno hikukuu akuxupu subo ae; tipaulo ampelo axathi ghuthu chighikini pithi cheni, aqhilo ghuthu lakhikhi; tipau nipaqoye ashiayehqo shipivilukepu ghenguno ake.

Piyeküsü 22:5

Tilehiye putho tsala kuhae eno panonguye akulu momu tsukinhe kuvu avehupu kuhae, kughengu Ampeu Alhou no panongu kuvu shive nani eno panonguye alhokupujulo kukami toi ayehpe anani.

Piyeküsü 3:21

Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.

Piyeküsü 4:4

Alakhu kutau muku bidino akuka lakhu veho pesu ae eno tipaqo shou muchomi muku bidino aphi kimiye pepu eno shunayino shikeu kutsukuqho pepuno alakhu tipaqo shou iqa ae.

Piyeküsü 7:4

Amichi chishida pukuvekemiqo kihikutsulu keu kikihi ivilo pikeuye 144,000. Panonguye Israilmi alagha chighikini gholonoke.