MATTHEW 16:19 - BAIBEL (BSI)

¹⁹ Kungugha yehkipe khadu ino otsu nani eno ayeghilo nono kiu kiumu lakhavekeu kungughalo ghi lakhavetsu nani; eno ayeghilo nono kiu kiumu phevetsu keulo kungughalo ghi phesuvetsu nani.”

Sümi Tiqhelimi Bible

¹⁹ I no kungugha kükaphu khaqhiyiqo pesü O tsü nani; nono ayeghi lo kiu-kiumu khave aye kungugha lo ghí khave nani, eno nono ayeghi lo kiu-kiumu kuqhove aye kungugha lo ghí kuqhove nani.”

Sumi Naga CL (Re-edited) Bible (BSI)

¹⁹ I no kungugha yekipe khaqhiyi o tsüni, eno ayeghi lo nono kiu kiumu lakhave keu ye kungugha lo ghi lakhaveni; ayeghi lo nono kiu kiumu kuqhove keu ye kungugha lo ghi kuqhoveni.”

MATTHEW 16:19 ပူးပေါင်းရင်းမြစ်များ

ISAIAH 22:22

Ino pa pelo David laghami akukau qholo agha kipeu shipeni. Pano hiyam khadu pe nani; pano kiu khaqhi keno khunomu khavemla nani eno pano kiu khavenikeno khunomu khaqhimla nani.

MATTHEW 18:18

“Kuchouno ino nongu vilo pini, nonguno ayeghilo kiu tsughani keno kungughalo ghi tsugha nani eno nonguno ayeghilo kiu kuqhoni keno kungughalo ghi kuqhove nani.

John 20:23

Nonguno khuno kipimi pevetsu akeno panoqo launo tipau pevetsu ake; eno nonguno khuno kipimi pevetsumo keno panoqo launo tipau pevetsumo ke.”

Apostolmi 15:7

Shishe kutsalaju akethiu, Pitor no puthughono panoqo vilo pi, “Ithikuzumiqo, nonguno ithi anike, puzuu nomu Alhou no nongu gholono ikishe puzu Judakumomi pelo Asutsa Kiviu chilu eno pulupenikeu shike.

2 Kor. 2:10

Nonguno timi khuu kipimi pevetsu nikeno nighi pa kipimi pevetsu ani. Ino kiu kipimi pevetsu nikeno, ino akipimi pevetsu puaghiaye, ino tishikeu huye Khristo zulono nongu ghenguno ke.

1 Thes. 4:8

Tighenguno khunono akukutsutsa hipau ikhilumoni keno paye timi milive anike kumoe ikemu Alhou, pa Ghungu Kimthe nongu tsukeu hu milive anike.

Piyeküsü 1:18

eno niye xu achekeuke; niye thive ikemu itehiye alhokupujulo xu acheni. Ino Akithi ngo Kithimi-yeghi khadu peani.

Piyeküsü 11:6

Pamaye atsutsu khave kepu kuka ani, tighianguno pamano Alhou tsa pesu asheshu ake tsala thaqhulo tsutsughu kitilamu ghuqhi pemo niyeke; eno pamaye azu pesu ahji kughulhove kulupu kuka ghi ani eno pamano shinishike thaqhu ayeghi shou pusa jeli vepuku kulupu kuka ghi ani.

Piyeküsü 3:7

“Filadelfia akukuhoulo kungumi akeu lau yelu ani: “Hiye akimtheu eno amikuchou tsapeke. Paye David khadu peani, pano khaqhi aye khunomu tipau khavemlae, pano khavekeu khunomu khaqhimlae.

Piyeküsü 9:1

Tileno kungumi apunguuno pa fuko kuyigha ike ayepu lakhi atsutsu lono ayeghilo ikiqivekeu ino ithulu, eno aqoh-kutho khadu tipau tsupe pua.