MATTHEW 13:23 - BAIBEL (BSI)

²³ Ayeghi kivi shou apiti vesulukeu huye asutsa hu chilu puzu ti ithikuthulu kemiqoke. Panonguye kuchouno athipithitsu cheni, hamino aqhe, hamino lhotsugho eno hamino shighi ishi pithi chenie.”

Sümi Tiqhelimi Bible

²³ Ikemu apitì aghüma kivi lo ikiqi ilo keu kiqi ye khunoqo no Alhou tsa chilu püzü ti vethalu keno tipau kiqi ke. Hipaqo no athi pithí tsü cheni, apitì vesü keu lo hami no aqhe no küghüsü, hami no lhotsügho no küghüsü eno hami no shighi no küghüsü ishi pithílu cheni.”

Sumi Naga CL (Re-edited) Bible (BSI)

²³ Ayeghi kivi lo vesülu keu piti ye Atsa chilu no ithikuthulu keu timi ke. Pa ye kuchou no athi pithi cheni, eno xokütsü kelo hami no aqhe piqi ithulu cheni, hami no lhotsügho, eno hami no shighi.”

MATTHEW 13:23 ပူးပေါင်းရင်းမြစ်များ

EZEKEL 18:31

Nonguno alhoksa shiakeu kumtsu phevelo eno nonguye amlo kithe akukumsu kithe pululo. Israilmiqo, nonguye kushiye thiani kya?

EZEKEL 36:26

Ino amlo kithe eno akukumsu kithe nongu tsu nani.

MATTHEW 12:33

“Asubo akivi kughulhono tipa xathi akivi pithi lupelo, tikumoaye asubo alhoksa kughulho puzu tipa xathi alhoksa pithi peniae; kughengu asuboye tipaxathi pithi keuno ithive cheni.

MATTHEW 13:8

Ikemu apiti hamiye ayeghi kivilo vesulu eno athi pithilue; hamino athi aqhe pithi, hamino lhotsugho pithi, eno hamino shighi pithi.”

MATTHEW 3:10

Amughuye itehimu asubo akuhu lono yeqhive nike kutope anie, tighenguno asubo khipaqono alothi kivi pithimo nikeno yeqhipe amilo vesuve nani.

MATTHEW 3:8

Nonguno axine lono Alhou lau xaideghi keu qhemi mlape piyelo

Mark 10:15

Kuchouno ino nongu vilo pi ani, khunono itimi lakhi toi shieno Alhou pelo pa shou akukau shipemoni keno paye Alhou yehkipelo ilomla nani.

Mark 4:20

Ikemu kutau hamiye ayeghi shicho kivi shou vesulukeu toi ke, panoqoye Atsa hu chilu puzu ti ikhiluno hamino alothi shighi, hamino lhotsugho eno hamino aqhe ishi pithilu.”

Luke 13:9

Eno hino toku athi pithi aye ti alova, ti kumo aye tileno nono hi yeqhive penie!’ ”

Luke 8:15

Ayeghi kivilo apiti vesu lukeuye khunoqono atsa chilu eno aghokulu ngo amlo kivi xapusu kutuuno ikhilu keu lono athi pithi peghilu cheni.

Luke 8:8

Apiti hamiye ayeghi kivilo vesulu eno lho ipeghino alothi aqhe kutolo pithilu.” Jisu no hipaqo piveno ighamuku pi, “Nonguno chikulupu kini aghi aye, inilo!”

John 15:16

Nonguno ikisheluke kumoe, ikemu ino nongu kishelu eno nongu hekutsulu eno wupuzu tamono axathi kutomo pithipeni yeke. Tishianguno nonguno ije lono Apuh vilo kiu kiumu khu aye pano nongu tsu nani.

John 8:47

Khuuno Alhou laumi keno pano Alhou tsa initsu cheni. Nonguno initsumokeu kiqiye nonguye Alhou laumi kumoe.”

Apostolmi 16:14

Ningu tsa iniakeqo gholo totimi lakhi je ye Ludia. Liye Thiyatira ghami eno huzuyikeu tiphimini jechekemi, eno liye kuchou shi Alhou mllache. Ampeu no li mlo xukhotsu puzu li pelo Paul no pikeulo amlo tsuqhiyilu pe.

Apostolmi 17:11

Judami tile aghikeqoye Thesalonia lo akeqo nguno inapugha kotha- lethakeu kuha. Panonguno khekulhoshi atsa hu ikhilutsu, eno Paul ngo Sila pama no pikeu tsaqo hu kuchou kemo kelaye tsalakipetsu kuchoyesu phukide kudajue.

2 Kor. 9:10

Apiti yisukemi tsuchekeu eno chukepushi achuqupu tsuchekeu Lhou no nonguno apiti avehupu shiakeu tsupuzu tipau thuwulupe, nongu kimiyekini lono kinikulu shi ghile hulupe kepu shi nani.

FILIPIAMI 1:11

Alhou jekipipu eno shekiqhepu ghenguno Jisu Khristo lau likhino ighichekeu mikucho xathino nongu shepichhiluve nani.

FILIPIAMI 4:17

Niye agho ichhepe nikeu phuche nike kumoe; ikemu nonguno Alhou lau kike achekeulo alaushi thuwulu penishi chenike.

Kolosiami 1:10

Tishino nonguye Ampeu pulou lono ame kua kuxu xulu, pa lokiqipu shilu, akumla kivi kumtsulo athi pithilu eno Alhou kighithi alau shilu ishi nanike.

Kolosiami 1:6

Nonguno Alhou wu kupukini hu kuchou kepi chilu eno ithi kuthuluke tsala lono nongu gholo athi pithilu eno thuwulu akehutoi, ayeghiqha kumtsu atsakiviuye athi pithilu eno thuwulu ani.

1 Thes. 4:1

Athikuzumiqo, ashekhashi ninguno Ampeu Jisu lono nongu qhuiniju eno nongu hakite ani, ike nonguye kishi xukepu keno eno kishi Alhou pulou shikepu keno nonguno nilauno shikalu ketoi, nonguno itehi kishi xuanikeno titoi nonguye tinguno alaushi xu achelo.

2 Thes. 2:10

eno alhoksa pishikiqhi jeli kutomo pesu puhavenikemiqo shou shipiye nani kughengu panongu xaluve kepushi akeu kuchou hu ikhilumo eno kimiyemoe.

IBRIMI 4:2

Kughengu ningughi panoqo toi Atsakiviu chiluveake. Panonguye atsape tipau chilu ikemu tiye panoqo kivipu shimlaveke, kughengu panonguno tipau chilu kelo akupulu supuzu tipau ikhilumoveke.

IBRIMI 6:7

Khipau yeghi shou tsutsughu ghuqhi puku cheni keno tipauye Alhou no kumghatsu cheni, tipau pelo tsutsughu yitsu ilolupe puzu asutsuni thu ipeghilupe cheni eno khuno ghenguno tipalu chinikeno tipaqo vehupu shilu chenipeke.

IBRIMI 8:10

Ampeu no pi, Tipa tsalaqo thikhauno ino Israil kibolomi sasu puloshoqhi hipau shi nani, Ino iyezah pesu panongu kukumsulo sutsu nani, Ino tipau panongu mlolo yepukutsu nani, Ino panongu Lhou shive nani, Eno panonguye iwu timi shive nani.

2 Peter 3:18

Ikemu niMpeu eno niXakuluu Jisu Khristo kupukini eno pa kighithilo thuwu alo. Itehi eno alhokupujulo pa lau akimthe jekipi shilo! Amen.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.